Ol Kwestin Blong Stadi Long Buk Blong Ol Baebol Stori
God i Stat Wokem Ol Samting
1. ?Hu i givim olgeta gudfala samting long yumi? ?Yu save talem wan gudfala samting we hem i givim?
2. ?Fastaem God i wokem wanem samting?
3. ?From wanem faswan enjel i spesel?
4. ?Wol ya i olsem wanem fastaem? (Lukluk pija.)
5. ?God i mekem wanem blong rerem wol from ol anamol mo man?
Sam narafala kwestin:
1. Ridim Jeremaea 10:12.
?Taem yu lukluk ol samting we God i wokem, yu luk se Hem i gat wanem fasin? (Aes. 40:26; Rom 11:33)
2. Ridim Kolosi 1:15-17, NW.
?Olsem wanem Jisas i givhan blong wokem ol samting? ?Samting ya i mas mekem se yumi gat wanem tingting long saed blong Jisas? (Kol. 1:15-17, NW )
3. Ridim Jenesis 1:1-10.
(a) ?Wol ya i stat olsem wanem? (Jen. 1:1)
(b) ?God i wokem wanem long faswan dei? (Jen. 1:3-5)
(c) ?God i wokem wanem long seken dei? (Jen. 1:7, 8)
Wan Naesfala Garen
1. ?God i mekem wanem blong rerem wol ya i kam ples blong ol man?
2. ?Wanem ol defdefren kaen anamol we God i mekem? (Lukluk pija.)
3. ?From wanem garen blong Iden i spesel?
4. ?God i wantem se fulwol i kam olsem wanem?
Sam narafala kwestin:
1. Ridim Jenesis 1:11-25.
(a) ?Long namba tri dei, God i mekem wanem? (Jen. 1:12)
(b) ?Wanem i hapen long namba fo dei? (Jen. 1:16)
(c) ?God i mekem wanem kaen anamol long namba faef mo namba sikis dei? (Jen. 1:20, 21, 25)
2. Ridim Jenesis 2:8, 9.
?God i putum wanem tufala spesel tri long garen blong Iden? ?Tufala tri ya i saen blong wanem samting?
Faswan Man Mo Woman
1. ?Olsem wanem pija long Stori 3 i defren long pija long Stori 2?
2. ?Hu i mekem faswan man? ?Wanem nem blong man ya?
3. ?God i givim wanem wok long Adam?
4. ?From wanem God i mekem Adam i slip we i slip?
5. ?Adam mo Iv tufala i save stap laef blong hamas yia? ?Wanem wok we Jeova i wantem tufala blong mekem?
Sam narafala kwestin:
1. Ridim Ol Sam 83:18, NW mo Eksodas 3:14, futnot.
?Wanem nem blong God? ?Wanem posisen we hem nomo i holem antap long wol ya? (Jer. 16:21; Dan. 4:17)
2. Ridim Jenesis 1:26-31.
(a) ?Wanem laswan samting we God i wokem long namba sikis dei? ?Olsem wanem samting ya we God i wokem i defren long ol anamol? (Jen. 1:26)
(b) ?Jeova i givim wanem long man mo ol anamol? (Jen. 1:30)
3. Ridim Jenesis 2:7-25.
(a) ?Olsem wanem Adam i mekem wok ya blong putum nem blong ol anamol? (Jen. 2:19)
(b) ?Jenesis 2:24 i givhan long yumi blong kasem save long wanem tingting blong Jeova long saed blong mared, fasin seraot, mo divos? (Mat. 19:4-6, 9)
Tufala i Lusum Hom Blong Tufala
1. ?Long pija ya, wanem i stap hapen long Adam mo Iv?
2. ?From wanem Jeova i panisim tufala?
3. ?Snek i talem wanem long Iv?
4. ?Hu nao i mekem se snek ya i toktok long Iv?
5. ?From wanem Adam mo Iv tufala i lusum naesfala Paradaes blong tufala?
Sam narafala kwestin:
1. Ridim Jenesis 2:16, 17 mo 3:1-13, 24.
(a) ?Olsem wanem kwestin we snek i askem long Iv i daonem gud Jeova? (Jen. 3:1-5; 1 Jon 5:3)
(b) ?Stori blong Iv i givim wanem woning long yumi? (Fil. 4:8; Jem. 1:14, 15; 1 Jon 2:16)
(c) ?Adam mo Iv tufala i talem wanem blong traem putum fol i go long narawan? (Jen. 3:12, 13)
(d) ?Olsem wanem ol jerubim we oli stap gad long is saed blong garen blong Iden oli leftemap rul blong Jeova? (Jen. 3:24)
2. Ridim Revelesen 12:9.
?Setan i pulum hamas man blong oli agensem rul blong God? (1 Jon 5:19)
Stori 5
1. ?Afsaed long garen blong Iden, laef blong Adam mo Iv i olsem wanem?
2. ?Adam mo Iv tufala i stat folem wanem rod? ?From wanem?
3. ?From wanem ol pikinini blong Adam mo Iv oli kam olfala mo oli ded?
4. ?Sipos Adam mo Iv tufala i bin obei long Jeova, laef blong tufala mo laef blong ol pikinini blong tufala bambae i olsem wanem?
5. ?From we Iv i no obei long God, hem i harem wanem bigfala soa?
6. ?Wanem nem blong fasbon mo sekenbon pikinini boe blong Adam mo Iv?
7. ?Hu ol narafala pikinini long pija ya?
Sam narafala kwestin:
1. Ridim Jenesis 3:16-23 mo 4:1, 2.
(a) ?Olsem wanem laef blong Adam i defren afta we God i mekem graon i kam nogud? (Jen. 3:17-19; Rom 8:20, 22)
(b) ?From wanem i stret we woman i karem nem ya Iv, we i minim “Laef”? (Jen. 3:20, futnot)
(c) ?Afta we Adam mo Iv tufala i mekem sin, Jeova i mekem wanem blong soem se hem i tingbaot tufala yet? (Jen. 3:7, 21)
2. Ridim Revelesen 21:3, 4.
?Wanem “ol samting ya blong bifo” we yu yu wantem se oli finis?
Wan Gudfala Boe, Mo Wan Nogud Boe
1. ?Ken mo Ebel tufala i mekem wanem wok?
2. ?Ken mo Ebel tufala i givim wanem presen i go long Jeova?
3. ?From wanem Jeova i glad long presen we Ebel i givim? ?From wanem Jeova i no glad long presen we Ken i givim?
4. ?Wanem fasin blong Ken? ?Jeova i talem wanem long Ken blong traem stretem tingting blong hem?
5. ?Taem Ken mo brata blong hem tufala nomo i stap long garen, Ken i mekem wanem?
6. ?Wanem i hapen long Ken afta we hem i kilim brata blong hem i ded?
Sam narafala kwestin:
1. Ridim Jenesis 4:2-26.
(a) ?Jeova i talem wanem long Ken blong soem se hem i stap long denja? (Jen. 4:7)
(b) ?Ken i talem wanem blong soemaot samting we i rili stap long hat blong hem? (Jen. 4:9)
(c) ?Wanem tingting blong Jeova long man we i kilim narafala i ded? (Jen. 4:10; Aes. 26:21)
2. Ridim 1 Jon 3:11, 12.
(a) ?From wanem Ken i kros tumas? ?Samting ya i givim wanem woning long yumi tede? (Jen. 4:4, 5; Prov. 14:30; 28:22)
(b) ?Baebol i talem wanem blong soem se yumi save holemstrong long Jeova, nating se olgeta famle blong yumi oli agensem Hem? (Sam 27:10; Mat. 10:21, 22)
3. Ridim Jon 11:25.
?Wanem promes we Jeova i mekem long ol man we oli ded from stret fasin? (Jon 5:24)
Wan Man We i No Fraet
1. ?Wanem i mekem se Inok i defren long ol narafala man?
2. ?From wanem ol man long taem blong Inok oli mekem plante nogud samting?
3. ?Wanem ol nogud samting we oli mekem? (Lukluk pija.)
4. ?From wanem Inok i nidim fasin no fraet?
5. ?Ol man long taem bifo, oli laef hamas yia? ?Be Inok i laef hamas yia?
6. ?Wanem i hapen afta we Inok i ded?
Sam narafala kwestin:
1. Ridim Jenesis 5:21-24, 27.
(a) ?Inok i fren wetem Jeova no nogat? (Jen. 5:24)
(b) ?Hu man long Baebol we i olfala moa? ?Man ya i laef blong hamas yia? (Jen. 5:25, 27)
2. Ridim Jenesis 6:5.
?Afta we Inok i ded, wol i kam olsem wanem? ?Hemia i sem mak long wol blong yumi tede? (2 Tim. 3:13)
3. Ridim Hibrus 11:5, NW.
?Wanem fasin blong Inok we i mekem se God i “glad tumas long hem”? ?From samting ya, God i mekem wanem long hem? (Jen. 5:22)
4. Ridim Jud 14, 15.
?Olsem wanem ol Kristin tede oli save gat fasin no fraet olsem Inok, taem oli stap givim woning long ol man se faet blong Amagedon i klosap? (2 Tim. 4:2; Hib. 13:6)
Ol Bigbigfala Man Long Wol
1. ?Wanem i hapen taem sam enjel blong God oli lesin long Setan?
2. ?From wanem sam enjel oli lego wok blong olgeta long heven blong kamdaon long wol?
3. ?From wanem i no stret we ol enjel ya oli kamdaon long wol long bodi blong man?
4. ?Ol pikinini blong ol enjel ya oli olsem wanem?
5. ?Pija ya i soem se ol pikinini blong ol enjel ya oli mekem wanem fasin taem oli kam bigwan?
6. ?Afta Inok, hu ya gudfala man ya we i laef long wol? ?From wanem God i laekem man ya?
Sam narafala kwestin:
1. Ridim Jenesis 6:1-8.
?Olsem wanem Jenesis 6:6 i soem se fasin blong yumi i save mekem Jeova i haremgud no i harem nogud? (Sam 78:40, 41; Prov. 27:11)
2. Ridim Jud 6.
?Stori blong ol enjel long taem blong Noa we oli “no glad blong holem hae nem we God i givim long olgeta,” i givim wanem woning long yumi tede? (1 Kor. 3:5-9; 2 Pita 2:4, 9, 10)
Noa i Bildim Wan Bigfala Sip
1. ?I gat hamas man evriwan long famle blong Noa? ?Wanem nem blong trifala boe blong Noa?
2. ?Wanem narakaen wok we God i givim long Noa? ?From wanem Noa i mas mekem wok ya?
3. ?Ol man long taem blong Noa, oli mekem wanem taem Noa i talemaot bigfala sip ya long olgeta?
4. ?God i talem long Noa blong mekem wanem long ol anamol?
5. ?Afta we God i satem doa blong bigfala sip, Noa mo famle blong hem oli mas mekem wanem?
Sam narafala kwestin:
1. Ridim Jenesis 6:9-22.
(a) ?Wanem i mekem se Noa i wan gudfala man blong trufala God? (Jen. 6:9, 22)
(b) ?Wanem tingting blong Jeova long man we i kilim narafala man? ?Olsem wanem samting ya i save halpem yumi taem yumi jusum ol pleplei? (Jen. 6:11, 12; Sam 11:5)
(c) ?Olsem wanem yumi save mekem olsem Noa taem ogenaesesen blong Jeova i talem wan samting long yumi? (Jen. 6:22; 1 Jon 5:3)
2. Ridim Jenesis 7:1-9.
Nating se Noa i sinman, Jeova i luk hem olsem wan stret man. ?Olsem wanem samting ya i save leftemap tingting blong yumi tede? (Jen. 7:1; Prov. 10:16; Aes. 26:7)
Bigfala Wota i Draonem Wol
1. ?From wanem ol man oli no save go insaed long bigfala sip afta we ren i stat?
2. ?Jeova i mekem se i ren blong hamas dei mo naet? ?Wota i kam antap gogo i kavremap wanem?
3. ?Taem wota i stat kam antap, wanem i hapen long bigfala sip?
4. ?Ol bigbigfala dabolbun ya oli laef tru long taem ya we bigfala wota i ron? ?Wanem i hapen long ol papa blong olgeta?
5. ?Afta we faef manis i pas, wanem i hapen long bigfala sip ya?
6. ?From wanem Noa i letem wan reven i flae i go?
7. ?Olsem wanem Noa i save se wota i godaon finis?
8. ?Afta we Noa mo famle blong hem oli stap insaed long bigfala sip ya blong bitim wan yia, God i talem wanem long olgeta?
Sam narafala kwestin:
1. Ridim Jenesis 7:10-24.
(a) ?God i spolem wanem samting long wol? (Jen. 7:23)
(b) ?Hamas taem i pas bifo we wota i godaon? (Jen. 7:24)
2. Ridim Jenesis 8:1-17.
?Olsem wanem Jenesis 8:17 i soem se stamba tingting blong Jeova long saed blong wol ya i no jenis? (Jen. 1:22)
3. Ridim 1 Pita 3:19, 20.
(a) ?Taem ol stronghed enjel oli gobak long heven, wanem panis we God i givim long olgeta? (Jud 6)
(b) ?Olsem wanem stori blong Noa mo famle blong hem i mekem yumi trastem Jeova se hem i naf blong sevem ol man blong hem? (2 Pita 2:9)
Faswan Renbo
1. ?Noa i mekem wanem taem hem i kamaot long bigfala sip? (Lukluk pija.)
2. ?Afta we Bigfala Wota i godaon, Jeova i givim wanem oda long Noa mo famle blong hem?
3. ?God i mekem wanem promes long taem ya?
4. ?Taem yumi luk wan renbo, yumi mas tingbaot wanem?
Sam narafala kwestin:
1. Ridim Jenesis 8:18-22.
(a) ?Yumi save mekem wanem tede, blong Jeova i ‘harem wan smel we i mekem hem i glad’? (Jen. 8:21; Hib. 13:15, 16)
(b) ?Jeova i luksave wanem samting long saed blong hat mo tingting blong man? ?Taswe, yumi mas lukaotgud long wanem samting? (Jen. 8:21; Mat. 15:18, 19)
2. Ridim Jenesis 9:9-17.
(a) ?Jeova i mekem wanem promes long ol laef samting long wol ya? (Jen. 9:10, 11)
(b) ?Promes ya we renbo i saen blong hem, bambae i stap go kasem wetaem? (Jen. 9:16)
Oli Wokem Wan Haos We i Hae We i Hae
1. ?Nimrod hem i hu? ?God i laekem Nimrod?
2. ?From wanem ol man long pija ya oli stap wokem ol brikis?
3. ?From wanem Jeova i no glad long haos ya we oli stap bildim?
4. ?God i mekem wanem blong stopem wok blong olgeta blong bildim haos ya?
5. ?Wanem nem blong taon ya? ?Mo wanem mining blong nem ya?
6. ?Afta we God i mekem lanwis blong ol man i fasfas, wanem i hapen?
Sam narafala kwestin:
1. Ridim Jenesis 10:1, 8-10, NW.
?Wanem fasin blong Nimrod? ?Samting ya i givim wanem woning long yumi? (Prov. 3:31)
2. Ridim Jenesis 11:1-9.
?From wanem ol man oli wantem bildim haos ya we i hae? ?From wanem oli no save finisim wok ya? (Jen. 11:4; Prov. 16:18; Jon 5:44)
Ebraham—Wan Fren Blong God
1. ?Wanem fasin blong ol man long taon ya Uru?
2. ?Hu ya man ya we i stap long pija? ?Wetaem hem i bon? ?Hem i stap wea?
3. ?Wanem samting we God i talem long Ebraham blong mekem?
4. ?From wanem Ebraham i fren blong God?
5. ?Ebraham i tekem hu i go wetem hem taem hem i aot long Uru?
6. ?Taem Ebraham i kasem Kenan, God i talem wanem long hem?
7. ?Taem Ebraham i gat 99 yia blong hem, God i mekem wanem promes long hem?
Sam narafala kwestin:
1. Ridim Jenesis 11:27-32.
(a) ?Lot mo Ebraham tufala i famle olsem wanem? (Jen. 11:27)
(b) ?Nating we Baebol i talem se Tera i tekem famle blong hem i go long Kenan, be olsem wanem yumi save se Ebraham nao i gat tingting ya fastaem? ?From wanem hem i mekem olsem? (Jen. 11:31; Wok 7:2-4)
2. Ridim Jenesis 12:1-7.
?Taem Ebraham i kasem Kenan, olsem wanem Jeova i givim moa save long saed blong promes we hem i mekem finis? (Jen. 12:7)
3. Ridim Jenesis 17:1-8, 15-17.
(a) ?Taem Ebraham i gat 99 yia blong hem, Jeova i jenisim nem blong hem i kam wanem? ?From wanem? (Jen. 17:5)
(b) ?Jeova i promes blong givim wanem blesing long Sera? (Jen. 17:15, 16)
4. Ridim Jenesis 18:9-19.
(a) ?Folem tok blong Jenesis 18:19, ol papa oli gat wanem wok blong mekem? (Dut. 6:6, 7; Efes. 6:4)
(b) ?Wanem i hapen long laef blong Sera we i soem se yumi no save haedem samting long Jeova? (Jen. 18:12, 15; Sam 44:21)
God i Traem Bilif Blong Ebraham
1. ?God i mekem wanem promes long Ebraham? ?Olsem wanem God i mekem promes ya i kamtru?
2. ?Olsem wanem God i traem bilif blong Ebraham? (Lukluk pija.)
3. ?Nating se Ebraham i no kasem save long risen blong oda blong God, hem i mekem wanem?
4. ?Wanem i hapen taem Ebraham i leftemap naef blong kilim pikinini blong hem i ded?
5. ?Bilif blong Ebraham i strong gud?
6. ?God i givim wanem anamol long Ebraham blong i save mekem sakrefaes long hem? ?Olsem wanem hem i givim anamol ya long Ebraham?
Sam narafala kwestin:
1. Ridim Jenesis 21:1-7.
?From wanem Ebraham i mekem sakomsaes long boe blong hem long namba eit dei? (Jen. 17:10-12; 21:4)
2. Ridim Jenesis 22:1-18.
?Olsem wanem Aesak i soem se hem i obei long papa blong hem Ebraham? ?Mo samting ya i pija blong wanem bigfala samting we bambae i kamtru biaen? (Jen. 22:7-9; 1 Kor. 5:7; Fil. 2:8, 9)
Woman Blong Lot i Lukluk Bak
1. ?From wanem Ebraham i seraot long Lot?
2. ?From wanem Lot i jusum blong stap long Sodom?
3. ?Wanem fasin blong ol man Sodom?
4. ?Tufala enjel i givim wanem woning long Lot?
5. ?From wanem sol i kavremap woman blong Lot mo bodi blong hem i kam strong olsem ston?
6. ?Stori blong woman blong Lot i tijim yumi long wanem samting?
Sam narafala kwestin:
1. Ridim Jenesis 13:5-13.
?Long saed blong rod blong stretem rao wetem narafala, Ebraham i tijim yumi long wantem samting? (Jen. 13:8, 9; Rom 12:10; Fil. 2:3, 4)
2. Ridim Jenesis 18:20-33.
?Olsem wanem fasin we Jeova i mekem long Ebraham i soem se yumi save trastem Jeova mo Jisas blong jajem ol man long stret fasin? (Jen. 18:25, 26; Mat. 25:31-33)
3. Ridim Jenesis 19:1-29.
(a) ?Long stori ya blong Baebol, yumi luk wanem tingting blong God long saed blong ol man blong slip wetem man? (Jen. 19:5, 13; Lev. 20:13)
(b) ?Long saed blong fasin blong obei long tok blong God, olsem wanem Lot i defren long Ebraham? ?Yumi save lanem wanem samting from? (Jen. 19:15, 16, 19, 20; 22:3)
4. Ridim Luk 17:28-32.
?Wanem tingting blong woman blong Lot long saed blong olting blong hem? ?Hemia i givim wanem woning long yumi? (Luk 12:15; 17:31, 32; Mat. 6:19-21, 25)
5. Ridim 2 Pita 2:6-8.
?Yumi mas gat wanem fasin olsem Lot, long saed blong rabis wol ya raonabaot long yumi? (Esik. 9:4; 1 Jon 2:15-17)
Aesak i Faenem Wan Gudfala Waef
1. ?Hu ya man mo woman long pija ya?
2. ?Ebraham i mekem wanem blong faenem wan waef blong boe blong hem? ?From wanem hem i mekem olsem?
3. ?Olsem wanem Jeova i ansa long prea blong man blong wok blong Ebraham?
4. ?Rebeka i talem wanem taem oli askem long hem sipos hem i wantem mared wetem Aesak?
5. ?Wanem i mekem Aesak i haremgud bakegen?
Sam narafala kwestin:
1. Ridim Jenesis 24:1-67.
(a) ?Wanem ol gudfala fasin we Rebeka i soemaot taem hem i mitim man blong wok blong Ebraham klosap long wan wel? (Jen. 24:17-20; Prov. 31:17, 31)
(b) ?Plan we Ebraham i mekem blong Aesak, i givim wanem eksampol long ol Kristin tede? (Jen. 24:37, 38; 1 Kor. 7:39; 2 Kor. 6:14)
(c) ?From wanem yumi mas makemaot taem blong tingting dip, olsem Aesak i mekem? (Jen. 24:63; Sam 77:12; Fil. 4:8)
Tufala Twin We Fasin Blong Tufala i Defdefren
1. ?Hu ya Esao mo Jekob? ?Olsem wanem tufala i defdefren?
