‘Bilif Blong Mi Long Nem Blong God i No Moa Hafhaf’

Wan man long San Diego, California, we i toktok lanwis blong Spen, hem i talem tok ya antap, long wan leta we hem i sanem i kam long hedkwota blong ol Witnes blong Jeova long Yunaeted Stet. Hem i raetem se: “Mi mi no stap long skul blong yufala, be mi laekem blong ridim ol buk blong yufala. Mi mi raetem leta ya blong talem ol gudfala toktok long yufala from ol buk ya. Tri dei i pas finis, mi luk wan smol buk long tin doti, mo buk ya i pulum ae blong mi. Mi karemaot buk ya nating se i wetwet, mo mi luk we nem blong hem se, The Divine Name That Will Endure Forever. Afta we mi draemap buk ya, mi ridim fulwan.

“Mi no ridim wan buk samtaem we i bin pulum tingting blong mi olsem hemia. Ating i no gat wan narafala buk long wol we i gud olsem. Hem i mekem se bilif blong mi long nem blong God i no moa hafhaf. Mi stat finis blong yusum buk ya we i brobrok, blong tijim ol fren blong mi long saed blong nem blong God. !Olgeta i gat skul finis, be taem mi askem long olgeta se, ‘?Wanem nem blong God?’ oli no save ansa! Ale, mi soem buk ya long olgeta. Plis sanem tri kopi blong buk ya i kam long mi long lanwis blong Spen.”

Yu tu yu save kasem smol buk ya, The Divine Name That Will Endure Forever, long Inglis no Franis, sipos yu fulumap pepa ya daon, mo sanem i go long adres we i stap, no long wan adres long pej 5 we i stret long ples blong yu.

□ Plis sanem buk ya long mi, The Divine Name That Will Endure Forever.

Talem wanem lanwis.

□ Plis, mi mi wantem se wan man i kam luk mi blong mekem Baebol stadi wetem mi we mi no pem.