Proveb
12 Man we i laekem we narafala i stretem hem, hem i laekem save,+
Be man we i no laekem nating we narafala i tok strong long hem, hem i no stap yusum tingting blong hem.*+
2 Jehova i glad long wan gudfala man,
Be Hem i agensem man we i stap mekem ol plan blong mekem rabis samting.+
3 Ol rabis fasin we man i stap mekem, oli no save mekem hem i stap sef,+
Be ol stret man bambae i no gat wan samting i save rutumaot olgeta.
4 Wan gudfala waef, i olsem hat blong king long hed blong hasban blong hem,+
Be waef we i stap mekem samting blong sem, i olsem wan sik we i mekem ol bun blong hasban blong hem i roten.+
5 Ol tingting blong ol stret man, oli stret,
Be ol advaes blong ol man nogud, i save trikim man.
6 Ol tok blong ol man nogud, i olsem man we i haed rere blong kilim man i ded,*+
Be maot blong ol stret man i sevem olgeta.+
7 Taem ol man nogud oli lus, bambae oli no moa stap,
Be haos blong ol stret man, bambae i gohed blong stanap.+
8 Man we i toktok long fasin we i waes, ol man oli stap presem hem from,+
Be man we hat blong hem i fulap long ol tingting blong trikim man, bambae ol man oli mekem hem i sem.+
9 Sipos ol man oli no tinghae tumas long yu, be yu gat wan man blong wok, hemia i gud moa
10 Stret man i stap lukaot gud long ol animol blong hem,*+
Be man nogud, hem i ting se hem i gat sore, be hem i raf tumas.
11 Man we i wok long graon blong hem, bambae i glad from i gat plante kakae,+
Be man we i stap ronem ol samting we oli blong nating nomo, hem i no gat gudfala tingting.*
12 Man nogud i kavetem samting we ol narafala rabis man oli kasem,
Be stret man, hem i olsem wan tri we rus blong hem i go dip long graon, mo i karem gudfala frut.
13 Man nogud, rabis toktok blong hem nomo i olsem trap blong kasem hem,+
Be wan stret man, hem i ronwe long samting we i mekem hem i harem nogud.
14 Gudfala samting we i kamaot from tok we man i talem,* i mekem hem i harem gud,+
Mo ol wok we hem i mekem long han blong hem, bambae oli mekem hem i kasem gudfala samting from.
15 Wan man we i no gat hed, i luk se samting we hem i mekem i stret nomo,+
Be man we i waes, hem i akseptem advaes.+
16 Man we i no gat hed, kwiktaem nomo,* hem i soemaot se hem i kros,+
Be man we i tingting gud, hem i no save tingbaot* ol rabis tok we man i sakem long hem.
17 Long kot, wan trufala witnes bambae hem i talem trutok,*
Be wan giaman witnes, hem i talem ol tok we i giaman.
18 Toktok blong man we i no tingting gud, i stikim man olsem naef blong faet,
Be tang blong man we i waes, i save hilim man.+
19 Trutok we i kamaot long maot blong man, bambae i stap olwe,+
Be giaman tok we i kamaot long maot blong man, bambae i stap smoltaem nomo.+
20 Olgeta we oli stap mekem plan blong mekem nogud, hat blong olgeta i fulap long giaman,
21 Ol stret man, bambae i no gat wan nogud samting i kasem olgeta,+
Be ol man nogud, trabol bambae i kasem olgeta oltaem.+
22 Lips we i stap giaman, i nogud we i nogud long ae blong Jehova,+
Be olgeta we oli mekem ol samting we i stret, oli mekem hem i glad.
23 Man we i tingting gud, hem i haedem samting we hem i save,
Be man we i no gat hed, hat blong hem i letem ol krangke fasin blong hem i kamaot klia.+
24 Han blong ol man we oli wok had, bambae i rul,+
Be han blong ol lesman, bambae i kam slef blong narafala man.+
25 Taem wan man i stap wari, hat blong hem i hevi,*+
Be gudfala toktok i save mekem hem i harem gud bakegen.+
26 Wan stret man i stap jekemgud ol ples blong hem blong putum animol,
Be rod blong ol man nogud, i stap lidim olgeta i gorong.
27 Wan lesman i no save kasem wan animol blong i kakae,+
Be fasin blong wok had, hem i olsem wan samting we i sas tumas.
28 Fasin we i stret, hem i rod we i lidim man i go long laef,+
Man we i folem rod ya, hem i no save ded.