2. ?Esao mo Jekob i gat hamas yia taem bubu man blong tufala, Ebraham, i ded?
3. ?Esao i mekem wanem samting we mama papa blong hem i harem nogud from?
4. ?From wanem Esao i kros tumas long brata blong hem Jekob?
5. ?Aesak i talem wanem long boe blong hem Jekob?
Sam narafala kwestin:
1. Ridim Jenesis 25:5-11, 20-34.
(a) ?Wanem profet tok we Jeova i talem long saed blong tufala boe blong Rebeka? (Jen. 25:23)
(b) ?Olsem wanem tingting blong Jekob i defren long tingting blong Esao long saed blong raet we hem i gat from we hem i fasbon? (Jen. 25:31-34)
2. Ridim Jenesis 26:34, 35; 27:1-46; mo 28:1-5.
(a) ?Olsem wanem Esao i soem se hem i no tinghae long ol samting long saed blong spirit? (Jen. 26:34, 35; 27:46)
(b) ?Aesak i talem long Jekob se hem i mas mekem wanem blong kasem blesing blong God? (Jen. 28:1-4)
3. Ridim Hibrus 12:16, 17.
?Laef blong Esao i soem wanem samting we i save kamaot long ol man we oli no tingbaot God?
Jekob i Wokbaot i Go Long Haran
1. ?Hu ya yangfala woman long pija ya? ?Jekob i mekem wanem blong givhan long woman ya?
2. ?Jekob i rere blong mekem wanem blong hem i save tekem Rejel i kam woman blong hem?
3. ?Laban i mekem wanem long taem ya we Jekob i mas mared long Rejel?
4. ?Jekob i agri blong mekem wanem blong i save tekem Rejel i kam woman blong hem?
Sam narafala kwestin:
1. Ridim Jenesis 29:1-30.
(a) ?Taem Laban i trikim Jekob, olsem wanem Jekob i soem se hem i wan gudfala man? ?Mo yumi save lanem wanem samting from? (Jen. 25:27; 29:26-28; Mat. 5:37)
(b) ?Olsem wanem eksampol blong Jekob i soem se trufala lav i defren long giaman lav? (Jen. 29:18, 20, 30; Sing 8:6)
(c) ?Hu ya fofala woman we oli stap long haos blong Jekob mo biaen oli gat pikinini wetem hem? (Jen. 29:23, 24, 28, 29)
Jekob i Gat Wan Bigfala Famle
1. ?Wanem nem blong sikis boe we Jekob i gat wetem faswan woman blong hem Lea?
2. ?Wanem nem blong tufala boe we Jekob i gat wetem Silpa, woman slef blong Lea?
3. ?Wanem nem blong tufala boe we Jekob i gat wetem Bilhaha, woman slef blong Rejel?
4. ?Wanem nem blong tufala pikinini boe blong Rejel? ?Be wanem i hapen taem seken boe i bon?
5. ?Long pija, yu luk hamas pikinini boe blong Jekob? ?Wanem i kamaot long olgeta?
Sam narafala kwestin:
1. Ridim Jenesis 29:32-35; 30:1-26; mo 35:16-19.
?Plante man Hibru long taem bifo oli jusum nem blong ol boe blong olgeta olsem wanem, olsem yumi luk long 12 boe blong Jekob?
2. Ridim Jenesis 37:35.
?Baebol i tokbaot Daena nomo we i dota blong Jekob, be olsem wanem yumi save se hem i gat sam moa dota blong hem? (Jen. 37:34, 35)
Daena i Kasem Trabol
1. ?From wanem Ebraham mo Aesak tufala i no wantem we ol pikinini blong tufala oli maredem ol boe mo gel blong Kenan?
2. ?Jekob i glad we dota blong hem i fren wetem ol gel blong Kenan?
3. ?Hu ya man ya long pija we i stap lukluk Daena? ?Hem i mekem wanem nogud samting?
4. ?Taem Simeon mo Livae, tufala brata blong Daena i harem nius blong samting ya, tufala i mekem wanem?
5. ?Jekob i glad long fasin blong Simeon mo Livae?
6. ?From wanem ol trabol ya i stat?
Sam narafala kwestin:
1. Ridim Jenesis 34:1-31.
(a) ?Hemia faswan taem we Daena i go luk ol gel blong Kenan? Eksplenem. (Jen. 34:1, NW )
(b) ?From wanem Daena tu i gat fol taem man ya i fosem hem? (Gal. 6:7)
(c) ?Olsem wanem ol yangfala tede oli save soem se oli tinghevi long woning we stori blong Daena i givim? (Prov. 13:20; 1 Kor. 15:33; 1 Jon 5:19)
Ol Brata Blong Josef Oli No Laekem Hem
1. ?From wanem ol brata blong Josef oli jalus? ?Ale, oli mekem wanem?
2. ?Ol brata blong Josef oli wantem mekem wanem long hem? ?Be Ruben i talem wanem long olgeta?
3. ?Wanem i hapen taem sam man long laen blong Ismael oli pas?
4. ?Ol brata blong Josef oli mekem wanem nao papa blong olgeta i ting se Josef i ded?
Sam narafala kwestin:
1. Ridim Jenesis 37:1-35.
(a) ?Olsem wanem ol Kristin oli save folem eksampol blong Josef taem oli ripotem man long kongregesen we i mekem bigfala sin? (Jen. 37:2; Lev. 5:1; 1 Kor. 1:11)
(b) ?Wanem i pulum ol brata blong Josef blong mekem i nogud long hem? (Jen. 37:11, 18; Prov. 27:4; Jem. 3:14-16)
(c) ?Jekob i mekem wanem samting we evri man i mekem taem wan fren no famle i ded? (Jen. 37:35)
Oli Putum Josef Long Kalabus
1. ?Josef i gat hamas yia taem oli tekem hem i go long Ijip? ?Wanem i hapen long hem long Ijip?
2. ?From wanem oli putum Josef long kalabus?
3. ?Oli givim wanem wok long Josef taem hem i stap long kalabus?
4. ?Long kalabus, Josef i mekem wanem long man blong lukaot long waen blong king mo man blong mekem bred?
5. ?Wanem i hapen afta we man blong lukaot long waen blong king i gofri?
Sam narafala kwestin:
1. Ridim Jenesis 39:1-23.
Long taem blong Josef, God i no givim wan loa yet se man i no mas slip wetem woman blong narafala man. ?Taswe, from wanem Josef i ronwe long woman blong Potifa? (Jen. 2:24; 20:3; 39:9)
2. Ridim Jenesis 40:1-23.
(a) Tokbaot drim blong man blong lukaot long waen blong king mo mining blong drim ya we Jeova i givim long Josef. (Jen. 40:9-13)
(b) ?Wanem drim blong man blong mekem bred? ?Wanem mining blong drim ya? (Jen. 40:16-19)
(c) ?Olsem wanem slef we i stret mo waes i folem fasin blong Josef? (Jen. 40:8; Sam 36:9; Jon 17:17; Wok 17:2, 3)
(d) ?Olsem wanem Jenesis 40:20 i givhan long yumi blong save tingting we ol Kristin oli mas gat long saed blong ol lafet blong betde? (Pri. 7:1; Mak 6:21-28)
Ol Drim Blong Fero
1. ?Wan naet, wanem i hapen long Fero?
2. ?Wanem i mekem se man blong lukaot long waen blong king i tingbaot Josef?
3. ?Pija ya i soem wanem tufala drim blong Fero?
4. ?Josef i talem wanem mining blong tufala drim ya?
5. ?Olsem wanem Josef i kam wan haeman long Ijip, we Fero nomo i antap long hem?
6. ?From wanem ol brata blong Josef oli kamdaon long Ijip? ?From wanem oli no luksave Josef?
7. ?Josef i tingbaot wanem drim? ?Samting ya i givhan long hem blong luksave wanem?
Sam narafala kwestin:
1. Ridim Jenesis 41:1-57.
(a) ?Olsem wanem Josef i pulum ol man blong tingbaot Jeova? ?Olsem wanem ol Kristin tede oli save folem eksampol blong hem? (Jen. 41:16, 25, 28; Mat. 5:16; 1 Pita 2:12)
(b) ?Olsem wanem ol yia we garen i fulap long kakae mo ol yia we oli gat hadtaem blong kasem kakae oli stret long ol man blong Jeova mo ol man blong Krisendom long saed blong spirit? (Jen. 41:29, 30; Amos 8:11, 12)
2. Ridim Jenesis 42:1-8 mo 50:20.
?I rong blong bodaon long fes blong wan haeman blong soem ona mo respek long hem sipos hemia i kastom blong kantri? (Jen. 42:6)
Josef i Traem Ol Brata Blong Hem
1. ?From wanem Josef i talem long ol brata blong hem se oli spae?
2. ?From wanem Jekob i letem lasbon boe blong hem, Benjamin, i go long Ijip?
3. ?Olsem wanem panikin blong Josef we oli wokem long silva i stap long bag blong Benjamin?
4. ?Juda i talem se hem bambae i mekem wanem blong Benjamin i save gofri?
5. ?Olsem wanem fasin blong ol brata blong Josef i jenis?
Sam narafala kwestin:
1. Ridim Jenesis 42:9-38.
?Tok blong Jenesis 42:18 i mekem ol man we oli gat wok insaed long ogenaesesen blong Jeova oli tingbaot wanem? (Neh. 5:15; 2 Kor. 7:1, 2)
2. Ridim Jenesis 43:1-34.
(a) ?Nating se Ruben i fasbon, be olsem wanem i klia se Juda nao i toktok long ples blong ol brata blong hem? (Jen. 43:3, 8, 9; 44:14, 18; 1 Kron. 5:2)
(b) ?Josef i mekem wanem blong traem ol brata blong hem? ?From wanem? (Jen. 43:33, 34)
3. Ridim Jenesis 44:1-34.
(a) ?Josef i mekem wanem fasin blong trikim ol brata blong hem blong oli no luksave hem? (Jen. 44:5, 15; Lev. 19:26)
(b) ?Olsem wanem ol brata blong Josef oli soem se oli no moa jalus long brata blong olgeta? (Jen. 44:13, 33, 34)
Famle i Go Stap Long Ijip
1. ?Wanem i hapen taem Josef i talem long ol brata blong hem se hem i Josef?
2. ?Long kaen fasin, Josef i eksplenem wanem long ol brata blong hem?
3. ?Fero i talem wanem taem hem i harem we ol brata blong Josef oli kam?
4. ?I gat hamas man long famle blong Jekob taem oli muf i kam long Ijip?
5. ?Biaen, oli singaot long famle blong Jekob long wanem nem? ?From wanem?
Sam narafala kwestin:
1. Ridim Jenesis 45:1-28.
?Olsem wanem stori blong Josef i soemaot se Jeova i save mekem wan gudfala samting i kamaot long wan nogud samting we i hapen long ol man blong hem? (Jen. 45:5-8; Aes. 8:10; Fil. 2:12-14)
2. Ridim Jenesis 46:1-27.
?Taem Jekob i stap godaon long Ijip, Jeova i mekem wanem promes long hem? (Jen. 46:1-4, lukluk futnot blong NW tu)
Job i Gat Strong Bilif Long God
1. ?Job hem i hu?
2. ?Setan i traem blong mekem wanem? ?Hem i win?
3. ?Jeova i letem Setan i mekem wanem? ?From wanem?
4. ?From wanem woman blong Job i talem se ‘i moagud we Job i tok nogud long God blong i ded’? (Lukluk pija.)
5. ?Olsem seken pija i soem, wanem ol blesing we Jeova i givim long Job? ?From wanem?
6. ?Sipos yumi olsem Job we i bilif strong oltaem long Jeova, bambae yumi kasem wanem blesing?
Sam narafala kwestin:
1. Ridim Job 1:1-22.
?Olsem wanem ol Kristin oli save folem fasin blong Job? (Job 1:1; Fil. 2:15; 2 Pita 3:14)
2. Ridim Job 2:1-13.
?Taem Setan i agensem Job, olsem wanem fasin blong Job i defren long fasin blong woman blong hem? (Job 2:9, 10; Prov. 19:3; Maeka 7:7; Mal. 3:14)
3. Ridim Job 42:10-17.
(a) ?Olsem wanem ol blesing we Job i kasem oli klosap sem mak long ol blesing we Jisas i kasem taem hem i stap tru long God? (Job 42:12; Fil. 2:9-11)
(b) Taem Job i stanap strong hem i kasem plante blesing. ?Olsem wanem samting ya i save leftemap tingting blong yumi? (Job 42:10, 12; Hib. 6:10; Jem. 1:2-4, 12; 5:11)
Wan Nogud King i Rul Long Ijip
1. ?Long pija ya, hu ya man ya we i stap wipim narafala? ?Hem i stap wipim hu?
2. ?Taem Josef i ded, wanem i hapen long ol man Isrel?
3. ?From wanem ol man Ijip oli fraet long ol man Isrel?
4. ?Fero i talem wanem long ol woman we oli stap givhan long ol woman Isrel taem oli bonem pikinini?
Sam narafala kwestin:
1. Ridim Eksodas 1:6-22.
(a) ?Olsem wanem Jeova i stat mekem promes blong hem long Ebraham i kamtru? (Eks. 1:7; Jen. 12:2; Wok 7:17)
(b) ?Ol woman we oli givhan long ol woman Isrel taem oli bonem pikinini, oli mekem wanem blong soem se laef i tabu? (Eks. 1:17; Jen. 9:6)
(c) ?Jeova i givim wanem blesing long ol woman ya we oli bilif strong long hem? (Eks. 1:20, 21; Prov. 19:17)
(d) ?Setan i mekem wanem blong traem spolem plan blong Jeova long saed blong laen blong Ebraham? (Eks. 1:22; Mat. 2:16)
?Olsem Wanem Bebi Moses i Stap Sef?
1. ?Bebi we i stap long pija ya hem i hu? ?Hem i stap holem fingga blong hu?
2. ?Mama blong Moses i mekem wanem blong ol man oli no kilim bebi ya i ded?
3. ?Smol gel long pija ya hem i hu? ?Mo hem i mekem wanem?
4. ?Taem gel blong Fero i faenem bebi ya, Meriam i askem wanem long hem?
5. ?Gel blong king i talem wanem long mama blong Moses?
Sam narafala kwestin:
1. Ridim Eksodas 2:1-10.
?Wanem janis we mama blong Moses i gat blong tijim Moses taem hem i smol? ?Hem i givim wanem gudfala eksampol long ol papa mama tede? (Eks. 2:9, 10; Dut. 6:6-9; Prov. 22:6; Efes. 6:4; 2 Tim. 3:15)
?From Wanem Moses i Ronwe?
1. ?Moses i gruap long weples? ?Hem i save wanem long saed blong stret papa mama blong hem?
2. ?Taem Moses i gat 40 yia, hem i mekem wanem?
3. ?Moses i talem wanem long wan man Isrel we i stap faetem wan narafala man? ?Man ya i talem wanem long Moses?
4. ?From wanem Moses i ronwe long Ijip?
5. ?Moses i go wea? ?Hem i mitim hu long ples ya?
6. ?Afta we Moses i ronwe long Ijip, hem i mekem wanem blong 40 yia?
Sam narafala kwestin:
1. Ridim Eksodas 2:11-25.
?Nating se Moses i kasem gudfala edukesen long Ijip, hem i mekem wanem we i soem se hem i stap tru long Jeova mo ol man blong hem? (Eks. 2:11, 12; Hib. 11:24)
2. Ridim Ol Wok 7:22-29.
?Yumi lanem wanem lesen from fasin blong Moses blong traem sevem ol man Isrel long prapa paoa blong hem? (Wok 7:23-25; 1 Pita 5:6, 10)
Smol Tri We Faea i Laet Long Hem
1. ?Wanem nem blong hil we yu luk long pija ya?
2. ?Wanem narakaen samting we Moses i luk taem hem i tekem ol sipsip blong hem oli go long hil ya?
3. ?Voes we i kamaot long medel blong tri ya i talem wanem? ?Hemia i voes blong hu?
4. ?Taem God i talem long Moses blong tekemaot ol man blong hem long Ijip, Moses i talem wanem?
5. ?Sipos ol man oli askem nem blong man we i sanem Moses, Moses i mas talem wanem?
6. ?Moses i mekem wanem blong pruvum se God i sanem hem?
Sam narafala kwestin:
1. Ridim Eksodas 3:1-22.
?Taem yumi harem se yumi no naf blong mekem wan wok we Jeova i givim long yumi, olsem wanem stori blong Moses i save mekem yumi sua se Jeova bambae i halpem yumi? (Eks. 3:11, 13; 2 Kor. 3:5, 6)
2. Ridim Eksodas 4:1-20.
(a) ?Long ol 40 yia we Moses i stap long Midian, olsem wanem fasin blong hem i jenis? ?Samting ya i save tijim wanem lesen long olgeta we oli stap traehad blong kasem wok insaed long kongregesen? (Eks. 2:11, 12; 4:10, 13; Maeka 6:8; 1 Tim. 3:1, 6, 10)
(b) ?Sipos Jeova i stretem yumi tru long ogenaesesen blong hem, olsem wanem eksampol blong Moses i save leftemap tingting blong yumi? (Eks. 4:12-14; Sam 103:14; Hib. 12:4-11)
Moses Mo Eron i Go Luk Fero
1. ?Wanem tingting blong ol man Isrel taem Moses mo Eron i mekem ol merikel long fored blong olgeta?
2. ?Moses mo Eron i talem wanem long Fero? ?Fero i ansa olsem wanem?
3. ?Pija ya i soemaot wanem samting we i hapen taem Eron i sakem wokingstik blong hem i godaon long graon?
4. ?Olsem wanem Jeova i mekem se Fero i lanem wan bigfala lesen? ?Fero i mekem wanem biaen?
5. ?Afta long namba 10 panis, wanem i hapen?
Sam narafala kwestin:
1. Ridim Eksodas 4:27-31 mo 5:1-23.
?Taem Fero i talem se: ‘Mi mi no bilif long Jeova ya,’ hem i minim wanem? (Eks. 5:2; 1 Saml. 2:12; Rom 1:21)
2. Ridim Eksodas 6:1-13, 26-30.
(a) ?Long wanem fasin, Ebraham, Aesak, mo Jekob, trifala i no save Jeova? (Eks. 3:13, 14; 6:3; Jen. 12:8, NW )
(b) Nating we Moses i ting se hem i no naf blong mekem wok we Jeova i givim, be Jeova i yusum hem. ?Samting ya i mekem yumi harem olsem wanem? (Eks. 6:12, 30; Luk 21:13-15)
3. Ridim Eksodas 7:1-13.
(a) Moses mo Eron i no fraet blong talemaot jajmen blong Jeova long Fero. ?Tufala i soem wanem eksampol long ol man blong God tede? (Eks. 7:2, 3, 6; Wok 4:29-31)
(b) ?Olsem wanem Jeova i soem se hem i hae moa long ol god blong Ijip? (Eks. 7:12; 1 Kron. 29:12)
Ol 10 Panis
1. Lukluk ol pija long stori ya, mo tokbaot fas panis, seken panis, mo namba tri panis we Jeova i putum long Ijip.
2. ?Olsem wanem trifala panis ya i defren long ol narafala panis we oli kam biaen?
3. ?Wanem namba fo, namba faef, mo namba sikis panis?
4. Tokbaot namba seven, namba eit, mo namba naen panis.
5. ?Bifo we Jeova i givim namba ten panis, hem i talem long ol man Isrel se oli mas mekem wanem?
6. ?Wanem namba ten panis? ?Wanem i hapen afta long panis ya?
Sam narafala kwestin:
1. Ridim Eksodas 7:19–8:23.
(a) Ol kleva blong Ijip oli mekem majik blong kopi long fas mo seken panis. ?Be oli talem wanem afta long namba tri panis? (Eks. 8:18, 19; Mat. 12:24-28)
(b) ?Olsem wanem namba fo panis i soemaot se Jeova i naf blong lukaotgud long ol man blong hem? ?Save ya i mekem wanem long yumi ol man blong God we yumi klosap nomo long taem blong “bigfala trabol”? (Eks. 8:22, 23; Rev. 7:13, 14; 2 Kron. 16:9)
2. Ridim Eksodas 8:24; 9:3, 6, 10, 11, 14, 16, 23-25; mo 10:13-15, 21-23.
(a) ?Ten panis ya oli mekem wanem tufala grup i kam long klia ples? ?Stori ya i mekem se yumi tingbaot tufala grup ya tede olsem wanem? (Eks. 8:10, 18, 19; 9:14)
(b) ?Olsem wanem Eksodas 9:16 i givhan long yumi blong save risen from wanem Jeova i letem Setan i stap kasem naoia? (Rom 9:21, 22)
3. Ridim Eksodas 12:21-32.
?Olsem wanem Pasova i givhan blong sevem laef blong plante man? ?Pasova i olsem pija blong wanem samting? (Eks. 12:21-23; Jon 1:29; Rom 5:18, 19, 21; 1 Kor. 5:7)
Oli Krosem Red Si
1. ?Hamas man Isrel oli aot long Ijip wetem ol woman mo ol pikinini blong olgeta? ?Hu i goaot wetem olgeta ya?
