Ol Sam
Singsing blong Deved.
144 I gud yumi presem Jehova, Bigfala Ston blong mi,+
We i trenem ol han blong mi blong faet,
Mo ol fingga blong mi blong faet long wo.+
2 Hem nao i stap soemaot long mi se hem i lavem mi oltaem mo hem i strong ples blong haed blong mi,
Hem i sefples blong mi, mo man blong tekemaot mi long trabol,
Hem i sil blong mi mo Hem i selta we mi go haed long hem,+
Mo Hem nao i stap winim ol man, i putum olgeta aninit long paoa blong mi.+
3 O Jehova, man i nating nomo, i no stret blong yu yu lukluk long hem,
Ol pikinini blong man, oli blong ded nomo, i no stret nating blong yu tingbaot olgeta.+
5 O Jehova, yu mekem heven blong yu i godaon* mo yu kamdaon,+
Yu tajem ol bigfala hil mo yu mekem smok i kamkamaot long olgeta.+
6 Yu mekem laetning i laet mo yu mekem ol enemi oli ron wanwan,+
Yu sutum ol ara blong yu i go mo yu mekem olgeta oli konfius.+
7 Yu stap antap, yu pusum han blong yu i kam,
Yu pulumaot mi long ol dip wota ya, yu sevem mi,
Yes, yu tekemaot mi long han* blong ol man blong narafala kantri,+
8 We oli stap talem ol giaman toktok,
Mo oli stap leftemap raethan blong olgeta blong mekem ol giaman tok ya i strong.*
9 O God, bambae mi sing long wan niufala singsing long yu.+
Bambae mi plei long wan instramen we i gat ten string, blong singim ol sing blong presem yu,*
10 Yu nao Man ya we i stap mekem ol king oli win,*+
Mo Yu nao yu stap tekemaot man blong wok blong yu Deved, long naef blong faet we i save kilim man i ded.+
11 Yu sevem mi, yu tekemaot mi long han blong ol man blong narafala kantri,
We oli stap talem ol giaman toktok,
Mo oli stap leftemap raethan blong olgeta blong mekem ol giaman tok blong olgeta i strong.
12 Nao ol boe blong mifala bambae oli olsem ol yang tri we oli gru kwiktaem,
Mo ol dota blong mifala bambae oli olsem ol bigfala pos we man i katem i naes, blong putum long kona blong pales.
13 Ol stohaos blong mifala bambae oli fulap long ol defdefren kaen kakae, gogo oli kafkafsaed,
Ol animol blong mifala bambae oli gat plante taosen pikinini, mo ol pikinini ya bambae oli gat plante taosen moa.
14 Ol buluk blong mifala we oli gat bel, bambae i no gat wan samting i save givim kil long olgeta,* mo ol pikinini blong olgeta oli no save ded insaed long bel,
Long ol open ples blong mifala, bambae i no gat wan i stap krae from i harem nogud.