• Aesea 60:17
    Baebol Long Niu Wol Translesen

    • 17 Fastaem hem i kopa, be bambae mi karem gol i kam,

      Mo fastaem hem i aean, be bambae mi karem silva i kam,

      Fastaem hem i wud, be naoia kopa,

      Mo fastaem hem i ston, be naoia aean,

      Mo bambae mi putumap pis olsem ol ovasia blong yu,

      Mo stret fasin olsem ol man blong givim wok long yu.+

  • Jeremaea 22:17
    Baebol Long Niu Wol Translesen

    • 17 ‘Be ae blong yu mo hat blong yu i fasgud long fasin ya we yu stap giaman blong kasem samting,

      Mo yu stap mekem blad blong ol gudfala man i ron,

      Mo yu stap ravem man blong kasem samting mo yu stap fosem ol man blong karemaot olting blong olgeta.’

  • Jeremaea 23:5
    Baebol Long Niu Wol Translesen

    • 5 Jehova i talem se: “!Yu luk! I gat ol dei i stap kam we bambae mi mekem wan niufala gru* we fasin blong hem i stret, i kamaot long Deved.+ Mo wan king bambae i rul,+ mo i soemaot se hem i gat hed, mo i mekem se i gat jastis mo stret fasin long kantri ya.+

  • Esikel 22:27
    Baebol Long Niu Wol Translesen

    • 27 Ol prins we oli stap insaed long hem, oli olsem ol wulf we oli stap terem kakae blong olgeta. Olgeta oli stap mekem blad i ron mo oli kilim ol man* blong kasem samting long rod we i no stret.+

  • Esikel 46:18
    Baebol Long Niu Wol Translesen

    • 18 Jif i no mas fosem ol man blong oli aot long ol graon blong olgeta blong hem i save tekem ol graon ya. Hem i mas givim prapa graon blong hem long ol boe blong hem, olsem nao bambae i no gat wan long ol man blong mi we i mas aot long prapa graon blong hem.’”

  • Maeka 3:1-3
    Baebol Long Niu Wol Translesen

    • 3 Mi talem se: “Yufala i harem, ol lida blong Jekob

      Mo yufala tu ol komanda long haos blong Isrel.+

      Yufala i save finis samting we i stret.

       2 Be yufala i no laekem fasin we i gud+ mo yufala i laekem fasin we i nogud,+

      Yufala i stap teremaot ol skin blong ol man blong mi mo mit long ol bun blong olgeta.+

       3 Mo yufala i stap kakae mit blong ol man blong mi tu+

      Mo yufala i teremaot skin blong olgeta,

      Yufala i smasem ol bun blong olgeta long ol smosmol pis,+

      Olsem wan samting long sospen we oli kukum finis,* yes olsem mit insaed long sospen blong kuk.