2. ?Fero i harem olsem wanem afta we hem i letem ol man Isrel oli go fri? ?Nao hem i mekem wanem?
3. ?Jeova i mekem wanem blong blokem ol man Ijip oli no save faet agensem ol man blong hem?
4. ?Wanem i hapen taem Moses i leftemap wokingstik blong hem antap long Red Si? ?Mo ol man Isrel oli mekem wanem?
5. ?Wanem i hapen taem ol man Ijip oli resis i go long solwota blong traem kasem ol man Isrel?
6. ?Ol man Isrel oli mekem wanem blong soem se oli glad mo blong talem tangkiu long Jeova we i sevem olgeta?
Sam narafala kwestin:
1. Ridim Eksodas 12:33-36.
?Olsem wanem Jeova i mekem se ol man blong hem oli karem pei from ol yia we oli wok slef long Ijip? (Eks. 3:21, 22; 12:35, 36)
2. Ridim Eksodas 14:1-31.
?Olsem wanem ol tok blong Moses long Eksodas 14:13, 14 i save givhan long ol man blong Jeova tede we oli stap fesem bigfala faet blong Amagedon? (2 Kron. 20:17; Sam 91:8)
3. Ridim Eksodas 15:1-8, 20, 21.
(a) ?From wanem ol man blong Jeova oli mas singsing blong presem hem? (Eks. 15:1, 2; Sam 105:2, 3; Rev. 15:3, 4)
(b) ?Meriam mo ol narafala woman we oli presem Jeova long Red Si oli givim wanem eksampol long ol Kristin woman tede? (Eks. 15:20, 21; Sam 68:11)
Wan Niufala Kakae
1. ?Long pija ya, ol man oli stap pikimap wanem? ?Wanem nem blong samting ya?
2. ?Wanem tok blong Moses we ol man oli mas folem taem oli pikimap mana?
3. ?Jeova i talem se ol man oli mas mekem wanem long namba sikis dei? ?From wanem oli mas mekem olsem?
4. ?Wanem merikel we Jeova i mekem long mana ya we oli holem i stap go kasem namba seven dei?
5. ?Hamas yia Jeova i stap givim mana long olgeta?
Sam narafala kwestin:
1. Ridim Eksodas 16:1-36 mo Namba 11:7-9.
(a) ?Olsem wanem Eksodas 16:8 i soem se yumi mas respektem ol brata we oli gat spesel wok insaed long Kristin kongregesen? (Hib. 13:17)
(b) ?Long drae ples, wanem samting i mekem ol man Isrel oli tingbaot evri dei se oli nidim Jeova tumas? (Eks. 16:14-16, 35; Dut. 8:2, 3)
(c) ?Jisas i talem se mana ya i olsem pija blong wanem? ?Olsem wanem yumi kasem blesing from “kakae ya we i kamaot long heven”? (Jon 6:31-35, 40)
2. Ridim Josua 5:10-12.
?Ol man Isrel oli kakae mana blong hamas yia? ?Olsem wanem kakae ya i traem olgeta? ?Stori ya i save tijim yumi long wanem samting? (Eks. 16:35; Nam. 11:4-6; 1 Kor. 10:10, 11)
Jeova i Givim Ol Loa Blong Hem
1. ?Klosap tu manis afta we ol man Isrel oli aot long Ijip, oli stanemap haos tapolen blong olgeta wea?
2. ?Jeova i talem se hem i wantem olgeta blong mekem wanem? ?Olgeta ya oli ansa olsem wanem?
3. ?From wanem Jeova i givim tu flat ston long Moses?
4. ?Antap long Tenkomanmen, wanem ol narafala loa bakegen we Jeova i givim long ol man Isrel?
5. ?Jisas Kraes i talem wanem tufala loa we oli hae moa?
Sam narafala kwestin:
1. Ridim Eksodas 19:1-25; 20:1-21; 24:12-18; mo 31:18.
?Tok blong Eksodas 19:8 i soem se ol Kristin oli mekem wanem taem oli givim laef blong olgeta i go long Jeova? (Mat. 16:24; 1 Pita 4:1-3)
2. Ridim Dutronome 6:4-6; Levitikas 19:18; mo Matiu 22:36-40.
?Olsem wanem ol Kristin oli soem se oli lavem God mo ol narafala man? (Mak 6:34; Wok 4:20; Rom 15:2)
Buluk We Oli Wokem Long Gol
1. ?Long pija ya, ol man oli stap mekem wanem? ?From wanem oli mekem olsem?
2. ?From wanem Jeova i kros tumas? ?Moses i mekem wanem taem hem i luk samting we ol man oli stap mekem?
3. ?Moses i talem long sam man blong oli mekem wanem?
4. ?Stori ya i tijim yumi long wanem samting?
Sam narafala kwestin:
1. Ridim Eksodas 32:1-35.
(a) ?Taem ol man oli traem joenem bilif blong ol giaman skul wetem trufala wosip, wanem tingting blong Jeova olsem stori ya i soemaot? (Eks. 32:4-6, 10; 1 Kor. 10:7, 11)
(b) ?Wanem woning we ol Kristin oli mas lesin long hem taem oli jusum ol pleplei blong olgeta, olsem ol singsing mo danis? (Eks. 32:18, 19; Efes. 5:15, 16; 1 Jon 2:15-17)
(c) ?Olsem wanem laen blong Livae i soemaotgud se i stanap strong long stret fasin? (Eks. 32:25-28; Sam 18:25)
Haos Tapolen i Ples Blong Mekem Wosip
1. ?Wanem nem blong haos ya we yu luk long pija ya? ?Ol man oli yusum haos ya blong mekem wanem?
2. ?From wanem Jeova i talem long Moses blong wokem haos tapolen ya long wan fasin we i isi blong tekemaot?
3. ?Wanem bokis i stap long smol rum long en blong haos tapolen? ?Wanem i stap insaed long bokis ya?
4. ?Jeova i jusum hu blong kam hae pris? ?Wanem wok we hae pris i mekem?
5. ?Wanem trifala samting i stap long bigfala rum blong haos tapolen?
6. ?Wanem tufala samting i stap long yad blong haos tapolen? ?Oli yusum tufala samting ya olsem wanem?
Sam narafala kwestin:
1. Ridim Eksodas 25:8-40; 26:1-37; 27:1-8; mo 28:1.
?Tufala pija blong jerubim long lid blong “Bokis blong Kontrak”, tufala i minim wanem? (Eks. 25:20, 22; Nam. 7:89, NW; 2 King 19:15)
2. Ridim Eksodas 30:1-10, 17-21; 34:1, 2; mo Hibrus 9:1-5.
(a) ?From wanem Jeova i makemgud se ol pris we oli wok long haos tapolen oli mas klin long bodi blong olgeta? ?Samting ya i mas gat paoa long yumi olsem wanem tede? (Eks. 30:18-21; 40:30, 31; Hib. 10:22)
(b) ?Taem aposol Pol i raetem leta i go long ol Hibru Kristin, olsem wanem hem i soemaot se haos tapolen mo kontrak blong Loa tufala i mekem wok blong tufala finis? (Hib. 9:1, 9; 10:1)
Ol 12 Spae
1. ?Olsem wanem ol grep long pija ya oli defren long ol narafala grep? ?Bandel grep ya i kam long weples?
2. ?From wanem Moses i sanem 12 spae i go long kantri blong Kenan?
3. ?Ten long ol spae ya oli talem wanem long Moses taem oli kambak?
4. ?Olsem wanem tu spae i soem se tufala i trastem Jeova? ?Wanem nem blong tufala ya?
5. ?From wanem Jeova i kros? ?Hem i talem wanem long Moses?
Sam narafala kwestin:
1. Ridim Namba 13:1-33.
(a) ?Moses i jusum hu blong go olsem spae long kantri blong Kenan? ?Wanem bigfala janis we ol man ya oli gat? (Nam. 13:2, 3, 18-20)
(b) ?From wanem tingting blong Josua mo Keleb i defren long tingting blong ol narafala spae? ?Hemia i tijim yumi long wanem samting? (Nam. 13:28-30; Mat. 17:20; 2 Kor. 5:7)
2. Ridim Namba 14:1-38.
(a) ?Yumi mas lesin long wanem woning long saed blong fasin blong tok agens long ol man we Jeova i putumap blong oli lidim yumi? (Nam. 14:2, 3, 27; Mat. 25:40, 45; 1 Kor. 10:10)
(b) ?Olsem wanem Namba 14:24 i soem se Jeova i stap tingbaot ol wanwan man blong hem? (1 King 19:18; Prov. 15:3)
Flaoa i Gru Long Wokingstik Blong Eron
1. ?Hu i ting se i no stret we Moses mo Eron i lidim olgeta? ?Oli talem wanem long Moses?
2. ?Moses i talem wanem long Kora mo ol 250 man we oli folem hem?
3. ?Moses i talem wanem long ol man Isrel? ?Wanem i hapen taem hem i finisim toktok blong hem?
4. ?Wanem i hapen long Kora mo ol 250 man blong hem?
5. ?Eleasara we i pikinini blong Eron i mekem wanem long ol sensa we oli stap long han blong ol dedman ya? ?From wanem hem i mekem olsem?
6. ?From wanem Jeova i mekem ol flaoa oli gru long wokingstik blong Eron? (Lukluk pija.)
Sam narafala kwestin:
1. Ridim Namba 16:1-49.
(a) ?Kora mo ol man blong hem oli mekem wanem? ?From wanem i olsem we oli girap agensem Jeova? (Nam. 16:9, 10, 18; Lev. 10:1, 2; Prov. 11:2)
(b) ?Wanem rong tingting we Kora mo ol 250 “lida” ya blong Isrel oli gat? (Nam. 16:1-3; Prov. 15:33; Aes. 49:7)
2. Ridim Namba 17:1-11, NW mo 26:10.
(a) ?Taem wokingstik blong Eron i gru hemia i soemaot wanem? ?From wanem Jeova i talem se oli mas putum wokingstik ya i stap insaed long Bokis blong Kontrak? (Nam. 17:5, 8, 10, NW )
(b) ?Wanem bigfala lesen we yumi lanem from samting we i hapen long wokingstik blong Eron? (Nam. 17:10; Wok 20:28; Fil. 2:14; Hib. 13:17)
Moses i Kilim Ston
1. ?Olsem wanem Jeova i lukaotgud long ol man Isrel taem oli stap long drae ples?
2. ?Ol man Isrel oli komplen from wanem samting taem oli stap long Kades?
3. ?Jeova i mekem wanem blong givim wota long ol man ya wetem ol anamol blong olgeta?
4. ?Long pija ya, man ya we i stap poen long hem wan bakegen hem i hu? ?From wanem hem i mekem olsem?
5. ?From wanem Jeova i kros long Moses mo Eron? ?Hem i panisim tufala olsem wanem?
6. ?Wanem i hapen taem oli kasem hil ya Horo? ?Hu i kam hae pris long Isrel?
Sam narafala kwestin:
1. Ridim Namba 20:1-13, 22-29 mo Dutronome 29:5.
(a) ?Yumi lanem wanem from fasin blong Jeova blong lukaotgud long ol man Isrel taem oli stap long drae ples? (Dut. 29:5; Mat. 6:31; Hib. 13:5; Jem. 1:17)
(b) ?Jeova i tingting olsem wanem long Moses mo Eron taem tufala i no soemaot long ol man Isrel se Hem i tabu? (Nam. 20:12; 1 Kor. 10:12; Rev. 4:11)
(c) ?Yumi save lanem wanem samting from fasin blong Moses taem Jeova i stretem hem? (Nam. 12:3; 20:12, 27, 28; Dut. 32:4; Hib. 12:7-11)
Snek We Oli Wokem Long Bras
1. ?Long pija ya, wanem i tantanem hem i goraon long pos? ?From wanem Jeova i talem long Moses blong wokem samting ya?
2. ?Olsem wanem ol man oli soem se oli no gat tangkiu from ol samting we God i givim long olgeta?
3. ?Afta we Jeova i sanem ol posen snek blong panisim ol man, oli askem long Moses blong mekem wanem?
4. ?From wanem Jeova i talem long Moses blong wokem wan snek long bras?
5. ?Wanem lesen we yumi lanem from stori ya?
Sam narafala kwestin:
1. Ridim Namba 21:4-9.
(a) ?Taem ol man Isrel oli komplen from ol samting we Jeova i givim long olgeta, hemia i givim wanem woning long yumi? (Nam. 21:5, 6; Rom 2:4)
(b) ?Blong plante handred yia, ol man Isrel oli mekem wanem long snek ya we oli wokem long bras? ?Be King Hesekia i girap i mekem wanem? (Nam. 21:9; 2 King 18:1-4)
2. Ridim Jon 3:14, 15.
?Olsem wanem snek ya we oli fasem long pos i wan gudfala pija blong Jisas Kraes we oli nilim hem long pos? (Gal. 3:13; 1 Pita 2:24, NW )
Wan Dongki i Toktok
1. ?Balak hem i hu? ?From wanem hem i sanem toktok i go long Balam?
2. ?From wanem dongki blong Balam i ledaon long medel blong rod?
3. ?Dongki i talem wanem long Balam?
4. ?Enjel i talem wanem long Balam?
5. ?Wanem i hapen taem Balam i traem singaot trabol i kam long ol man Isrel?
Sam narafala kwestin:
1. Ridim Namba 21:21-35.
?From wanem ol man Isrel oli winim King Sihon we i king blong ol man Amoro wetem King Og we i king blong Basan? (Nam. 21:21, 23, 33, 34)
2. Ridim Namba 22:1-40.
?Wanem tingting i pusum Balam blong singaot trabol i kam long ol man Isrel? ?Yumi lanem wanem lesen from? (Nam. 22:16, 17; Prov. 6:16-19; 2 Pita 2:15; Jud 11)
3. Ridim Namba 23:1-30.
?Nating we Balam i toktok olsem wan man blong wosipim Jeova, olsem wanem ol aksin blong hem oli soemaot defren samting? (Nam. 23:3, 11-14; 1 Saml. 15:22)
4. Ridim Namba 24:1-25.
?Olsem wanem stori ya blong Baebol i mekem bilif blong yumi i strong se stamba tingting blong Jeova bambae i kamtru? (Nam. 24:10; Aes. 54:17)
Josua i Kam Lida
1. ?Long pija ya, hu ya tufala man we tufala i stanap klosap long Moses?
2. ?Jeova i talem wanem long Josua?
3. ?From wanem Moses i go antap long hil ya Neboho? ?Long ples ya Jeova i talem wanem long hem?
4. ?Moses i gat hamas yia taem hem i ded?
5. ?From wanem ol man oli harem nogud? ?Be oli glad long wanem samting?
Sam narafala kwestin:
1. Ridim Namba 27:12-23.
?Wanem bigfala wok we Jeova i givim long Josua? ?Olsem wanem Jeova i soemaot tede se hem i stap lukaotgud long ol man blong hem? (Nam. 27:15-19; Wok 20:28; Hib. 13:7)
2. Ridim Dutronome 3:23-29.
?From wanem Jeova i no letem Moses mo Eron i gokros long Jodan Reva blong kasem graon ya we hem i promes blong givim? ?Yumi lanem wanem lesen from? (Dut. 3:25-27; Nam. 20:12, 13)
3. Ridim Dutronome 31:1-8, 14-23.
?Olsem wanem ol lastok we Moses i talem long ol man Isrel i soem se hem i gat tingting daon mo i letem Jeova i stretem hem? (Dut. 31:6-8, 23)
4. Ridim Dutronome 32:45-52.
?Tok blong God i mas gat paoa olsem wanem long laef blong yumi? (Dut. 32:47; Lev. 18:5; Hib. 4:12)
5. Ridim Dutronome 34:1-12.
?Nating se Moses i no luk fes blong Jeova stret, be Dutronome 34:10 i soemaot wanem long saed blong fasin fren we hem i gat wetem Jeova? (Eks. 33:11, 20; Nam. 12:8)
Rehab i Haedem Ol Spae
1. ?Haos blong Rehab i stap wea?
2. ?Hu ya tufala man long pija ya? ?From wanem tufala i kam long Jeriko?
3. ?King blong Jeriko i talem long Rehab blong mekem wanem? ?Rehab i ansa olsem wanem long hem?
4. ?Olsem wanem Rehab i halpem tufala man ya? ?Hem i askem tufala blong mekem wanem samting blong givhan long hem?
5. ?Tufala spae ya i mekem wanem promes long Rehab?
Sam narafala kwestin:
1. Ridim Josua 2:1-24.
?Olsem wanem promes blong Jeova long Eksodas 23:28 (NW ) i kamtru taem ol man Isrel oli agensem taon ya Jeriko? (Jos. 2:9-11)
2. Ridim Hibrus 11:31.
?Olsem wanem stori blong Rehab i soem se bilif i impoten tumas? (Rom 1:17; Hib. 10:39; Jem. 2:25)
Oli Gokros Long Jodan Reva
1. ?Wanem merikel we Jeova i mekem blong givhan long ol man Isrel blong gokros long Jodan Reva?
2. ?Blong gokros long Jodan Reva, wanem samting we ol man Isrel oli mas mekem blong soem bilif blong olgeta?
3. ?From wanem Jeova i talem long Josua blong hivimap 12 bigbigfala ston long medel blong krik ya?
4. ?Wanem i hapen taem ol pris oli kamaot long Jodan Reva?
Sam narafala kwestin:
1. Ridim Josua 3:1-17.
(a) ?Olsem stori ya i soemaot, yumi mas mekem wanem blong kasem help mo blesing blong Jeova? (Jos. 3:13, 15; Prov. 3:5; Jem. 2:22, 26)
(b) ?Jodan Reva i olsem wanem taem ol man Isrel oli gokros long hem blong kam insaed long Promes Lan? ?Olsem wanem samting ya i leftemap nem blong Jeova? (Jos. 3:15; 4:18; Sam 66:5-7)
2. Ridim Josua 4:1-18.
?From wanem oli tekem 12 ston blong Jodan Reva i go long Gilgal? (Jos. 4:4-7)
Stonwol We i Goraon Long Jeriko
1. ?Jeova i talem se ol soldia mo ol pris oli mas mekem wanem blong sikis dei?
2. ?Long namba seven dei, ol man ya oli mas mekem wanem?
3. ?Long pija ya, wanem i stap hapen long stonwol we i goraon long Jeriko?
4. ?From wanem string we i red i hang long wan windo?
5. ?Josua i talem long ol soldia blong oli mekem wanem long taon ya mo ol man blong hem? ?Be oli mas mekem wanem long ol silva, gol, bras mo aean blong hem?
6. ?Josua i talem tufala spae ya blong mekem wanem?
Sam narafala kwestin:
1. Ridim Josua 6:1-25.
(a) ?Taem ol man Isrel oli majraon long Jeriko long namba seven dei, olsem wanem samting ya i sem mak long wok blong prij blong ol Witnes blong Jeova long ol las dei ya? (Jos. 6:15, 16; Aes. 60:22; Mat. 24:14; 1 Kor. 9:16)
(b) ?Olsem wanem profet tok blong Josua 6:26 i kamtru 500 yia biaen? ?Samting ya i soemaot wanem long yumi long saed blong ol tok blong Jeova? (1 King 16:34; Aes. 55:11)
Wan Stilman Long Isrel
1. ?Long pija ya, hu ya man ya we i stap berem sam sas samting we hem i karem long taon ya Jeriko? ?Hu olgeta we oli stap halpem hem?
2. ?From wanem, samting we Akan mo famle blong hem i mekem i nogud tumas?
3. ?Taem Josua i askem long Jeova from wanem ol enemi oli winim ol man Isrel long Eae, Jeova i talem wanem?
4. ?Wanem i hapen long Akan mo famle blong hem afta we ol man oli karem olgeta oli kam long Josua?
5. ?Jajmen blong Akan i tijim yumi long wanem bigfala samting?
Sam narafala kwestin:
1. Ridim Josua 7:1-26.
(a) ?Ol prea blong Josua oli soemaot wanem long saed blong fasin fren blong hem wetem Jeova? (Jos. 7:7-9; Sam 119:145; 1 Jon 5:14)
(b) Stori blong Akan i soemaot wanem? ?Olsem wanem hem i givim woning long yumi? (Jos. 7:11, 14, 15; Prov. 15:3; 1 Tim. 5:24; Hib. 4:13)
2. Ridim Josua 8:1-29.
?Wanem wok we yumi wanwan i gat insaed long Kristin kongregesen tede? (Jos. 7:13; Lev. 5:1, NW; Prov. 28:13)
Ol Man Gibeon We Oli Waes
1. ?Olsem wanem ol man Gibeon oli defren long ol man long ol narafala taon blong Kenan?
2. ?Pija i soemaot se ol man Gibeon oli mekem wanem? ?From wanem oli mekem olsem?
3. ?Wanem promes we Josua mo ol lida blong Isrel oli mekem long ol man Gibeon? ?Be biaen long tri dei Josua olgeta oli faenemaot wanem?
