“Lav We Hem i Soem i Tajem Hat Blong Mi”

Wan man blong taon ya Nis, i raetem wan leta i go long branj ofis blong ol Witnes blong Jeova long Yugoslavia. Hem i raetem se:

“Mi tekem janis ya blong talem tangkiu long yufala. Evri dei mi stap ridim sam japta blong Baebol, mo mi faenem bigfala glad blong mekem olsem. I no longtaem i pas, mi stat ridim smol buk ya ?Wanem Samting We God i Wantem Yumi Blong Mekem? Mi wantem talem bigfala tangkiu from nambawan tul ya we i givhan long mi blong kasem save long Baebol. Olgeta samting long buk ya oli isi nomo blong kasem save.

“Haf we mi laekem tumas hemia stadi we i tokbaot Jisas Kraes. Lav we hem i soem i tajem hat blong mi from we hem i rere blong givim laef blong hem we i stretgud olgeta blong pemaot ol man we hem i no save olgeta yet. I gud sipos evri man oli kasem save se hem i bin givim laef blong hem from olgeta mo oli mas gat tangkiu from.”

Mifala i save se smol buk ya ?Wanem Samting We God i Wantem Yumi Blong Mekem? we i gat 32 pej long hem, bambae i givhan bigwan long yu sipos yu ridim. Antap long stadi ya “?Hu Ya Jisas Kraes?” bambae yu save ridim sam narafala stadi olsem olgeta ya “?God Hem i Hu?,” “?Wanem Stamba Tingting Blong God Long Saed Blong Wol Ya?,” mo “?Wanem Ya Kingdom Blong God?” Sipos yu wantem wan buk olsem, fulumap pepa we i stap daon mo sanem i kam long adres we i stap no long wan long ol adres we i stap long lis long pej 5 blong magasin ya.

□ Plis sanem smol buk ya ?Wanem Samting We God i Wantem Yumi Blong Mekem?

□ Plis, mi mi wantem se man i kam luk mi blong mekem Baebol stadi wetem mi we mi no pem.