Hem i Tinghae Long Wajtaoa

Wan studen blong klas sikis, we i skul long Toledo, Ohaio, Yunaeted Stet, i talem se: “Nating se mi mi wan Katolik, mi wantem tumas we yufala i sanem gudfala buk blong yufala, Wajtaoa, i kam long mi. Trevor nao i pulum intres blong mi i go long ol Wajtaoa. Hem i stap sidaon kolosap long mi long klasrum. Mitufala i frengud blong kolosap wan yia nao, mo hem i tijim mi long plante samting long saed blong Jisas, Jeova, mo ol Wetnes blong Jeova.

“Trevor i gat sem yia olsem mi, hem i bigwan sem mak long mi, mo hem i strong long saed blong jyos blong hem. Hem i stap kasem olgeta Wajtaoa evriwan, mo hem i letem mi mi ridim wan. Mi laekem ol gudfala store long buk ya. Mi hop se bambae yufala i save sanem ol buk ya oli kam long mi, nating se mi mi no wan Wetnes blong Jeova.”

Plante man long ol defren kantri mo jyos long wol, oli glad blong ridim Wajtaoa mo Wekap! !Las yia nomo, mifala i wokem bitim 900 milyan kopi blong tufala buk ya, long bitim 120 lanwis!

Yu yu save lanem plante samting tu, sipos yu ridim ol Wajtaoa mo Wekap! Sipos yu wantem kasem ol buk ya no yu wantem se wan man i mekem wan Baebol stadi wetem yu we yu no pem, plis raet i go long Association “Les Témoins de Jéhovah,” B.P. 1741, 98810 Mont Dore Nouvelle-Calédonie.