4. ?Wanem i hapen taem ol king blong ol narafala taon oli harem se ol man Gibeon oli mekem fren wetem ol man Isrel?
Sam narafala kwestin:
1. Ridim Josua 9:1-27.
(a) Jeova i bin talem long ol man Isrel se oli mas ‘kilim olgeta man blong kantri ya oli ded.’ ?Taswe, taem hem i letem ol man Gibeon oli laef, hem i soemaot wanem fasin? (Jos. 9:22, 24; Mat. 9:13; Wok 10:34, 35; 2 Pita 3:9)
(b) ?Taem Josua i holem promes we hem i mekem long ol man Gibeon, olsem wanem hem i givim wan gudfala eksampol long ol Kristin tede? (Jos. 9:18, 19; Mat. 5:37; Efes. 4:25)
2. Ridim Josua 10:1-5.
?Olsem wanem bigfala kampani tede i folem fasin blong ol man Gibeon? ?From samting ya ol man oli mekem wanem long olgeta? (Jos. 10:4; Sek. 8:23; Mat. 25:35-40; Rev. 12:17)
San i No Muv
1. ?Josua we i stap long pija ya, hem i stap talem wanem? ?From wanem hem i talem olsem?
2. ?Jeova i mekem wanem blong halpem Josua mo ol soldia blong hem?
3. ?Josua i winim hamas king we oli enemi blong Isrel? ?Hem i mekem ol faet ya blong hamas yia?
4. ?From wanem Josua i seraot ol graon blong kantri ya Kenan?
5. ?Josua i gat hamas yia taem hem i ded? ?Wanem i hapen long ol man afta we hem i ded?
Sam narafala kwestin:
1. Ridim Josua 10:6-15.
?Stori ya we Jeova i mekem se san mo mun i no muv blong givhan long Isrel, i givim strong tingting long yumi long saed blong wanem samting tede? (Jos. 10:8, 10, 12, 13; Sam 18:3; Prov. 18:10)
2. Ridim Josua 12:7-24.
?Paoa blong hu i winim ol 31 king blong Kenan? ?From wanem samting ya i impoten long yumi tede? (Jos. 12:7; 24:11-13; Dut. 31:8; Luk 21:9, 25-28)
3. Ridim Josua 14:1-5.
?Olsem wanem oli seraot ol graon i go long ol laen blong Isrel? ?Samting ya i soemaot wanem long saed blong graon long Paradaes? (Jos. 14:2; Aes. 65:21; Esik. 47:21-23; 1 Kor. 14:33)
4. Ridim Jajes 2:8-13.
?Tede hu i mekem wok olsem Josua blong blokem ol man blong apostasi? (Jaj. 2:7-9, 10, 11; Mat. 24:45-47; 2 Tes. 2:3-6; Taet. 1:7-9; Rev. 1:1; 2:1, 2)
Tu Woman We Tufala i No Fraet
1. ?Hu ya ol jaj? ?Wanem nem blong sam long olgeta?
2. ?Wanem spesel wok we Debora i kasem, mo olsem wanem hem i mekem wok ya?
3. ?Taem King Jabin mo komanda blong ami blong hem Siseraha i wantem mekem faet long Isrel, Jeova i givim wanem tok long Debora blong hem i talem long Jaj Barak? ?Debora i talem se hu bambae i karem haenem taem Isrel i win?
4. ?Olsem wanem woman ya Jael i soem se hem i no fraet?
5. ?Wanem i hapen afta we King Jabin i ded?
Sam narafala kwestin:
1. Ridim Jajes 2:14-22.
?Olsem wanem ol man Isrel oli mekem Jeova i kros? ?Wanem lesen we yumi lanem from samting ya? (Jaj. 2:20; Prov. 3:1, 2; Esik. 18:21-23)
2. Ridim Jajes 4:1-24.
?Wanem lesen long saed blong bilif mo fasin no fraet we ol Kristin woman tede oli save lanem from eksampol blong Debora mo Jael? (Jaj. 4:4, 8, 9, 14, 21, 22; Prov. 31:30; 1 Kor. 16:13)
3. Ridim Jajes 5:1-31.
?Olsem wanem singsing we Barak mo Debora i wokem taem oli win, i olsem wan prea long saed blong faet ya blong Amagedon we i klosap? (Jaj. 5:3, 31; 1 Kron. 16:8-10; Rev. 7:9, 10; 16:16; 19:19-21)
Rut Mo Nomi
1. ?From wanem Nomi i go stap long kantri blong Moab?
2. ?Hu ya Rut mo Opa?
3. ?Rut mo Opa tufala i mekem wanem taem Nomi i talem long tufala blong gobak long ples blong tufala?
4. ?Hu ya Boas? ?Hem i givhan olsem wanem long Rut mo Nomi?
5. ?Wanem nem blong pikinini blong Boas mo Rut? ?From wanem yumi mas rimemba nem ya?
Sam narafala kwestin:
1. Ridim Rut 1:1-17.
(a) ?Rut i talem wanem gudfala tok we i soem se hem i gat lav oltaem? (Rut 1:16, 17)
(b) ?Olsem wanem tingting blong Rut i sem mak long tingting we “ol narafala sipsip” tede oli gat long ol man we tabu spirit i makemaot olgeta? (Jon 10:16; Sek. 8:23)
2. Ridim Rut 2:1-23.
?Olsem wanem Rut i wan gudfala eksampol long ol yangfala woman tede? (Rut 2:17, 18; Prov. 23:22; 31:15)
3. Ridim Rut 3:5-13.
(a) ?Boas i tingting olsem wanem long Rut from we hem i glad blong mared long hem i bitim we hem i mared long wan yangfala man?
(b) ?Stori blong Rut i tijim yumi long wanem samting long saed blong fasin blong lavem narafala oltaem? (Rut 3:10; 1 Kor. 13:4, 5)
4. Ridim Rut 4:7-17.
?Olsem wanem ol Kristin man tede oli save mekem olsem Boas? (Rut 4:9, 10; 1 Tim. 3:1, 12, 13; 5:8)
Gideon Mo 300 Man Blong Hem
1. ?Wanem trabol i kasem ol man Isrel? ?From wanem oli kasem trabol ya?
2. ?From wanem Jeova i talem long Gideon se ol soldia blong hem oli plante tumas?
3. ?Hamas man oli stap afta we Gideon i talem long olgeta we oli fraet blong oli gobak long ples blong olgeta?
4. Lukluk pija mo eksplenem olsem wanem Jeova i mekem se Gideon i gat 300 soldia blong hem nomo.
5. ?Olsem wanem Gideon i rerem ol 300 man ya blong oli faet? ?Olsem wanem Isrel i winim faet ya?
Sam narafala kwestin:
1. Ridim Jajes 6:36-40.
(a) ?Olsem wanem Gideon i meksua se samting we hem i wantem mekem i laenap wetem samting we Jeova i wantem?
(b) ?Olsem wanem yumi faenemaot tede wanem samting we Jeova i wantem? (Prov. 2:3-6; Mat. 7:7-11; 2 Tim. 3:16, 17)
2. Ridim Jajes 7:1-25.
(a) ?Wanem lesen we yumi lanem long ol 300 man ya we fasin blong olgeta blong lukaotgud i mekem se oli defren long ol narafala? (Jaj. 7:3, 6; Rom 13:11, 12; Efes. 5:15-17)
(b) Ol 300 man ya oli lanem samting taem oli lukluk i go long Gideon. ?Olsem wanem yumi lanem samting taem yumi lukluk i go long Bigfala Gideon, Jisas Kraes? (Jaj. 7:17; Mat. 11:29, 30; 28:19 20; 1 Pita 2:21)
(c) ?Olsem wanem Jajes 7:21 (NW ) i givhan long yumi blong glad long wok we yumi kasem long ogenaesesen blong Jeova? (1 Kor. 4:2; 12:14-18; Jem. 4:10)
3. Ridim Jajes 8:1-3.
?Yumi save lanem wanem long fasin blong Gideon blong stretem trabol wetem ol laen blong Efrem, we i save givhan long yumi blong stretem wan trabol we maet yumi gat wetem wan brata no sista? (Prov. 15:1; Mat. 5:23, 24; Luk 9:48)
Promes Blong Jeftaha
1. ?Hu ya Jeftaha? ?Hem i stap laef long wanem taem?
2. ?Wanem promes we Jeftaha i mekem long Jeova?
3. ?Afta we Jeftaha i winim faet ya agensem ol man Amon mo i kamhom, from wanem hem i harem nogud tumas?
4. ?Taem gel blong Jeftaha i harem promes we papa blong hem i mekem, hem i talem wanem?
5. ?From wanem olgeta man oli lavem gel blong Jeftaha?
Sam narafala kwestin:
1. Ridim Jajes 10:16-18.
?Wanem woning we yumi kasem long stori ya blong ol man Isrel we oli no stap tru long Jeova? (Jaj. 10:6, 15, 16; Rom 15:4; Rev. 2:10)
2. Ridim Jajes 11:1-11, 29-40.
(a) ?Olsem wanem yumi save se taem Jeftaha i ‘bonem gel blong hem long olta’ hemia i no min se hem i kilim gel ya olsem wan sakrefaes mo i bonem hem long faea? (Jaj. 11:31; Lev. 16:24; Dut. 18:10, 12)
(b) ?Long wanem fasin, Jeftaha i givim gel blong hem olsem wan sakrefaes?
(c) ?Stori ya blong Jeftaha we i holem promes blong hem long Jeova, i lanem yumi long wanem samting? (Jaj. 11:35, 39, NW; Pri. 5:4, 5; Mat. 16:24)
(d) ?Olsem wanem gel blong Jeftaha i givim wan gudfala eksampol we i save pulum ol yangfala Kristin tede blong mekem wok blong God fultaem? (Jaj. 11:36; Mat. 6:33; Fil. 3:8)
Man We i Strong Moa Long Ol Narafala Man
1. ?Wanem nem blong man ya we i strong moa i winim ol narafala man? ?Hu i givim paoa long man ya?
2. ?Wan taem, Samson i mekem wanem long wan bigfala laeon, olsem yu luk long pija?
3. ?Long pija, Samson i stap talemaot wanem tokhaed long Delila? ?Olsem wanem samting ya i mekem se ol man Filistia oli kam holem hem?
4. ?Long dei we Samson i ded, olsem wanem hem i kilim i ded 3,000 man Filistia?
Sam narafala kwestin:
1. Ridim Jajes 13:1-14.
?Olsem wanem Manoa mo woman blong hem tufala i givim wan gudfala eksampol long ol papa mama? (Jaj. 13:8; Sam 127:3; Efes. 6:4)
2. Ridim Jajes 14:5-9 mo 15:9-16.
(a) Samson i kilim wan laeon i ded, i brekem ol niufala rop we oli fasem hem long hem, mo i yusum wan bun blong maot blong wan man dongki blong kilim 1,000 man i ded. ?Ol stori ya oli soemaot wanem long saed blong tabu spirit blong Jeova?
(b) ?Olsem wanem tabu spirit i stap halpem yumi tede? (Jaj. 14:6; 15:14; Sek. 4:6; Wok 4:31)
3. Ridim Jajes 16:18-31.
?Olsem wanem ol rabis fren oli gat paoa long Samson? ?Yumi lanem wanem samting from? (Jaj. 16:18, 19; 1 Kor. 15:33)
Wan Smol Boe i Mekem Wok Blong God
1. ?Wanem nem blong smol boe long pija? ?Hu ol narafala ya?
2. ?Hana i prea from wanem samting long haos tapolen blong Jeova? ?Olsem wanem Jeova i ansa long prea blong hem?
3. ?Samuel i gat hamas yia taem hem i go wok long haos tapolen blong Jeova? ?Evri yia mama blong hem i mekem wanem?
4. ?Wanem nem blong tufala boe blong Ilae? ?Tufala ya i gat wanem fasin?
5. ?Olsem wanem Jeova i singaot Samuel? ?Hem i talem wanem long Samuel?
6. ?Taem Samuel i kam bigwan hem i mekem wanem wok? ?Wanem i hapen taem hem i kam olfala?
Sam narafala kwestin:
1. Ridim 1 Samuel 1:1-28.
(a) ?Elkana i givim wanem gudfala eksampol long ol papa we oli lidim famle blong olgeta blong mekem trufala wosip? (1 Saml. 1:3, 21; Mat. 6:33; Fil. 1:10)
(b) ?Yumi lanem wanem from fasin we Hana i folem blong winim wan samting we i mekem tingting blong hem i trabol? (1 Saml. 1:10, 11; Sam 55:22; Rom 12:12)
2. Ridim 1 Samuel 2:11-36.
?Olsem wanem Ilae i leftemap tufala boe blong hem i hae moa long Jeova? ?Samting ya i givim wanem woning long yumi? (1 Saml. 2:22-24, 27, 29; Dut. 21:8-21; Mat. 10:36, 37)
3. Ridim 1 Samuel 4:16-18.
?Wanem fo nogud nius long saed blong faet we Ilae i kasem? ?Nius ya i mekem wanem long hem?
4. Ridim 1 Samuel 8:4-9.
?Olsem wanem ol man Isrel oli mekem Jeova i harem nogud tumas? ?Olsem wanem yumi save stanap long saed blong Kingdom tede? (1 Saml. 8:5, 7; Jon 17:16; Jem. 4:4)
Sol—Faswan King Blong Isrel
1. ?Long pija, Samuel i stap mekem wanem? ?From wanem hem i mekem samting ya?
2. ?From wanem Jeova i glad long Sol? ?Sol i wanem kaen man?
3. ?Wanem nem blong pikinini blong Sol? ?Boe ya i mekem wanem?
4. ?From wanem Sol i no wet long Samuel blong mekem sakrefaes i go long Jeova be hem nomo i mekem?
5. ?Yumi lanem wanem bigfala samting long stori ya blong Sol?
Sam narafala kwestin:
1. Ridim 1 Samuel 9:15-21 mo 10:17-27.
?Olsem wanem fasin blong Sol blong no tinghae tumas long hem wan i givhan long hem blong no kam kros taem sam man oli sakem tok long hem we i no soem respek nating? (1 Saml. 9:21; 10:21, 22, 27; Prov. 17:27)
2. Ridim 1 Samuel 13:5-14.
?Wanem sin we Sol i mekem long Gilgal? (1 Saml. 10:8; 13:8, 9, 13)
3. Ridim 1 Samuel 15:1-35.
(a) ?Sol i mekem wanem bigfala sin long saed blong King Agag we i king blong ol man Amalek? (1 Saml. 15:2, 3, 8, 9, 22)
(b) ?Olsem wanem Sol i mekem eskius mo putum fol long narafala from sin we hem i mekem? (1 Saml. 15:24)
(c) ?Wanem woning we yumi mas tingbaot tede taem yumi kasem advaes? (1 Saml. 15:19-21; Sam 141:5; Prov. 9:8, 9; 11:2)
God i Jusum Deved
1. ?Wanem nem blong boe long pija ya? ?Olsem wanem yumi save se boe ya i no fraet?
2. ?Deved i stap long wanem taon? ?Wanem nem blong papa blong hem mo bubu man blong hem?
3. ?Jeova i talem long Samuel blong go mekem wanem long haos blong Jese long Betlehem?
4. ?Wanem i hapen taem Jese i singaot seven boe blong hem oli kam pas long Samuel?
5. ?Taem oli tekem Deved i kam, Jeova i talem wanem long Samuel?
Sam narafala kwestin:
1. Ridim 1 Samuel 17:34, 35.
?Olsem wanem save ya i soem se Deved i no fraet mo i trastem Jeova? (1 Saml. 17:37)
2. Ridim 1 Samuel 16:1-14.
(a) ?Olsem wanem tok blong Jeova long 1 Samuel 16:7 i givhan long yumi blong mekem i sem mak long olgeta man mo blong no jajem man from lukluk blong hem nomo? (Wok 10:34, 35; 1 Tim. 2:4)
(b) ?Olsem wanem stori blong Sol i soem se taem Jeova i tekemaot tabu spirit blong hem long wan man, wan rabis spirit no wan tingting blong mekem nogud fasin i save kam tekem ples blong hem? (1 Saml. 16:14; Mat. 12:43-45; Gal. 5:16)
Deved Mo Golaeat
1. ?Golaeat i singaot i talem wanem blong jikim ol soldia blong Isrel?
2. ?Golaeat i bigwan olsem wanem? ?King Sol i promes blong givim wanem long man we i kilim Golaeat i ded?
3. ?Taem Sol i talem se Deved i wan yang boe nomo we i no naf blong faetem Golaeat, Deved i talem wanem?
4. ?Taem Deved i ansa long tok blong Golaeat, olsem wanem hem i soem se hem i trastem Jeova?
5. ?Olsem yu luk long pija ya, Deved i yusum wanem blong kilim Golaeat i ded? ?Biaen ol man Filistia oli mekem wanem?
Sam narafala kwestin:
1. Ridim 1 Samuel 17:1-54.
(a) ?Wanem i mekem se Deved i no fraet? ?Olsem wanem yumi save folem fasin ya blong hem? (1 Saml. 17:37, 45; Efes. 6:10, 11)
(b) ?From wanem ol Kristin oli mas lukaot blong no kam olsem Golaeat, we oli wantem win nomo long ol pleplei mo spot? (1 Saml. 17:8; Gal. 5:26, NW; 1 Tim. 4:8)
(c) ?Olsem wanem ol tok blong Deved i soemaot bilif blong hem se God i stap givhan long hem? (1 Saml. 17:45-47; 2 Kron. 20:15)
(d) ?Olsem wanem stori ya i soem se faet ya i no bitwin ol soldia blong tu kantri nomo, be hem i bitwin ol giaman god mo trufala God Jeova? (1 Saml. 17:43, 46, 47)
(e) ?Olsem wanem smol kampani blong ol man we tabu spirit i makemaot olgeta oli trastem Jeova olsem Deved? (1 Saml. 17:37; Jer. 1:17-19; Rev. 12:17)
?From Wanem Deved i Mas Ronwe?
1. ?From wanem Sol i jalus long Deved? ?Olsem wanem Jonatan we i pikinini blong Sol i gat defren fasin?
2. ?Wanem i hapen wan dei taem Deved i stap plei miusik long hap?
3. ?Sol i talem se Deved i mas mekem wanem bifo we hem i save karem gel blong hem Mikal? ?From wanem Sol i talem samting ya?
4. ?Olsem pija i soem, taem Deved i stap plei miusik long hap, Sol i mekem wanem samting we hem i bin mekem tu taem finis?
5. ?Olsem wanem Mikal i givhan blong sevem laef blong Deved? ?Biaen Deved i mas mekem wanem blong seven yia?
Sam narafala kwestin:
1. Ridim 1 Samuel 18:1-30.
(a) ?Olsem wanem lav we Jonatan i gat long Deved i olsem lav we “ol narafala sipsip” oli gat long ‘smol kampani’? (1 Saml. 18:1; Jon 10:16; Luk 12:32; Sek. 8:23)
(b) Folem fasin blong bifo, Jonatan i mas tekem ples blong Sol olsem king. ?Be olsem wanem 1 Samuel 18:4 i soem se Jonatan i rere blong obei long king we God i jusum?
(c) ?Olsem wanem stori blong Sol i soem se jalus i save lidim man blong mekem bigfala sin? ?Samting ya i givim wanem woning long yumi? (1 Saml. 18:7-9, 25; Jem. 3:14-16)
2. Ridim 1 Samuel 19:1-17.
?Olsem wanem Jonatan i putum laef blong hem long denja taem i talem tok ya long 1 Samuel 19:4, 5? (1 Saml. 19:1, 6)
Abigel Mo Deved
1. ?Wanem nem blong woman ya we i stap kam blong mitim Deved? ?Wanem fasin blong woman ya?
2. ?Nabal hem i hu?
3. ?From wanem Deved i sanem sam man blong hem, blong oli askem long Nabal blong givim sam samting long olgeta?
4. ?Nabal i talem wanem long ol man blong Deved? ?Deved i mekem wanem taem i harem nius ya?
5. ?Abigel i mekem wanem we i soem se hem i waes?
Sam narafala kwestin:
1. Ridim 1 Samuel 22:1-4.
?Olsem wanem famle blong Deved i givim eksampol we ol Kristin oli save folem blong givgivhan long olgeta? (Prov. 17:17; 1 Tes. 5:14)
2. Ridim 1 Samuel 25:1-43.
(a) ?From wanem Baebol i talem ol tok blong daonem Nabal? (1 Saml. 25:2-5, 10, 14, 21, 25)
(b) ?Ol Kristin waef oli save lanem wanem from eksampol blong Abigel? (1 Saml. 25:32, 33; Prov. 31:26; Efes. 5:24)
(c) ?Abigel i blokem Deved blong i no mekem wanem tufala nogud samting? (1 Saml. 25:31, 33; Rom 12:19; Efes. 4:26)
(d) ?Olsem wanem samting we Deved i mekem taem Abigel i toktok long hem i save givhan long ol man tede blong gat sem tingting olsem Jeova long saed blong ol woman? (Wok 21:8, 9; Rom 2:11; 1 Pita 3:7)
Deved i Kam King
1. ?Taem Sol i stap slip long haos tapolen blong hem, Deved mo Abisae i mekem wanem?
2. ?Deved i askem wanem kwestin long Sol?
