Help Long Stret Taem
Wan woman i raet long branj ofis blong ol Wetnes blong Jeova long Ostrelya blong talem tangkyu long olgeta from Wekap! magasin we i tokbaot poen ya “Mekem Pikinini We Oli Mekem Nogud Long Hem i Harem Gud Bakegen.” Hem i eksplenem se:
“Taem mi gat 12 yia, boefren blong mama blong mi i mekem nogud long mi long saed blong seks. Mi mi save se samting ya we i hapen i no stret. Be, long taem ya, mi gat tingting se mi mi nogud mo mi mekem samting we i rabis olgeta mo se hemia i rod we God i yusum blong panisim mi. Hat blong mi i trabol tumas taem mi tingbaot se mi mas visitim man ya, mi savegud wanem samting we bambae i hapen. Be mi mas go, from we mama blong mi i letem hem blong mekem ol krangke fasin long mi from mane. ?Olsem wanem mama blong mi i save pusumaot mi olsem? Mi stat blong blokem ol filing blong mi mo mi no moa glad long laef mo God.
“Hemia long 1992 nomo we mi toktok wetem wan long ol Wetnes blong Jeova. Mi lanem plante samting. Samting we i moa impoten se Jeova God i laekem yumi evriwan mo se hem i no panisim mi.
“Taswe leta ya i blong talem tangkyu long yufala from atikol ya ‘Trabol Blong Pikinini We Oli Mekem Nogud Long Hem’ we i stap long Wekap! magasin blong yufala blong Oktoba 8, 1991.
“Mi mi givim laef blong mi finis long Jeova mo mi plan blong tekem baptaes nekis yia.”
Long tu manis, oli sanem bitim wan taosen leta i kam blong talem tangkyu from wan namba nomo blong Wekap! ya antap. Be, antap long fasin ya we hem i soem rod long ol man we oli ridim blong winim ol problem blong olgeta tede, Wekap! magasin i mekem man i trastem ol samting we Man ya we i Wokem olgeta samting i givim, we i stanap long ransom sakrifaes blong Jisas, blong wan nyufala wol we i gat pis mo i sefgud we bambae i fiksimap olgeta sik. Sipos yu wantem kasem moa save long saed blong nyufala wol ya no yu wantem sam man oli kam luk yu, blong mekem wan fri Baebol stadi wetem yu, plis yu raet long Association “Les Témoins de Jéhovah”, B.P. 787, Nouméa, Nouvelle-Calédonie.
[Tok Blong Pija Long Pej 32]
Awake!
Awake!
Awake!
Children UNDER STRESS How Can They Be Helped?