3. ?Afta we Deved i livim Sol, hem i go wea?
4. ?Deved i wokem wan gudfala singsing taem hem i harem nogud tumas long wanem samting?
5. ?Taem Deved i kam king long Hebron hem i gat hamas yia? ?Wanem nem blong sam pikinini boe blong hem?
6. ?Biaen, Deved i rul olsem king long weples?
Sam narafala kwestin:
1. Ridim 1 Samuel 26:1-25.
(a) ?Tok blong Deved long 1 Samuel 26:11 (NW ) i soem se hem i gat wanem tingting long saed blong tiokratik oda? (Sam 37:7; Rom 13:2)
(b) Samtaem, yumi save soem lav mo kaen fasin long narafala be hem i no gat tangkiu from. ?Olsem wanem tok blong Deved long 1 Samuel 26:23 (NW ) i save givhan long yumi blong gat stret tingting long taem olsem? (1 King 8:32; Sam 18:20)
2. Ridim 2 Samuel 1:26.
?Olsem wanem ol Kristin tede oli save ‘lavlavem olgeta’ olsem Deved mo Jonatan? (1 Pita 4:8; Kol. 3:14; 1 Jon 4:12)
3. Ridim 2 Samuel 5:1-10.
(a) ?Deved i king blong hamas yia evriwan? ?Hem i rul blong hamas yia long ol defren ples? (2 Saml. 5:4, 5)
(b) ?From wanem Deved i stap kam strong moa? ?Samting ya i save pulum yumi blong tingbaot wanem tede? (2 Saml. 5:10; 1 Saml. 16:13; 1 Kor. 1:31; Fil. 4:13)
Trabol Long Haos Blong Deved
1. ?Jeova i givhan long ol man Isrel blong mekem wanem long kantri blong Kenan?
2. ?Wan dei long sapa, taem Deved i stap tekem freswin antap long ruf blong haos blong hem, wanem i hapen?
3. ?From wanem Jeova i kros we i kros long Deved?
4. ?Olsem pija i soem, Jeova i sanem hu blong talemaot long Deved ol nogud samting we hem i mekem? ?Wanem bambae i hapen long Deved?
5. ?Wanem bigfala trabol we Deved i kasem?
6. ?Afta we Deved i ded, hu i kam king long Isrel?
Sam narafala kwestin:
1. Ridim 2 Samuel 11:1-27.
(a) ?Sipos yumi stap bisi long wok blong Jeova, olsem wanem samting ya i save lukaotgud long yumi?
(b) ?Wanem i pulum Deved blong sin? ?Olsem wanem samting ya i olsem wan woning long ol man blong Jeova tede? (2 Saml. 11:2; Mat. 5:27-29; 1 Kor. 10:12; Jem. 1:14, 15)
2. Ridim 2 Samuel 12:1-18.
(a) ?Fasin blong Natan blong stretem Deved i save tijim ol elda mo ol papa mama long wanem samting? (2 Saml. 12:1-4; Prov. 12:18; Mat. 13:34)
(b) ?From wanem Jeova i fogivim Deved? (2 Saml. 12:13; Sam 32:5; 2 Kor. 7:9, 10)
Waes King Solomon
1. ?Jeova i talem wanem long Solomon? ?Solomon i ansa olsem wanem?
2. ?From we Jeova i glad long samting we Solomon i askem, Hem i promes blong givim wanem long hem?
3. ?Tufala woman ya i kam luk Solomon from wanem bigfala trabol?
4. ?Olsem pija i soemaot, Solomon i stretem trabol ya olsem wanem?
5. ?Taem Solomon i rul, ol samting i olsem wanem? ?From wanem i olsem?
Sam narafala kwestin:
1. Ridim 1 King 3:3-28.
(a) ?Ol man we oli gat wok insaed long ogenaesesen blong God tede oli save lanem wanem from ol tok long 1 King 3:7 we i kamaot long hat blong Solomon? (Sam 119:105; Prov. 3:5, 6)
(b) ?Olsem wanem samting we Solomon i askem i olsem wan gudfala eksampol long yumi long saed blong ol stret samting blong askem long prea? (1 King 3:9, 11, NW; Prov. 30:8, 9; 1 Jon 5:14)
(c) ?Waes fasin blong Solomon blong stretem trabol bitwin long tufala woman ya i mekem yumi sua long wanem samting long saed blong rul blong Bigfala Solomon Jisas Kraes long fiuja? (1 King 3:28; Aes. 9:6, 7; 11:2-4)
2. Ridim 1 King 4:29-34.
(a) ?Olsem wanem Jeova i ansa long prea blong Solomon we i askem Jeova blong mekem hat blong hem i obei? (1 King 4:29, NW )
(b) ?Bigfala traehad blong ol man blong go lesin long ol waes blong Solomon i mas givim wanem tingting long yumi long saed blong stadi long Tok blong God? (1 King 4:29, 34; Jon 17:3; 2 Tim. 3:16)
Solomon i Bildim Haos Blong God
1. ?Solomon i wok blong hamas yia blong bildim haos blong God? ?From wanem oli spenem bigfala mane long haos ya?
2. ?I gat hamas bigfala rum long haos blong God? ?Oli putum wanem i stap long rum we i insaed olgeta?
3. ?Taem oli finisim haos blong God, Solomon i talem wanem long prea blong hem?
4. ?Jeova i mekem wanem blong soem se hem i glad long prea blong Solomon?
5. ?Ol woman blong Solomon oli pulum hem blong mekem wanem? ?Wanem i hapen long Solomon biaen?
6. ?From wanem Jeova i kros we i kros long Solomon? ?Jeova i talem wanem long hem?
Sam narafala kwestin:
1. Ridim 1 Kronikel 28:9, 10.
?Folem ol tok blong Deved long 1 Kronikel 28:9, 10, yumi mas traehad blong mekem wanem evri dei long laef blong yumi? (Sam 19:14; Fil. 4:8, 9)
2. Ridim 2 Kronikel 6:12-21, 32-42.
(a) ?Olsem wanem Solomon i soem se wan haos we man nomo i wokem i no naf nating blong God ya we i Antap Olgeta? (2 Kron. 6:18; Wok 17:24, 25)
(b) ?Ol tok blong Solomon long 2 Kronikel 6:32, 33 i soem wanem long saed blong Jeova? (Wok 10:34, 35; Gal. 2:6)
3. Ridim 2 Kronikel 7:1-5.
Taem ol man Isrel oli luk bigfala glori blong Jeova, oli harem se oli wantem presem hem. ?Tede yumi mas harem olsem wanem taem yumi luk blesing blong Jeova long ol man blong hem? (2 Kron. 7:3; Sam 22:22; 34:1; 96:2)
4. Ridim 1 King 11:9-13.
?Olsem wanem laef blong Solomon i soem se i impoten blong stanap strong gogo kasem en? (1 King 11:4, 9-10; Mat. 10:22; Rev. 2:10)
Kingdom i Seraot
1. ?Wanem nem blong tufala man long pija ya? ?Tufala ya i hu?
2. ?Ahia i mekem wanem long klos blong hem? ?Wanem mining blong samting ya?
3. ?Solomon i traem mekem wanem long Jeroboam?
4. ?From wanem ol man oli mekem Jeroboam i kam king blong ten laen blong Isrel?
5. ?From wanem Jeroboam i wokem tu smol buluk long gol? ?Smoltaem biaen wanem i hapen long kantri ya?
6. ?Wanem i hapen long tufala laen ya mo haos blong Jeova long Jerusalem?
Sam narafala kwestin:
1. Ridim 1 King 11:26-43.
?Jeroboam i wanem kaen man? ?Jeova i promes blong mekem wanem sipos Jeroboam i obei long ol loa blong Hem? (1 King 11:28, 38)
2. Ridim 1 King 12:1-33.
(a) ?Nogud fasin blong Rehoboam i save tijim ol papa mama mo ol elda long wanem samting long saed blong fasin blong kam bigfala bos long narafala? (1 King 12:13; Pri. 7:7, NW; 1 Pita 5:2, 3)
(b) ?Tede ol yangfala oli mas go luk hu blong oli givhan long olgeta blong mekem ol bigfala disisen long laef blong olgeta? (1 King 12:6, 7; Prov. 1:8, 9; 2 Tim. 3:16, 17; Hib. 13:7)
(c) ?Wanem i pusum Jeroboam blong wokem wan buluk long gol long tufala ples? ?Olsem wanem samting ya i soem se hem i no gat bilif long Jeova? (1 King 11:37; 12:26-28)
(d) ?Hu i lidim ol ten laen blong Isrel blong oli girap agensem trufala wosip? (1 King 12:32, 33)
Jesebel—Wan Rabis Kwin
1. ?Jesebel hem i hu?
2. ?Wan dei, King Ehab i harem nogud from wanem?
3. ?Jesebel i mekem wanem blong tekemaot plantesen long Nabot mo givim long man blong hem Ehab?
4. ?Jeova i sanem hu blong panisim Jesebel?
5. ?Olsem pija i soem, wanem i hapen taem Jehu i kamtru long haos blong Jesebel?
Sam narafala kwestin:
1. Ridim 1 King 16:29-33 mo 18:3, 4.
?Ol samting long Isrel i kam nogud olsem wanem long taem blong King Ehab? (1 King 14:9)
2. Ridim 1 King 21:1-16.
(a) ?Olsem wanem Nabot i soem se hem i no fraet mo hem i obei long Jeova? (1 King 21:1-3; Lev. 25:23-28)
(b) ?Stori blong Ehab i lanem yumi long wanem samting long saed blong fasin blong yumi taem wan samting we yumi putum tingting i stap strong long hem i no kamtru? (1 King 21:4; Rom 5:3-5)
3. Ridim 2 King 9:30-37.
?Yumi lanem wanem from strong tingting we Jehu i gat blong mekem samting we Jeova i wantem? (2 King 9:4-10; 2 Kor. 9:1, 2; 2 Tim. 4:2)
Jehosafat i Trastem Jeova
1. ?Hu ya Jehosafat? ?Hem i stap laef long wanem taem?
2. ?From wanem ol man Isrel oli fraet? ?Plante long olgeta oli mekem wanem?
3. ?Olsem wanem Jeova i ansa long prea blong Jehosafat?
4. ?Jeova i mekem wanem samting i hapen bifo long faet ya?
5. ?Wanem lesen we yumi lanem from stori ya blong Jehosafat?
Sam narafala kwestin:
1. Ridim 2 Kronikel 20:1-30.
(a) ?Olsem wanem Jehosafat i soemaot samting we ol man blong God oli mas mekem taem oli fesem wan bigfala trabol? (2 Kron. 20:12; Sam 25:15; 62:1)
(b) Oltaem Jeova i yusum wan rod blong toktok wetem ol man blong hem. ?Tede hem i yusum wanem rod? (2 Kron. 20:14, 15; Mat. 24:45-47, NW; Jon 15:15)
(c) ?Taem God bambae i “mekem faet long bigfala Dei blong God ya we i gat olgeta paoa,” olsem wanem yumi save mekem olsem Jehosafat? (2 Kron. 20:15, 17; 32:8; Rev. 16:14, 16)
(d) ?Olsem ol Livaet, ol paenia mo misinari tede oli mekem wanem blong givhan long wok blong prij long olgeta ples blong wol? (2 Kron. 20:19; Rom 10:13-15; 2 Tim. 4:2)
Tufala Boe i Laef Bakegen
1. ?Hu ya trifala long pija ya? ?Wanem i hapen long smol boe ya?
2. ?Elaeja i prea olsem wanem long saed blong boe ya? ?Nao wanem i hapen?
3. ?Wanem nem blong man ya we i givhan long Elaeja?
4. ?From wanem wan woman Sunem i singaot Elisa i kam long haos blong hem?
5. ?Elisa i mekem wanem? ?Nao wanem i hapen long pikinini ya we i ded?
6. ?Jeova i gat paoa blong mekem wanem, olsem Elaeja mo Elisa i soemaot?
Sam narafala kwestin:
1. Ridim 1 King 17:8-24.
(a) ?Wanem samting i traem fasin blong obei mo bilif blong Elaeja? (1 King 17:9; 19:1-4, 10)
(b) ?Olsem wanem wido blong Jarefat i soemaot se hem i gat bigfala bilif? (1 King 17:12-16; Luk 4:25, 26)
(c) ?Olsem wanem stori blong wido blong Jarefat i soemaot se tok blong Matiu 10:41, 42 i tru? (1 King 17:10-12, 17, 23, 24)
2. Ridim 2 King 4:8-37.
(a) ?Woman Sunem ya i tijim yumi long wanem samting long saed blong fasin blong singaot ol narafala Kristin oli kam long haos blong yumi? (2 King 4:8; Luk 6:38; Rom 12:13; 1 Jon 3:17)
(b) ?Yumi save mekem wanem blong soem kaen fasin long ol man blong God tede? (Wok 20:35; 28:1, 2; Gal. 6:9, 10; Hib. 6:10)
Wan Gel i Givhan Long Haeman
1. ?Smol gel long pija ya i stap talem wanem long woman ya?
2. ?Hu ya woman ya? ?Smol gel ya i stap mekem wanem long haos blong woman ya?
3. ?Elisa i talem long man blong wok blong hem blong talem wanem tok long Neman? ?From wanem Neman i kam kros?
4. ?Wanem i hapen taem Neman i folem advaes blong man blong wok blong hem?
5. ?From wanem Elisa i no wanem tekem smol presen we Neman i givim? ?Be Gehasi i mekem wanem?
6. ?Wanem i hapen long Gehasi? ?Yumi lanem wanem samting from?
Sam narafala kwestin:
1. Ridim 2 King 5:1-27.
(a) ?Olsem wanem eksampol blong smol gel Isrel ya i save leftemap tingting blong ol yangfala tede? (2 King 5:3; Sam 8:2; 148:12, 13)
(b) ?From wanem i gud blong tingbaot fasin blong Neman taem narafala i yusum Baebol blong givim advaes long yumi? (2 King 5:15; Hib. 12:5, 6; Jem. 4:6)
(c) ?Yumi lanem wanem lesen taem yumi skelem fasin blong Elisa wetem fasin blong Gehasi? (2 King 5:9, 10, 14-16, 20; Mat. 10:8; Wok 5:1-5; 2 Kor. 2:17)
Jona Mo Bigfala Fis Ya
1. ?Jona hem i hu? ?Jeova i talem long hem blong mekem wanem?
2. ?Jona i no wantem go long ples we Jeova i talem long hem, ale hem i girap i mekem wanem?
3. ?Blong mekem win i godaon, Jona i talem long ol boskru blong oli mekem wanem?
4. ?Folem samting we yu luk long pija ya, wanem i hapen taem Jona i stap draon long solwota?
5. ?Jona i stap blong hamas dei insaed long bel blong bigfala fis ya? ?Taem Jona i stap long ples ya, hem i mekem wanem?
6. ?Afta we Jona i kamaot long bel blong fis ya, hem i go wea? ?Stori ya i tijim yumi long wanem samting?
Sam narafala kwestin:
1. Ridim Jona 1:1-17.
?I klia se Jona i gat wanem tingting long saed blong wok we God i givim long hem blong prij long ol man Nineve? (Jona 1:2, 3; Prov. 3:7; Pri. 8:12, NW )
2. Ridim Jona 2:1, 2, 10.
?Olsem wanem stori blong Jona ya i mekem tingting blong yumi i strong se Jeova bambae i ansa long ol prea blong yumi? (Sam 22:24; 34:6; 1 Jon 5:14)
3. Ridim Jona 3:1-10.
(a) Jeova i gohed blong yusum Jona nating se Jona i no wantem mekem faswan wok we Jeova i givim long hem. ?Olsem wanem samting ya i save leftemap tingting blong yumi? (Sam 103:14; 1 Pita 5:10)
(b) ?Samting we i hapen taem Jona i prij long ol man Nineve, i tijim yumi long wanem samting long saed blong fasin blong jajem ol man we yumi prij long olgeta? (Jona 3:6-9; Pri. 11:6; Wok 13:48)
God i Promes Blong Mekem Paradaes
1. ?Aesea hem i hu? ?Hem i laef long wanem taem? ?Jeova i soemaot wanem long hem?
2. ?Tok ya “paradaes” i minim wanem? ?Tok ya i mekem yumi tingbaot wanem?
3. ?Jeova i talem long Aesea blong raetemdaon wanem tok long saed blong Paradaes long fiuja?
4. ?From wanem Adam mo Iv tufala i lusum naesfala hom blong tufala?
5. ?Jeova i mekem wanem promes long ol man we oli lavem hem?
Sam narafala kwestin:
1. Ridim Aesea 11:6-9.
(a) ?Baebol i talem wanem blong soemaot pis we bambae i stap bitwin ol anamol mo ol man long niufala wol? (Sam 148:10, 13; Aes. 65:25; Esik. 34:25)
(b) ?Olsem wanem ol tok blong Aesea i stap kamtru long saed blong spirit, long medel blong ol man blong Jeova tede? (Rom 12:2; Efes. 4:23, 24)
(c) ?Yumi mas presem hu ya from ol bigfala jenis long fasin blong plante man tede mo long niufala wol tu? (Aes. 48:17, 18; Gal. 5:22, 23; Fil. 4:7)
2. Ridim Revelesen 21:3, 4.
(a) ?Baebol i talem wanem blong soem se taem God i mekem ples blong hem wetem ol man, hemia i no min se bambae hem i kamdaon long wol be i min se bambae i lukaotgud long yumi? (Lev. 26:11, 12; 2 Kron. 6:18; Aes. 66:1; Rev. 21:2, 3, 22-24)
(b) ?Wota blong ae mo soa we bambae i finis, hem i kamaot from wanem samting? (Luk 8:49-52; Rom 8:21, 22; Rev. 21:4)
God i Halpem King Hesekia
1. ?Man we i stap long pija ya hem i hu? ?Wanem bigfala trabol we hem i kasem?
2. ?Wanem ol leta we Hesekia i putum long fored blong God? ?Hesekia i talem wanem long prea blong hem?
3. ?Hesekia i wanem kaen king? ?Wanem tok blong Jeova we profet Aesea i talemaot long Hesekia?
4. ?Enjel blong Jeova i mekem wanem long ol soldia blong Asiria, olsem pija ya i soem?
5. ?Tufala laen i gat pis blong smoltaem, be wanem i hapen taem Hesekia i ded?
Sam narafala kwestin:
1. Ridim 2 King 18:1-36.
(a) ?Olsem wanem Rabsake we i haeman blong Asiria i traem mekem bilif blong ol man Isrel i seksek? (2 King 18:19, 21; Eks. 5:2; Sam 64:3)
(b) ?Olsem wanem ol Witnes blong Jeova oli folem eksampol blong Hesekia, taem ol man oli agensem olgeta? (2 King 18:36; Sam 39:1; Prov. 26:4; 2 Tim. 2:24)
2. Ridim 2 King 19:1-37.
(a) ?Olsem wanem ol man blong Jeova tede oli mekem olsem Hesekia taem trabol i kasem olgeta? (2 King 19:1, 2; Prov. 3:5, 6; Hib. 10:24, 25; Jem. 5:14, 15)
(b) ?Wanem trifala samting i hapen blong mekem se King Senakerib i lusum faet ya? ?King Senakerib i olsem pija blong hu? (2 King 19:32, 35, 37; Rev. 20:2, 3)
3. Ridim 2 King 21:1-6, 16.
?From wanem yumi save talem se Manase i moa nogud i winim ol narafala king we oli rul long Jerusalem? (2 Kron. 33:4-6, 9)
Laswan Gudfala King Blong Isrel
1. ?Taem Josaea i kam king hem i gat hamas yia? ?Afta we Josaea i rul blong seven yia, hem i stat mekem wanem?
2. ?Long faswan pija, Josaea i stap mekem wanem?
3. ?Hae pris i faenem wanem samting taem oli stap mekem gud haos blong God bakegen?
4. ?From wanem Josaea i terem klos blong hem?
5. ?Wanem tok we God i givim long woman profet ya Hulda blong talem long Josaea?
Sam narafala kwestin:
1. Ridim 2 Kronikel 34:1-28.
(a) ?Wanem gudfala eksampol we Josaea i soemaot long ol man we maet papa mama blong olgeta i no bin tijim olgeta long ol gudfala fasin? (2 Kron. 33:21-25; 34:1, 2; Sam 27:10)
(b) ?Josaea i mekem wanem blong givhan long trufala wosip, long namba 8 yia, namba 12 yia, mo namba 18 yia blong rul blong hem? (2 Kron. 34:3, 8)
(c) ?Wanem samting we yumi save lanem from eksampol blong King Josaea mo Hae Pris Hilkia we i save halpem yumi blong mekem haos wosip blong yumi i stapgud oltaem? (2 Kron. 34:9-13; Prov. 11:14; 1 Kor. 10:31)
Wan Man We i No Fraet
1. ?Hu ya yangfala man long pija ya?
2. ?Taem Jeova i singaot Jeremaea blong i kam wan profet, wanem tingting blong Jeremaea? ?Be Jeova i talem wanem long hem?
3. ?Wanem tok we Jeremaea i stap talemaot long ol man?
4. ?Ol pris oli mekem wanem blong traem blokem Jeremaea? ?Olsem wanem Jeremaea i soem se hem i no fraet?
5. ?Wanem i hapen taem ol man Isrel oli no lego ol rabis fasin blong olgeta?
Sam narafala kwestin:
1. Ridim Jeremaea 1:1-8.
(a) ?Olsem stori blong Jeremaea i soem, wanem nao i mekem se yumi naf blong mekem ol wok blong Jeova? (2 Kor. 3:5, 6)
(b) ?Olsem wanem eksampol blong Jeremaea i save leftemap tingting blong ol yangfala Kristin tede? (Pri. 12:1; 1 Tim. 4:12)
2. Ridim Jeremaea 10:1-5.
?Jeremaea i yusum wanem strong pijatok blong soem se i krangke nomo blong trastem ol aedol? (Jer. 10:5; Aes. 46:7; Hab. 2:19)
3. Ridim Jeremaea 26:1-16.
(a) ?Taem ol man we tabu spirit i makemaot olgeta oli talemaot woning tede, olsem wanem oli folem oda we Jeova i givim long Jeremaea blong ‘no mestem wan samting’? (Jer. 26:2; Dut. 4:2; Wok 20:27)
(b) ?Wanem gudfala eksampol we Jeremaea i givim long ol Witnes blong Jeova tede taem oli talemaot woning long olgeta nesen? (Jer. 26:8, 12, 14, 15; 2 Tim. 4:1-5)
4. Ridim 2 King 24:1-17.
?Wanem nogud samting i hapen long ol man Juda from we oli no stap tru long Jeova? (2 King 24:2-4 14)
Fo Boe Long Babilon
1. ?Hu ya fofala boe long pija ya? ?From wanem fofala i stap long Babilon?
2. ?Wanem plan blong Nebukadnesa long saed blong folfala boe ya? ?Hem i givim wanem oda long ol man blong wok blong hem?
3. ?Daniel i talem se hem wetem trifala fren blong hem, oli wantem wanem long saed blong kakae mo dring?
4. ?Afta ten dei ya we Daniel mo trifala fren blong hem oli kakae ol kakae blong garen nomo, bodi blong olgeta i sem mak long ol narafala yangfala no nogat?
5. ?Olsem wanem Daniel mo trifala fren blong hem oli kam stap long haos blong king? ?Olsem wanem fofala ya i moa gud i winim ol pris mo waes man blong king?
Sam narafala kwestin:
1. Ridim Daniel 1:1-21.
(a) ?Yumi mas traehad olsem wanem sipos yumi wantem winim ol traem mo stretem ol slak fasin blong yumi? (Dan. 1:8; Jen. 39:7, 10; Gal. 6:9)
(b) ?Wanem sam samting we oli olsem ‘kakae blong king,’ we oli save pulum ol yangfala tede? (Dan. 1:8; Prov. 20:1; 2 Kor. 6:17–7:1)
(c) ?Baebol stori blong fofala Hibru yangfala ya i givhan long yumi blong luksave wanem samting long saed blong ol save mo waes blong wol? (Dan. 1:20; Aes. 54:13; 1 Kor. 3:18-20)
Ol Ami Oli Spolem Jerusalem
1. ?Long pija ya, wanem i stap hapen long Jerusalem mo ol man Isrel?
2. ?Esikel hem i hu? ?Wanem ol nogud samting we Jeova i soemaot long Esikel?
3. ?Jeova i talem se bambae hem i mekem wanem long ol man Isrel ya we oli no gat respek nating long Hem?
4. ?King Nebukadnesa i mekem wanem taem ol man Isrel oli girap agensem hem?
5. ?From wanem Jeova i letem ol ami oli spolem ol man Isrel ya?
6. ?Wanem i hapen blong mekem se i no moa gat man nating long kantri blong Isrel? ?Kantri ya i stap olsem gogo hamas yia i pas?
Sam narafala kwestin:
1. Ridim 2 King 25:1-26.
(a) ?Jedekia hem i hu? ?Wanem i hapen long hem? ?Olsem wanem samting ya i mekem profet tok blong Baebol i kamtru? (2 King 25:5-7; Esik. 12:13-15)
(b) ?Jeova i panisim hu from fasin blong ol man Isrel blong no stap tru long hem? (2 King 25:9, 11, 12, 18, 19; 2 Kron. 36:14, 17)
2. Ridim Esikel 8:1-18.
?Olsem wanem fasin blong Krisendom i olsem ol man Isrel we oli lego Jeova mo oli mekem wosip long san? (Esik. 8:16; Aes. 5:20, 21; Jon 3:19-21; 2 Tim. 4:3)
Oli No Save Bodaon
1. ?King blong Babilon, Nebukadnesa, i givim wanem oda long ol man?
2. ?From wanem trifala fren blong Daniel oli no stap bodaon long pija we oli wokem long gol?
3. ?Taem Nebukadnesa i givim wan moa janis long trifala Hibru ya blong trifala i bodaon, olsem wanem trifala i soem se trifala i trastem Jeova?
4. ?Nebukadnesa i talem long ol man blong hem se oli mas mekem wanem long Sadrak, Mesak, mo Abednego?
5. ?Taem Nebukadnesa i lukluk i go long faea, hem i luk wanem samting?
6. ?King i presem God blong Sadrak, Mesak, mo Abednego from wanem samting? ?Trifala ya i soem wanem eksampol long yumi?
Sam narafala kwestin:
1. Ridim Daniel 3:1-30.
(a) ?Wanem fasin blong trifala Hibru yangfala ya we olgeta man blong God oli mas folem taem sam samting i kam blong traem bilif blong olgeta? (Dan. 3:17, 18; Mat. 10:28, NW; Rom 14:7, 8)
(b) ?Wanem bigfala lesen we Jeova God i tijim long Nebukadnesa? (Dan. 3:28, 29; 4:34, 35)
Hanraet Long Wol
1. ?Wanem i hapen taem king blong Babilon i stap mekem wan bigfala lafet mo oli yusum ol kap mo plet we oli bin karemaot long haos blong Jeova long Jerusalem?
2. ?Belsasa i talem wanem long ol waes man blong hem? ?Be ol waes man ya oli no naf blong mekem wanem?
3. ?Mama blong king i talem long hem blong mekem wanem?
4. ?Folem ol tok we Daniel i talem long king, from wanem God i mekem wan han i raet long wol?
5. ?Daniel i talem se mining blong hanraet ya i olsem wanem?
6. ?Daniel i stap toktok yet be wanem i hapen?
Sam narafala kwestin:
1. Ridim Daniel 5:1-31.
(a) Soem olsem wanem fasin blong fraet long God i defren long fraet we i kasem Belsasa taem hem i luk hanraet ya long wol. (Dan. 5:6, 7; Sam 19:9, NW; Rom 8:35-39)
(b) ?Olsem wanem Daniel i soem se hem i no fraet nating taem hem i stap toktok long Belsasa mo ol haeman blong hem? (Dan. 5:17, 18, 22, 26-28; Wok 4:29)
(c) ?Olsem wanem Daniel japta 5 i makemgud se Jeova nomo i Hae Rula blong heven mo wol? (Dan. 4:17, 25; 5:21)
Oli Sakem Daniel i Go Long Ol Laeon
1. ?Hu ya Darias? ?Wanem tingting blong hem long saed blong Daniel?
2. ?Sam man we oli jalus oli talem long Darias blong mekem wanem?
3. ?Taem Daniel i harem we king i putum wan niufala loa, hem i mekem wanem?
4. ?From wanem Darias i no save slip? ?Long nekis moning hem i mekem wanem?
5. ?Daniel i talem wanem blong ansa long Darias?
6. ?Wanem i hapen long ol rabis man we oli traem kilim Daniel i ded? ?Darias i talem wanem long leta we hem i raetem long ol man we hem i rul long olgeta?
Sam narafala kwestin:
1. Ridim Daniel 6:1-28.
(a) ?Olsem wanem rabis plan we oli mekem agens long Daniel i pulum yumi blong tingbaot ol samting we ol man blong agens oli bin mekem long taem blong yumi blong traem blokem wok blong ol Witnes blong Jeova? (Dan. 6:7; Sam 94:20; Aes. 10:1; Rom 8:31)
(b) ?Olsem wanem ol man blong God tede oli save obei long “gavman” olsem Daniel? (Dan. 6:5, 10; Rom 13:1; Wok 5:29)
(c) ?Olsem wanem yumi save folem fasin blong Daniel we i mekem wok blong Jeova ‘long olgeta tingting blong hem’? (Dan. 6:16, 20; Fil. 3:16; Rev. 7:15)
Ol Man Blong God Oli Aot Long Babilon
1. ?Long pija ya, ol man Isrel oli stap mekem wanem?
2. ?Olsem wanem Sirus i mekem profet tok we Jeova i givim long Aesea i kamtru?
3. ?Sirus i talem wanem long ol man Isrel we oli no naf blong mekem trip ya blong gobak long Jerusalem?
4. ?Sirus i givim wanem long ol man Isrel blong oli karem i gobak long Jerusalem?
5. ?Ol man Isrel oli wokbaot hamas manis blong kasem Jerusalem?
6. ?Hamas yia i pas finis stat long taem ya we ol man Isrel oli aot long kantri blong olgeta?
Sam narafala kwestin:
1. Ridim Aesea 44:28 mo 45:1-4.
(a) ?Olsem wanem Jeova i soem se profet tok ya long saed blong Sirus i sua blong kamtru? (Aes. 55:10, 11; Rom 4:17)
(b) ?Profet tok blong Aesea long saed blong Sirus i soemaot wanem samting long saed blong fasin blong Jeova God blong talemaot fiuja? (Aes. 42:9; 45:21; 46:10, 11; 2 Pita 1:20)
2. Ridim Esra 1:1-11.
?Folem fasin blong olgeta we oli no naf blong gobak long Jerusalem, olsem wanem yumi save “givhan long olgeta” we oli naf blong paenia? (Esra 1:4, 6; Rom 12:13; Kol. 4:12)
Oli Trastem God Blong Halpem Olgeta
1. ?Hamas man oli aot long Babilon blong gobak long Jerusalem? ?Taem oli kamtru long Jerusalem, oli luk se taon ya i olsem wanem?
2. ?Ol man Isrel oli stat wokem wanem? ?Be ol enemi blong olgeta oli mekem wanem?
3. ?Hu ya Hagae mo Sekaraea? ?Tufala i talem wanem long ol man?
4. ?From wanem Tatenae i sanem wan leta i go long Babilon? ?Wanem ansa we hem i kasem?
5. ?Esra i mekem wanem taem hem i kasem nius se haos blong God i kam nogud bakegen?
6. ?Long pija ya, Esra i stap askem wanem long prea blong hem? ?Olsem wanem Jeova i ansa long prea ya? ?Yumi lanem wanem samting from?
Sam narafala kwestin:
1. Ridim Esra 3:1-13.
?Sipos samtaem yumi stap long wan ples we i no gat wan kongregesen blong ol man blong God, yumi mas gohed nomo blong mekem wanem? (Esra 3:3, 6; Wok 17:16, 17; Hib. 13:15)
2. Ridim Esra 4:1-7.
?Wanem eksampol we Serubabel i givim long ol man blong Jeova long saed blong fasin blong joen wetem ol giaman skul blong mekem sam samting? (Eks. 34:12; 1 Kor. 15:33; 2 Kor. 6:14-17)
3. Ridim Esra 5:1-5, 17 mo 6:1-22.
(a) ?From wanem ol man blong agens oli no save stopem wok ya blong bildim haos blong God? (Esra 5:5; Aes. 54:17)
(b) ?Olsem wanem samting we ol lida blong Isrel oli mekem i save leftemap tingting blong ol Kristin elda blong lukaot rod we Jeova i wantem yumi blong folem taem ol man oli agensem yumi? (Esra 6:14; Sam 32:8; Rom 8:31; Jem. 1:5)
4. Ridim Esra 8:21-23, 28-36.
?Bifo we yumi mekem wan samting, i gud we yumi folem wanem fasin blong Esra? (Esra 8:23; Sam 127:1; Prov. 10:22; Jem. 4:13-15)
Modekae Mo Esta
1. ?Hu ya Modekae mo Esta?
2. ?From wanem King Sekses i jusum wan narafala woman blong i kam woman blong hem? ?Hem i jusum hu?
3. ?Haman hem i hu? ?From wanem Haman i kros we i kros?
4. ?King i putum wanem loa? ?Esta i mekem wanem taem Modekae i givim nius ya long hem?
5. ?Wanem i hapen long Haman? ?Wanem i hapen long Modekae?
6. ?Wanem i hapen blong mekem se ol enemi oli no kilim ol man Isrel i ded?
Sam narafala kwestin:
1. Ridim Esta 2:12-18.
?Olsem wanem stori blong Esta i soem se i impoten we yumi gat ‘kwaet fasin mo fasin we i stret gud’? (Esta 2:15-18; 1 Pita 3:1-5)
2. Ridim Esta 4:1-17.
Esta i gat janis blong mekem wan samting blong givhan long trufala wosip. ?Wanem janis we yumi gat tede blong ona long Jeova mo stanap long saed blong hem? (Esta 4:13, 14; Mat. 5:14-16; 24:14)
3. Ridim Esta 7:1-6.
?Olsem wanem plante man blong God tede oli bin fesem trabol olsem Esta? (Esta 7:4; Mat. 10:16-22; 1 Pita 2:12)
Stonwol Blong Jerusalem
1. ?Ol man Isrel oli harem olsem wanem taem oli stap long taon blong Jerusalem we i no gat stonwol i goraon long hem?
2. ?Nehemaea hem i hu?
3. ?Wanem wok blong Nehemaea? ?From wanem wok ya i impoten?
4. ?Wanem nius i kasem Nehemaea we i mekem hem i harem nogud? ?Ale, hem i mekem wanem?
5. ?Olsem wanem King Ataksekses i soem kaen fasin long Nehemaea?
6. ?Nehemaea i ogenaesem wok ya olsem wanem blong mekem se ol enemi blong Isrel oli no save blokem?
Sam narafala kwestin:
1. Ridim Nehemaea 1:4-6 mo 2:1-20.
?Olsem wanem Nehemaea i lukaot help blong Jeova? (Neh. 2:4, 5; Rom 12:12; 1 Pita 4:7)
2. Ridim Nehemaea 3:3-5.
?Ol elda mo ol man blong givhan oli save lanem wanem samting from fasin blong ol man Tekoa we i defren long fasin blong ‘ol lida blong olgeta’? (Neh. 3:5, 27; 2 Tes. 3:7-10; 1 Pita 5:5)
3. Ridim Nehemaea 4:1-23.
(a) ?Wanem i givim paoa long ol man Isrel blong gohed blong bildim stonwol ya nating se fulap man oli agensem olgeta? (Neh. 4:6, 8, 9; Sam 50:15; Aes 65:13, 14)
(b) ?Olsem wanem eksampol blong ol man Isrel i leftemap tingting blong yumi tede?
4. Ridim Nehemaea 6:15.
Oli finisim stonwol blong Jerusalem long tu manis. ?Samting ya i soemaot wanem long saed blong paoa blong bilif? (Sam 56:3, 4; Mat. 17:20; 19:26)
Wan Enjel i Toktok Long Meri
1. ?Woman long pija ya hem i hu?
2. ?Gabriel i talem wanem long Meri?
3. ?Olsem wanem Gabriel i eksplenem samting we bambae i hapen blong mekem se Meri i save gat pikinini nating se hem i no stap wetem wan man?
4. ?Wanem i hapen taem Meri i go luk wan famle blong hem Elisabet?
5. ?Wanem tingting blong Josef taem hem i faenemaot se Meri i gat bel? ?Be from wanem hem i jenisim tingting blong hem?
Sam narafala kwestin:
1. Ridim Luk 1:26-56.
(a) ?Luk 1:35 i soem se, taem God i putum laef blong spirit Pikinini blong Hem i go long bel blong Meri, olsem wanem long sin we i stap long bodi blong Meri? (Hag. 2:11-13; Jon 6:69; Hib. 7:26; 10:5)
(b) ?Olsem wanem Jisas i kasem ona bifo we hem i bon? (Luk 1:41-43)
(c) ?Wanem gudfala eksampol we Meri i soem long ol Kristin tede we oli kasem spesel wok? (Luk 1:38, 46-49; 17:10; Prov. 11:2)
2. Ridim Matiu 1:18-25.
?Nating se oli no putum nem ya Emanuel long Jisas, olsem wanem hem i soemaot mining blong nem ya? (Mat. 1:22, 23; Jon 14:8-10; Hib. 1:1-3)
Jisas i Bon Long Haos Blong Ol Anamol
1. ?Hu ya smol pikinini long pija ya? ?Meri i stap mekem hem i slip wea?
2. ?From wanem Jisas i bon long haos ya we ol man oli kipim ol anamol long hem?
3. ?Long pija, hu ya ol man ya we oli stap kam insaed long haos? ?Wan enjel i bin talem wanem long ol man ya?
4. ?From wanem Jisas i wan spesel pikinini?
5. ?Olsem wanem Jisas i Pikinini blong God?
Sam narafala kwestin:
1. Ridim Luk 2:1-20.
(a) ?Olsem wanem Sisa Ogastas i givhan blong mekem wan profet tok long saed blong Jisas i kamtru? (Luk 2:1-4; Maeka 5:2)
(b) ?Olsem wanem yumi save kam wan long “ol man we God i glad long olgeta”? (Luk 2:14; Mat. 16:24; Jon 17:3; Wok 3:19; Hib. 11:6)
i(c) ?Sipos ol man blong lukaot long sipsip long Judia oli bin gat risen blong glad from we Sevia blong olgeta i bon, ol man blong God tede oli gat wanem risen blong glad moa? (Luk 2:10, 11; Efes. 3:8, 9; Rev. 11:15; 14:6)
Wan Sta i Lidim Ol Man Ya
1. ?Hu ya ol man long pija ya? ?From wanem wan long olgeta ya i stap poen i go long wan sta?
2. ?From wanem King Herod i kros? ?Hem i mekem wanem?
3. ?Sta ya i lidim olgeta oli go wea? ?From wanem oli folem narafala rod blong gobak long kantri blong olgeta?
4. ?Herod i givim wanem oda? ?From wanem hem i givim oda ya?
5. ?Jeova i talem long Josef blong mekem wanem?
6. ?Hu i mekem niufala sta ya i saen? ?From wanem hem i mekem olsem?
Sam narafala kwestin:
1. Ridim Matiu 2:1-23.
?Jisas i stap wea, taem ol man we oli waes long ol fasin blong sta oli kam luk hem? ?Long taem ya, Jisas i gat hamas yia? (Mat. 2:1, 11, 16)
Yangfala Jisas Long Haos Blong God
1. ?Long pija ya, Jisas i gat hamas yia? ?Hem i stap wea?
2. ?Evri yia, Josef i tekem famle blong hem i go wea?
3. ?Long en blong faswan dei we oli stap wokbaot blong gohom, from wanem Josef mo Meri tufala i gobak long Jerusalem?
4. ?Josef mo Meri tufala i faenem Jisas wea? ?From wanem ol man long ples ya oli sapraes tumas long Jisas?
5. ?Jisas i talem wanem long mama blong hem Meri?
6. ?Olsem wanem yumi save mekem olsem Jisas we i laekem blong kasem moa save long saed blong God?
Sam narafala kwestin:
1. Ridim Luk 2:41-52.
(a) ?Nating we Loa i no talem se ol woman mo pikinini oli mas kam long ol lafet evri yia, be wanem gudfala eksampol we Josef mo Meri tufala i soem long ol papa mama tede? (Luk 2:41; Dut. 16:16; 31:12; Prov. 22:6)
(b) ?Olsem wanem Jisas i soem wan gudfala eksampol long ol yangfala tede taem hem i obei oltaem long papa mama blong hem? (Luk 2:51; Dut. 5:16; Prov. 23:22; Kol. 3:20)
2. Ridim Matiu 13:53-56.
?Wanem nem blong fo stret brata blong Jisas we Baebol i tokbaot? ?Biaen, tu long ol brata ya oli mekem wanem wok insaed long Kristin kongregesen? (Mat. 13:55; Wok 12:17; 15:6, 13; 21:18; Gal. 1:19; Jem. 1:1; Jud 1)
Jon i Baptaesem Jisas
1. ?Hu ya tufala man long pija ya?
2. ?Taem oli baptaesem man, oli mekem wanem long hem?
3. ?Hu ol man we Jon i baptaesem olgeta?
4. ?Jisas i askem long Jon blong i baptaesem hem from wanem risen?
5. ?Olsem wanem God i soemaot se hem i glad we Jisas i tekem baptaes?
6. ?Wanem i hapen long Jisas taem hem i go stap 40 dei long wan ples we i no gat man long hem?
7. ?Hu ya sam long ol faswan disaepol blong Jisas? ?Wanem faswan merikel we Jisas i mekem?
Sam narafala kwestin:
1. Ridim Matiu 3:13-17.
?Wanem rod we Jisas i soemaot long ol disaepol blong hem long saed blong baptaes? (Sam 40:7, 8; Mat. 28:19, 20; Luk 3:21, 22)
2. Ridim Matiu 4:1-11.
?Taem yumi luk we Jisas i gat gudhan blong yusum Baebol, olsem wanem samting ya i leftemap tingting blong yumi blong stadi Baebol oltaem? (Mat. 4:5-7; 2 Pita 3:17, 18; 1 Jon 4:1)
3. Ridim Jon 1:29-51.
?Jon Baptaes i pulum ol disaepol blong hem blong folem hu? ?Olsem wanem yumi save mekem olsem hem? (Jon 1:29, 35, 36; 3:30; Mat. 23:10)
4. Ridim Jon 2:1-12.
?Olsem wanem faswan merikel blong Jisas i soem se Jeova i no holemtaet ol gudfala samting be hem i givim nomo long ol man blong hem? (Jon 2:9, 10; Sam 84:11; Jem. 1:17)
Jisas i Ronemaot Ol Man Ya Long Haos Blong God
1. ?From wanem ol man oli stap salem ol anamol long haos blong God?
2. ?From wanem Jisas i kros tumas?
3. ?Olsem pija i soemaot, Jisas i mekem wanem? ?Hem i tok long ol man we oli stap salem ol nawimba, i talem wanem long olgeta?
4. ?Taem ol disaepol blong Jisas oli luk samting we hem i mekem, oli tingbaot wanem?
5. ?Taem Jisas i stap gobak long Galili, hem i pas long wanem ples?
Sam narafala kwestin:
1. Ridim Jon 2:13-25.
?Taem yumi tingbaot we Jisas i kros long ol man blong jenisim mane long haos blong God, yumi luksave se wanem nao stret tingting long saed blong mekem bisnes long Haos Kingdom? (Jon 2:15, 16; 1 Kor. 10:24, 31-33)
Hem i Toktok Long Wan Woman Long Wel Ya
1. ?From wanem Jisas i stop klosap long wan wel long Sameria? ?Long pija ya, Jisas i stap talem wanem long woman ya?
2. ?From wanem woman ya i sek? ?Jisas i talem wanem long hem? ?From wanem hem i talem olsem?
3. ?Woman ya i ting se Jisas i stap tokbaot wanem kaen wota? ?Jisas i stap minim wanem wota?
4. ?From wanem woman ya i sapraes tumas we Jisas i save evri samting long saed blong laef blong hem? ?Olsem wanem Jisas i save ol samting ya?
5. ?Stori ya i tijim yumi long wanem samting?
Sam narafala kwestin:
1. Ridim Jon 4:5-43.
(a) ?Folem eksampol blong Jisas, yumi mas gat wanem tingting long ol man blong narafala laen mo kalja? (Jon 4:9; 1 Kor. 9:22; 1 Tim. 2:3, 4; Taet. 2:11)
(b) ?Man we i kam disaepol blong Jisas i kasem wanem gudfala samting long saed blong spirit? (Jon 4:14; Aes. 58:11; 2 Kor. 4:16)
(c) ?Olsem wanem yumi save soem tangkiu olsem woman Sameria ya we i hareap blong serem samting we hem i lanem? (Jon 4:7, 28; Mat. 6:33; Luk 10:40-42)
Jisas i Tijim Ol Man Antap Long Hil
1. ?Long pija ya, Jisas i stap tijim ol man long weples? ?Hu ol man we oli stap sidaon klosap long hem?
2. ?Wanem nem blong ol 12 aposol?
3. ?Wanem ya Kingdom we Jisas i stap talemaot?
4. ?Jisas i tijim ol man blong oli prea from wanem samting?
5. ?Jisas i tijim ol man se oli mas mekem olsem wanem long ol narafala man?
Sam narafala kwestin:
1. Ridim Matiu 5:1-12.
?Yumi save mekem wanem blong soem se yumi luksave we yumi nidim ol samting long saed blong spirit? (Mat. 5:3, NW; Rom 10:13-15; 1 Tim. 4:13, 15, 16)
2. Ridim Matiu 5:21-26.
?Olsem wanem Matiu 5:23, 24 i soem se blong frengud wetem Jeova yumi mas frengud wetem ol Kristin brata sista tu? (Mat. 6:14, 15; Sam 133:1; Kol. 3:13; 1 Jon 4:20)
3. Ridim Matiu 6:1-8.
?Wanem sam fasin we ol Kristin oli no mas folem blong traem pruvum se olgeta oli stret man finis? (Luk 18:11, 12; 1 Kor. 4:6, 7; 2 Kor. 9:7)
4. Ridim Matiu 6:25-34.
?Wanem tijing we Jisas i givim blong soem se yumi mas trastem Jeova blong givim ol samting we yumi nidim blong laef? (Eks. 16:4; Sam 37:25; Fil. 4:6)
5. Ridim Matiu 7:1-11.
?Klia pijatok ya long Matiu 7:5 i tijim yumi long wanem samting? (Prov. 26:12; Rom 2:1; 14:10; Jem. 4:11, 12)
Jisas i Mekem Dedman i Laef Bakegen
1. ?Hu ya papa blong gel ya we yu luk long pija ya? ?From wanem hem mo woman blong hem tufala i wari tumas?
2. ?Taem Jaeras i faenem Jisas, hem i mekem wanem?
3. ?Taem Jisas i stap wokbaot i go long haos blong Jaeras, wanem i hapen? ?Wanem mesej we Jaeras i kasem long rod ya?
4. ?From wanem ol man long haos blong Jaeras oli laf long Jisas?
5. ?Jisas i tekem tri aposol blong hem wetem papa mama blong gel ya oli go insaed, nao hem i mekem wanem?
6. ?Jisas i mekem hu i laef bakegen finis? ?Samting ya i soem wanem long yumi?
Sam narafala kwestin:
1. Ridim Luk 8:40-56.
?Olsem wanem Jisas i soem sore mo i no mekem i strong long woman ya we sik blong woman i stap long hem longtaem? ?Ol Kristin elda tede oli save lanem wanem samting from stori ya? (Luk 8:43, 44, 47, 48; Lev. 15:25-27; Mat. 9:12, 13; Kol. 3:12-14)
2. Ridim Luk 7:11-17.
?Olsem wanem tok we Jisas i talem long wido blong Naen i save leftemap tingting blong olgeta we oli lusum wan famle long ded? (Luk 7:13; 2 Kor. 1:3, 4; Hib. 4:15)
3. Ridim Jon 11:17-44.
?Olsem wanem Jisas i soem se i stret nomo blong krae taem wan famle no fren blong yumi i ded? (Jon 11:33-36, 38; 2 Saml. 18:33; 19:1-4)
Jisas i Givim Kakae Long Plante Man
1. ?Wanem nogud samting i hapen long Jon Baptaes? ?Nius ya i mekem Jisas i harem olsem wanem?
2. ?Jisas i mekem wanem blong givim kakae long plante man we oli biaen long hem? ?Hamas kakae i stap?
3. ?From wanem ol disaepol oli fraet long naet ya? ?Wanem i hapen long Pita?
4. ?Olsem wanem Jisas i givim kakae long plante taosen man bakegen?
5. ?From wanem bambae i gud tumas taem Jisas i rul antap long wol ya olsem king we God i putumap?
Sam narafala kwestin:
1. Ridim Matiu 14:1-32.
(a) ?Stori long Matiu 14:23-32 i soemaot se Pita i gat wanem fasin?
(b) ?Olsem wanem Baebol i soemaot se Pita i kam bigman long tingting blong hem mo i winim fasin ya blong no tingting gud bifo we hem i mekem samting? (Mat. 14:27-30; Jon 18:10; 21:7; Wok 2:14, 37-40; 1 Pita 5:6, 10)
2. Ridim Matiu 15:29-38.
?Olsem wanem Jisas i soem tangkiu from ol samting we Papa blong hem i givim? (Mat. 15:37; Jon 6:12; Kol. 3:15)
3. Ridim Jon 6:1-21.
?Olsem wanem ol Kristin tede oli save folem fasin blong Jisas long saed blong gavman? (Jon 6:15; Mat. 22:21; Rom 12:2; 13:1-4)
Hem i Lavem Ol Pikinini
1. ?Ol aposol oli stap raorao from wanem samting taem oli stap mekem longfala trip blong gohom?
2. ?From wanem Jisas i singaot wan smol pikinini i kam stanap long medel blong ol aposol?
3. ?Long wanem fasin ol aposol oli mas kam olsem ol pikinini?
4. ?Sam manis biaen, olsem wanem Jisas i soem se hem i lavem ol pikinini?
Sam narafala kwestin:
1. Ridim Matiu 18:1-4.
?From wanem Jisas i yusum ol pijatok blong tijim ol man? (Mat. 13:34, 36; Mak 4:33, 34)
2. Ridim Matiu 19:13-15.
?Wanem ol fasin blong pikinini we yumi mas folem sipos yumi wantem kasem ol blesing blong Kingdom? (Sam 25:9; 138:6; 1 Kor. 14:20)
3. Ridim Mak 9:33-37.
?Wanem tijing we Jisas i givim long ol disaepol blong hem long saed blong fasin blong wantem kam hae moa long ol narafala? (Mak 9:35; Mat. 20:25, 26; Gal. 6:3; Fil. 2:5-8, NW )
4. Ridim Mak 10:13-16.
?Wanem i soemaot se ol man oli no fraet blong kam storian wetem Jisas? ?Ol Kristin elda oli save lanem wanem from fasin ya blong hem? (Mak 6:30-34; Fil 2:1-4; 1 Tim. 4:12)
Fasin Blong Jisas Blong Tijim Man
1. ?Wanem kwestin we wan man i askem long Jisas? ?From wanem hem i askem kwestin ya?
2. ?Sam samtaem Jisas i yusum wanem blong tijim man? ?Yumi lanem wanem samting finis long saed blong ol man Jiu mo ol man Sameria?
3. ?Long storian blong Jisas, wanem i hapen long wan man Jiu we i stap wokbaot i go long Jeriko?
4. ?Wanem i hapen taem wan pris mo wan Livaet i wokbaot i kam?
5. ?Long pija ya, hu i stap halpem man Jiu ya we i hafded long rod?
6. ?Taem Jisas i finisim stori ya blong hem, hem i askem wanem kwestin? ?Man ya i ansa olsem wanem?
Sam narafala kwestin:
1. Ridim Luk 10:25-37.
(a) ?Jisas i no ansa long kwestin blong man ya we i savegud Loa, be olsem wanem hem i halpem man ya blong luksave ansa blong kwestin ya? (Luk 10:26; Mat. 16:13-16)
(b) ?Olsem wanem Jisas i yusum parabol blong halpem ol man blong winim fasin ya blong lukluk daon long narafala? (Luk 10:36, 37; 18:9-14; Taet. 1:9)
Jisas i Mekem Sikman i Gud Bakegen
1. ?Taem Jisas i stap wokbaot, hem i mekem wanem?
2. ?Samwe long tri yia afta we Jisas i baptaes, hem i talem wanem long ol aposol blong hem?
3. ?Hu ya ol man long pija ya? ?Jisas i mekem wanem long woman ya?
4. ?From wanem, ansa we Jisas i givim long ol lida blong skul we oli tok agensem hem i mekem olgeta oli sem?
5. ?Taem Jisas mo ol aposol blong hem oli kam klosap long Jeriko, Jisas i mekem wanem long tu blaenman?
6. ?From wanem Jisas i mekem ol merikel?
Sam narafala kwestin:
1. Ridim Matiu 15:30, 31.
?Jisas i soemaot paoa blong Jeova long wanem nambawan fasin? ?Olsem wanem samting ya i mas givhan long yumi blong kasem save long ol promes blong niufala wol we Jeova i mekem? (Sam 37:29; Aes. 33:24)
2. Ridim Luk 13:10-17.
Jisas i mekem plante nambawan merikel long Sabat dei. ?Olsem wanem samting ya i soemaot ol gudfala samting we bambae hem i mekem long ol man taem hem i rul blong Wan Taosen Yia? (Luk 13:10-13; Sam 46:9; Mat. 12:8; Kol. 2:16, 17; Rev. 21:1-4)
3. Ridim Matiu 20:29-34.
?Olsem wanem stori ya i soem se Jisas i rere oltaem blong givhan long ol man nating se hem i gat plante wok blong mekem? ?Yumi lanem wanem samting from? (Dut. 15:7; Jem. 2:15, 16; 1 Jon 3:17)
Jisas i Kamtru Olsem King
1. ?Taem Jisas i kamtru long wan smol vilej klosap long Jerusalem, hem i talem wanem long tufala disaepol blong hem?
2. ?Olsem pija ya i soem, taem Jisas i kam klosap long doa blong taon blong Jerusalem, wanem i hapen?
3. ?Ol smosmol pikinini oli mekem wanem taem oli luk we Jisas i mekem ol blaenman oli gud bakegen wetem ol man we leg blong olgeta i nogud?
4. ?Jisas i talem wanem long ol jif pris we oli kros?
5. ?Olsem wanem yumi save mekem olsem ol pikinini ya we oli presem Jisas?
6. ?Ol disaepol blong Jisas oli wantem save wanem?
Sam narafala kwestin:
1. Ridim Matiu 21:1-17.
(a) ?Taem Jisas i raed long dongki i kam long Jerusalem olsem King, olsem wanem hem i defren long ol komanda blong ami blong Rom we oli win long faet? (Mat. 21:2, 5; Sek. 9:9; Fil. 2:5-8, NW; Kol. 2:15)
(b) ?Wanem lesen we ol yangfala oli save lanem from ol pikinini boe blong Isrel we oli talemaot ol tok blong Sam 118 taem Jisas i stap go insaed long haos blong God? (Mat. 21:9, 15; Sam 118:25, 26; 2 Tim. 3:15; 2 Pita 3:18)
2. Ridim Jon 12:12-16.
?Ol han blong pamtri we ol man oli saksakem blong presem Jisas, oli olsem saen blong wanem samting? (Jon 12:13; Fil. 2:10; Rev. 7:9, 10)
Antap Long Hil Blong Ol Oliftri
1. ?Long pija ya, weswan man hem i Jisas? ?Hu ya fofala man ya we oli stap wetem hem?
2. ?Long haos blong God, ol pris oli traem mekem wanem long Jisas? ?Jisas i talem wanem long olgeta ya?
3. ?Wanem kwestin we ol aposol oli askem long Jisas?
4. ?From wanem Jisas i talem long ol aposol, sam samting we bambae oli hapen long wol ya taem hem i rul olsem King long heven?
5. ?Jisas i talem se wanem samting bambae i hapen bifo we hem i finisim ol trabol long wol ya?
Sam narafala kwestin:
1. Ridim Matiu 23:1-39.
(a) Baebol i soemaot se i stret blong yusum ol taetel taem yumi toktok wetem sam haeman blong wol. ?Be folem ol tok blong Jisas long Matiu 23:8-11, i stret blong yusum ol taetel blong leftemap man insaed long Kristin kongregesen? (Wok 26:25, NW; Rom 13:7; 1 Pita 2:13, 14)
(b) ?Ol Farisi oli mekem wanem blong traem blokem ol man oli no kam Kristin? ?Olsem wanem ol lida blong skul tede oli mekem samting we i klosap sem mak? (Mat. 23:13; Luk 11:52; Jon 9:22; 12:42; 1 Tes. 2:16)
2. Ridim Matiu 24:1-14.
(a) ?Olsem wanem Matiu 24:13 i soem se i impoten blong stanap strong longtaem?
(b) ?Long Matiu 24:13, wanem mining blong tok ya “olgeta samting ya i finis” [“en,” long NW ]? (Mat. 16:27; Rom 14:10-12; 2 Kor. 5:10)
3. Ridim Mak 13:3-10.
?Wanem tok long Mak 13:10 i soem se i impoten tumas blong talemaot gud nius? ?Tok ya blong Jisas i mas mekem wanem long yumi? (Rom 13:11, 12; 1 Kor. 7:29-31; 2 Tim. 4:2)
Long Wan Bigfala Rum Antap
1. ?Long pija ya, from wanem Jisas mo ol 12 aposol blong hem oli stap long bigfala rum ya antap?
2. ?Man ya we i stap goaot, hem i hu? ?Hem i stap go blong mekem wanem?
3. ?Wanem spesel kakae we Jisas i statem afta we Pasova i finis?
4. ?Pasova i blong mekem ol man Isrel oli tingbaot wanem taem? ?Spesel kakae ya i blong mekem ol man blong Jisas oli tingbaot wanem?
5. ?Afta we oli kakae Lodsapa, Jisas i talem wanem long ol man blong hem? ?Olgeta ya oli mekem wanem?
Sam narafala kwestin:
1. Ridim Matiu 26:14-30.
(a) ?Olsem wanem Matiu 26:15 i soem se Judas i minim nomo blong putum Jisas long han blong ol enemi blong hem?
(b) ?Blad blong Jisas i mekem wanem tufala wok? (Mat. 26:27, 28; Jer. 31:31-33; Efes. 1:7; Hib. 9:19, 20)
2. Ridim Luk 22:1-39.
?Wanem mining blong tok ya se Setan i go insaed long Judas? (Luk 22:3; Jon 13:2; Wok 1:24, 25)
3. Ridim Jon 13:1-20.
(a) ?Folem samting we Jon 13:2 i talem, i stret blong putum fol long Judas from samting we hem i mekem? ?Ol man blong God oli save lanem wanem lesen from samting ya? (Jen. 4:7; 2 Kor. 2:11; Gal. 6:1; Jem. 1:13, 14)
(b) ?Jisas i mekem wanem samting blong tijim ol man blong hem? (Jon 13:15; Mat. 23:11; 1 Pita 2:21)
4. Ridim Jon 17:1-26.
?Jisas i minim wanem taem hem i prea se ol man blong hem bambae oli “stap wan nomo”? (Jon 17:11, 21-23; Rom 13:8; 14:19; Kol. 3:14)
Jisas Long Garen Blong Getsemane
1. ?Afta we Jisas mo ol aposol blong hem oli aot long bigfala rum antap, oli go wea? ?Jisas i talem long ol aposol blong hem blong oli mekem wanem?
2. ?Taem Jisas i kambak long ol aposol blong hem, oli stap mekem wanem? ?Samting ya i hapen hamas taem?
3. ?Hu ya i kam long garen? ?Judas Iskariot i mekem wanem olsem pija ya i soem?
4. ?From wanem Judas i kis long Jisas? ?Pita i mekem wanem?
5. ?Jisas i talem wanem long Pita? ?From wanem Jisas i no askem long God blong i sanem ol enjel?
Sam narafala kwestin:
1. Ridim Matiu 26:36-56.
(a) ?Olsem wanem Jisas i givim gudfala eksampol long ol Kristin elda tede taem hem i stretem ol disaepol blong hem? (Mat. 20:25-28; 26:40, 41; Gal. 5:17; Efes. 4:29, 31, 32)
(b) ?Wanem tingting blong Jisas long man we i yusum ol tul blong faet agensem narafala? (Mat. 26:52; Luk 6:27, 28; Jon 18:36)
2. Ridim Luk 22:39-53.
?Taem wan enjel i kamtru long Jisas long garen blong Getsemane blong mekem hem i strong, samting ya i soemaot se bilif blong Jisas i stap seksek? Eksplenem. (Luk 22:41-43; Aes. 49:8; Mat. 4:10, 11; Hib. 5:7)
3. Ridim Jon 18:1-12.
?Taem ol man oli agensem Jisas, olsem wanem hem i blokem ol man ya blong oli no mekem wan samting long ol disaepol blong hem? ?Fasin ya blong hem i tijim yumi long wanem samting? (Jon 10:11, 12; 18:1, 6-9; Hib. 13:6; Jem. 2:25)
Jisas i Ded
1. ?Hu olgeta we oli gat fol moa from ded blong Jisas?
2. ?Ol aposol oli mekem wanem taem ol lida blong skul oli holem Jisas?
3. ?Wanem i hapen long haos blong hae pris Kaeafas?
4. ?From wanem Pita i gowe mo i krae?
5. ?Afta we oli tekem Jisas i gobak long Paelet, ol jif pris oli singaot strong oli talem wanem?
6. ?Long Fraede aftenun oli mekem wanem long Jisas? ?Jisas i mekem wanem promes long man blong brekem loa we i hang long pos klosap long hem?
7. ?Paradaes we Jisas i tokbaot bambae i stap wea?
Sam narafala kwestin:
1. Ridim Matiu 26:57-75.
?Ol memba blong hae kot blong ol man Jiu oli mekem wanem we i soem se tingting blong olgeta i rabis? (Mat. 26:59, 67, 68)
2. Ridim Matiu 27:1-50.
?From wanem yumi save talem se Judas i no rili harem nogud from sin we hem i mekem? (Mat. 27:3, 4; Mak 3:29; 14:21; 2 Kor. 7:10, 11)
3. Ridim Luk 22:54-71.
?Wanem lesen we yumi lanem from fasin blong Pita blong giaman se hem i no save Jisas, long naet we ol enemi oli holem Jisas? (Luk 22:60-62; Mat. 26:31-35; 1 Kor. 10:12)
4. Ridim Luk 23:1-49.
?Jisas i mekem wanem taem ol man oli mekem i no stret long hem? ?Yumi lanem wanem lesen from? (Luk 23:33, 34; Rom 12:17-19; 1 Pita 2:23)
5. Ridim Jon 18:12-40.
Blong smoltaem, Pita i lusum stret tingting from we hem i fraet long man, be biaen hem i kamgud bakegen mo i kam wan nambawan aposol. ?Samting ya i soemaot wanem long yumi? (Jon 18:25-27; 1 Kor. 4:2; 1 Pita 3:14, 15; 5:8, 9)
6. Ridim Jon 19:1-30.
(a) ?Olsem wanem Jisas i soem se hem i gat stret tingting long saed blong ol sas samting? (Jon 2:1, 2, 9, 10; 19:23, 24; Mat. 6:31, 32; 8:20)
(b) ?Olsem wanem ol lastok blong Jisas bifo we hem i ded i soemaot klia se hem i bin stanap strong long saed blong Jeova? (Jon 16:33; 19:30; 2 Pita 3:14; 1 Jon 5:4)
Jisas i Laef Bakegen
1. ?Woman long pija ya, hem i hu? ?Hu ya tufala man ya? ?Trifala ya i stap wea?
2. ?From wanem Paelet i talem long ol pris blong oli putum ol soldia oli stap gad long gref blong Jisas?
3. ?Long namba tri dei afta we Jisas i ded, long eli moning, wan enjel i mekem wanem? ?Ol pris oli mekem wanem?
4. ?From wanem sam woman we oli go long gref blong Jisas oli sapraes tumas?
5. ?From wanem Pita mo Jon tufala i resis i go long gref blong Jisas? ?Tufala i faenem wanem long ples ya?
6. ?Wanem i hapen long bodi blong Jisas? ?Jisas i mekem wanem blong soemaot long ol disaepol blong hem se hem i laef bakegen?
Sam narafala kwestin:
1. Ridim Matiu 27:62-66 mo 28:1-15.
?Taem Jisas i laef bakegen, olsem wanem ol jif pris, ol Farisi, mo ol elda oli mekem sin agens long tabu spirit? (Mat. 12:24, 31, 32; 28:11-15)
2. Ridim Luk 24:1-12.
?Olsem wanem samting we i kamaot taem Jisas i laef bakegen, i soem se Jeova i trastem ol woman olsem ol witnes we oli tok tru? (Luk 24:4, 9, 10; Mat. 28:1-7)
3. Ridim Jon 20:1-12.
?Olsem wanem Jon 20:8, 9 i soem se yumi mas gat longfala tingting taem yumi no kasem save fulwan long mining blong wan profet tok blong Baebol? (Prov. 4:18; Mat. 17:22, 23; Luk 24:5-8; Jon 16:12)
Insaed Long Rum We Oli Lokem Finis
1. ?Meri i talem wanem long man we hem i ting se i stap lukaot long plantesen blong tri ya olif? ?Wanem samting i mekem Meri i save se man ya hem i Jisas?
2. ?Wanem i hapen long tu disaepol we tufala i stap wokbaot i go long vilej blong Emeas?
3. ?Wanem narakaen samting i hapen taem tufala disaepol ya i talem long ol aposol se Jisas i kamtru long tufala long rod?
4. ?Hamas taem we Jisas i kamtru long ol man blong hem afta we hem i laef bakegen?
5. ?Tomas i talem wanem taem ol disaepol oli talem long hem se oli luk Masta finis? ?Eit dei biaen long samting ya, wanem i hapen?
Sam narafala kwestin:
1. Ridim Jon 20:11-29.
?Long Jon 20:23, Jisas i stap talem se sam man oli gat paoa blong fogivim sin blong narafala? Eksplenem. (Sam 49:2, 7; Aes. 55:7; 1 Tim. 2:5, 6; 1 Jon 2:1, 2)
2. Ridim Luk 24:13-43.
?Olsem wanem yumi save mekemrere hat blong yumi blong harem ol trutok blong Baebol? (Luk 24:32, 33; Esra 7:10, NW; Mat. 5:3; Wok 16:14; Hib. 5:11-14)
Jisas i Gobak Long Heven
1. ?Wan dei, hamas disaepol wantaem oli luk Jisas? ?Jisas i tokbaot wanem long olgeta?
2. ?Wanem ya Kingdom blong God? ?Taem Jisas i rul long heven blong wan taosen yia, bambae wol ya i olsem wanem?
3. ?Jisas i stap kamtru long ol disaepol blong hem blong hamas dei? ?Nao stret taem i kam blong Jisas i mekem wanem?
4. ?Jes bifo we Jisas i aot long ol disaepol blong hem, hem i talem long olgeta blong oli mekem wanem?
5. ?Yu luk wanem samting long pija ya? ?Wanem i hapen blong mekem se ol disaepol oli no moa luk Jisas?
Sam narafala kwestin:
1. Ridim 1 Korin 15:3-8.
?From wanem aposol Pol i save toktok wetem strong tingting long saed blong Jisas we i laef bakegen? ?Ol Kristin tede oli save toktok wetem strong tingting long saed blong wanem samting? (1 Kor. 15:4, 7, 8; Aes. 2:2, 3; Mat. 24:14; 2 Tim. 3:1-5)
2. Ridim Ol Wok 1:1-11.
?Wok blong prij i go kasem weples olsem Ol Wok 1:8 i talem? (Wok 6:7; 9:31; 11:19-21; Kol. 1:23)
Ol Disaepol Oli Wet Long Jerusalem
1. ?Olsem pija ya i soem, wanem i hapen taem ol man blong Jisas oli stap wet long Jerusalem?
2. ?Ol man we oli aot long narafala ples oli kam long Jerusalem, oli sapraes blong luk wanem samting?
3. ?Pita i eksplenem wanem long ol man?
4. ?Plante man we oli lesin long Pita oli harem olsem wanem? ?Pita i talem long olgeta blong mekem wanem?
5. ?Hamas man oli baptaes long dei blong Pentekos long yia 33 K.T.?
Sam narafala kwestin:
1. Ridim Ol Wok 2:1-47.
(a) ?Olsem wanem tok blong Pita long Ol Wok 2:23, 36 i soem se fulwan nesen blong ol man Jiu i gat fol from ded blong Jisas? (1 Tes. 2:14, 15)
(b) ?Olsem wanem Pita i soemaot rod blong pulum man blong tingting gud long Baebol? (Wok 2:16, 17, 29, 31, 36, 39; Kol. 4:6)
(c) ?Olsem wanem Pita i yusum faswan “ki blong kingdom blong heven” we Jisas i bin promes blong givim long hem? (Wok 2:14, 22-24, 37, 38; Mat. 16:19, NW )
Oli Gofri Long Kalabus
1. ?Wan dei, long aftenun, wanem i hapen taem Pita mo Jon i stap go long haos blong God?
2. ?Pita i talem wanem long man ya we leg blong hem i nogud? ?Pita i givim wanem long man ya, we i gud moa i winim mane?
3. ?From wanem ol lida blong skul oli kros tumas? ?Olgeta oli mekem wanem long Pita mo Jon?
4. ?Pita i talem wanem long ol lida blong skul? ?Wanem woning we ol aposol oli kasem?
5. ?From wanem ol lida blong skul oli jalus? ?Wanem i hapen taem ol aposol oli stap long kalabus namba tu taem?
6. ?Ol aposol oli ansa olsem wanem long hae kot ya Sanhedrin?
Sam narafala kwestin:
1. Ridim Ol Wok 3:1-10.
?Yumi no gat paoa blong mekem ol merikel tede, be olsem wanem tok blong Pita long Ol Wok 3:6 i halpem yumi blong luksave se tok blong Kingdom we yumi talemaot i gud tumas? (Jon 17:3; 2 Kor. 5:18-20; Fil. 3:8)
2. Ridim Ol Wok 4:1-31.
?Taem ol man oli agensem yumi long wok blong prij, olsem wanem yumi save folem eksampol blong ol Kristin brata blong yumi long faswan handred yia? (Wok 4:29, 31; Efes. 6:18-20; 1 Tes. 2:2)
3. Ridim Ol Wok 5:17-42.
?Long taem bifo mo naoia tu, olsem wanem sam man we oli no Witnes oli givhan long wok blong prij? (Wok 5:34-39)
Ol Man Oli Stonem Steven
1. ?Steven hem i hu? ?God i stap halpem hem blong mekem wanem?
2. ?Steven i tokbaot wanem samting we i mekem ol lida blong skul oli kros tumas?
3. ?Ol man oli tekem Steven i go afsaed long taon nao oli mekem wanem long hem?
4. ?Long pija, hu ya yangfala man ya we i stap stanap wetem ol kot?
5. ?Bifo we Steven i ded, hem i prea olsem wanem long Jeova?
6. ?Olsem wanem yumi save folem fasin blong Steven taem narafala i mekem wan nogud samting long yumi?
Sam narafala kwestin:
1. Ridim Ol Wok 6:8-15.
?Wanem ol giaman fasin we ol lida blong skul oli yusum blong traem blokem wok blong prij blong ol Witnes blong Jeova? (Wok 6:9, 11, 13)
2. Ridim Ol Wok 7:1-60.
(a) ?Wanem i givhan long Steven blong givim gudfala witnes long fored blong kot ya Sanhedrin? ?Yumi lanem wanem from eksampol blong hem? (Wok 7:51-53; Rom 15:4; 2 Tim. 3:14-17; 1 Pita 3:15)
(b) ?Yumi mas traehad blong gat wanem tingting long saed blong olgeta we oli agensem wok blong yumi? (Wok 7:58-60; Mat. 5:44; Luk 23:33, 34)
Long Rod We i Go Long Damaskes
1. ?Sol i mekem wanem afta we oli stonem Steven i ded?
2. ?Taem Sol i stap long rod i go long Damaskes, wanem narakaen samting i hapen?
3. ?Jisas i talem long Sol blong i mekem wanem?
4. ?Jisas i talem wanem long Ananaeas? ?Wanem i mekem se Sol i save lukluk bakegen?
5. ?Ol man oli singaot Sol long wanem nem? ?Jisas i yusum Sol blong mekem wanem?
Sam narafala kwestin:
1. Ridim Ol Wok 8:1-4.
?Olsem wanem ol trabol we ol man oli mekem agens long Kristin kongregesen we i jes stanap, i givhan blong mekem Kristin skul i kasem plante moa ples? ?Wanem samting i hapen long taem blong yumi we i klosap sem mak? (Wok 8:4; Aes. 54:17)
2. Ridim Ol Wok 9:1-20.
?Wanem trifala wok we Jisas i talem se Sol i mas mekem? (Wok 9:15; 13:5; 26:1; 27:24; Rom 11:13)
3. Ridim Ol Wok 22:6-16.
?Olsem wanem yumi save mekem olsem Ananaeas? ?From wanem samting ya i impoten? (Wok 22:12; 1 Tim. 3:7; 1 Pita 1:14-16; 2:12)
4. Ridim Ol Wok 26:8-20.
?Olsem wanem fasin blong Sol blong jenis i kam wan Kristin i save leftemap tingting blong ol man mo woman tede we hasban no waef blong olgeta i no stap long trutok? (Wok 26:11; 1 Tim. 1:14-16; 2 Tim. 4:2; 1 Pita 3:1-3)
Pita i Go Luk Konilias
1. ?Long pija ya, hu ya man ya we i stap bodaon?
2. ?Enjel i talem wanem long Konilias?
3. ?Taem Pita i go spel smol antap long ruf blong haos blong Saemon long Jopa, God i mekem hem i luk wanem samting?
4. ?From wanem Pita i talem long Konilias se hem i no mas bodaon mo wosipim hem?
5. ?From wanem ol disaepol we oli kam wetem Pita, we oli man Isrel, oli sapraes tumas?
6. ?Wanem bigfala lesen we yumi mas lanem from stori ya blong Pita we i go luk Konilias?
Sam narafala kwestin:
1. Ridim Ol Wok 10:1-48.
?Ol tok blong Pita long Ol Wok 10:42 oli soem wanem long saed blong wok blong talemaot gud nius blong Kingdom? (Mat. 28:19; Mak 13:10; Wok 1:8)
2. Ridim Ol Wok 11:1-18.
?Pita i soem wanem tingting taem hem i luksave se Jeova i stap lidim hem i go long ol man we oli no laen blong Isrel? ?Olsem wanem yumi save folem eksampol blong hem? (Wok 11:17, 18; 2 Kor. 10:5; Efes. 5:17)
Timoti—Niufala Man Blong Givhan Long Pol
1. ?Hu ya yangfala man long pija ya? ?Hem i stap long wanem taon? ?Wanem nem blong mama blong hem mo bubu woman blong hem?
2. ?Timoti i talem wanem taem Pol i askem long hem blong joen wetem hem mo Saelas blong prij long ol man long ol ples farawe?
3. ?Wanem faswan taon we ol man oli singaot ol disaepol blong Jisas se ol Kristin man?
4. ?Afta we Pol, Saelas, mo Timoti i aot long Antiok, wanem sam long ol taon we tufala i go long olgeta?
5. ?Olsem wanem Timoti i givhan long Pol? ?Wanem kwestin we ol yangfala tede oli mas tingbaot?
Sam narafala kwestin:
1. Ridim Ol Wok 9:19-30.
?Olsem wanem aposol Pol i soem waes fasin taem ol man oli agensem gud nius we hem i talemaot? (Wok 9:22-25, 29, 30; Mat. 10:16)
2. Ridim Ol Wok 11:19-26.
?Olsem wanem tok blong Ol Wok 11:19-21, 26 i soem se tabu spirit blong Jeova i stap lidim wok blong prij?
3. Ridim Ol Wok 13:13-16, 42-52.
?Olsem wanem Ol Wok 13:51, 52 i soem se ol disaepol oli no letem fasin agens i slakem tingting blong olgeta? (Mat. 10:14; Wok 18:6; 1 Pita 4:14)
4. Ridim Ol Wok 14:1-6, 19-28.
?Olsem wanem tok ya ‘tufala i putum olgeta man long han blong Jeova’ i givhan long yumi blong no wari bitim mak taem yumi stap givhan long ol man we oli jes kam long trutok? (Wok 14:21-23; 20:32; Jon 6:44)
5. Ridim Ol Wok 16:1-5.
?Olsem wanem fasin blong Timoti blong letem ol man oli mekem sakomsaes long hem i makem se i impoten blong ‘mekem ol samting from gud nius’? (Wok 16:3; 1 Kor. 9:23; 1 Tes. 2:8)
6. Ridim Ol Wok 18:1-11, 18-22.
?Olsem wanem tok blong Ol Wok 18:9, 10 i soem se Jisas i stap lidim wok blong prij? ?Hemia i mekem tingting blong yumi i strong long saed blong wanem samting tede? (Mat. 28:20)
Boe We i Slip
1. ?Long pija ya, hu ya boe ya we i stap slip long graon? ?Wanem i hapen long boe ya?
2. ?Taem Pol i luk se boe ya i ded, hem i mekem wanem?
3. ?Pol, Timoti, mo olgeta we oli wokbaot wetem tufala, oli stap go wea? ?Wanem i hapen taem sip i stop smol long Maelitas?
4. ?Profet Agabus i givim wanem woning long Pol? ?Olsem wanem samting we profet ya i talem i kamtru?
Sam narafala kwestin:
1. Ridim Ol Wok 20:7-38.
(a) ?Folem tok blong Ol Wok 20:26, 27, olsem wanem yumi save talem olsem Pol se, “sipos wan long yufala i lus, be i no fol blong mi”? (Esik. 33:8; Wok 18:6, 7)
(b) ?Taem ol elda oli stap tijim kongregesen, from wanem oli mas “holemstrong tok ya we yumi save putum tingting blong yumi i stap long hem”? (Wok 20:17, 29, 30; Taet. 1:7-9; 2 Tim. 1:13)
2. Ridim Ol Wok 26:24-32.
Pol i wan sitisen blong Rom. ?Olsem wanem hem i yusum samting ya blong mekem wok blong prij we Jisas i putum long han blong hem? (Wok 9:15; 16:37, 38; 25:11, 12; 26:32; Luk 21:12, 13)
Sip i Rek Klosap Long Wan Aelan
1. ?Wanem i hapen long sip we Pol i stap long hem taem i pas long aelan blong Krit?
2. ?Pol i talem wanem long ol man long sip?
3. ?Wanem i hapen blong mekem se sip ya i brobrok?
4. ?Kapten blong ol soldia we i stap long sip ya i talem long ol man blong oli mekem wanem? ?Hamas man oli kasem sanbij?
5. ?Wanem nem blong aelan ya we oli goso long hem? ?Taem win i godaon, oli mekem wanem long Pol?
Sam narafala kwestin:
1. Ridim Ol Wok 27:1-44.
?From wanem yumi save gat strong tingting se Baebol i tru taem yumi ridim stori ya blong trip blong Pol we i go long Rom? (Wok 27:16-19, 27-32; Luk 1:3; 2 Tim. 3:16, 17)
2. Ridim Ol Wok 28:1-14.
Ol hiten man blong Molta oli sore long aposol Pol mo ol fren blong hem long sip nao ‘oli mekem i gud tumas long olgeta.’ ?Ale, ol Kristin oli mas wantem soem wanem? ?Oli mas soem fasin ya long wanem rod? (Wok 28:1, 2; Hib. 13:1, 2; 1 Pita 4:9)
Pol Long Rom
1. ?Taem Pol i stap kalabus long Rom, hem i prij long hu?
2. ?Long pija ya, hu ya man ya we i kam luk Pol mo i sidaon klosap long tebol? ?Hem i stap mekem wanem blong givhan long Pol?
3. ?Hu ya Epafrodaetas? ?Hem i karem wanem i gobak long Filipae?
4. ?From wanem Pol i raetem leta i go long gudfala fren blong hem Filimon?
5. ?Taem Pol i kamfri hem i mekem wanem? ?Biaen, wanem i hapen long Pol?
6. ?Jeova i yusum hu blong raetem ol laswan buk blong Baebol? ?Buk blong Revelesen i tokbaot wanem?
Sam narafala kwestin:
1. Ridim Ol Wok 28:16-31 mo Filipae 1:13.
?Olsem wanem Pol i yusum taem blong hem long kalabus long Rom? ?Bilif blong hem we i no seksek nating i givhan olsem wanem long Kristin kongregesen? (Wok 28:23, 30; Fil. 1:14)
2. Ridim Filipae 2:19-30.
?Wanem gudfala toktok we Pol i talem long saed blong Timoti mo Epafrodaetas? ?Olsem wanem yumi save folem eksampol ya blong Pol? (Fil. 2:20, 22, 25, 29, 30; 1 Kor. 16:18; 1 Tes. 5:12, 13)
3. Ridim Filimon 1-25.
(a) ?Pol i talem long Filimon se wanem fasin i mas pulum hem blong mekem i stret? ?Olsem wanem samting ya i save givhan long ol elda tede? (Flm. 9, NW; 2 Kor. 8:8; Gal. 5:13)
(b) ?Olsem wanem tok blong Pol long Filimon 13, 14 i soem se hem i no wantem spolem tingting blong ol narafala long kongregesen? (1 Kor. 8:7, 13; 10:31-33)
4. Ridim 2 Timoti 4:7-9.
?Olsem wanem yumi save gat strong tingting olsem aposol Pol se Jeova bambae i givim pei long yumi sipos yumi stanap strong kasem en? (Mat. 24:13; Hib. 6:10)
Rabis Fasin Bambae i Finis
1. ?From wanem Baebol i tokbaot ol hos long heven?
2. ?Wanem nem blong faet blong God agensem ol man nogud long wol ya? ?Faet ya bambae i mekem wanem?
3. ?Pija ya i soem se hu nao i lidim faet ya? ?From wanem hem i werem hat blong king? ?Wanem mining blong naef blong faet we hem i karem?
4. Traem lukluk bak long Stori 10, 15 mo 33, nao talem: ?From wanem yumi no sapraes se bambae God i spolem ol rabis man long wol ya?
5. ?Olsem wanem Stori 36 mo Stori 76 oli soem se God bambae i spolem ol man nogud nating se ol man ya oli stap talem se oli mekem wosip long Hem?
Sam narafala kwestin:
1. Ridim Revelesen 19:11-16.
(a) ?Olsem wanem Baebol i mekem i klia se Jisas Kraes nao i sidaon long waet hos ya? (Rev. 1:5; 3:14; 19:11; Aes. 11:4)
(b) ?Olsem wanem blad we i stap long klos blong Jisas i soemaot se bambae hem i win fulwan long faet ya? (Rev. 14:18-20; 19:13; Aes. 63:1-6)
(c) ?Ating hu ya sam long ol soldia we oli folem Jisas taem i raed i go long waet hos? (Rev. 12:7; 19:14; Mat. 25:31, 32)
Niufala Paradaes Long Wol
1. ?Baebol i talem se Paradaes long wol ya bambae i olsem wanem?
2. ?Baebol i mekem wanem promes long olgeta we bambae oli stap long Paradaes ya?
3. ?Wetaem bambae Jisas i mekem nambawan jenis ya i kamaot?
4. ?Taem Jisas i stap long wol, hem i mekem wanem blong soem samting we bambae hem i mekem olsem King blong Kingdom blong God?
5. ?Jisas mo olgeta we oli rul wetem hem long heven, bambae oli meksua long wanem samting long saed blong ol man long wol ya?
Sam narafala kwestin:
1. Ridim Revelesen 5:9, 10.
?From wanem yumi save sua se ol king mo pris we oli rul long yumi blong Wan Taosen Yia bambae oli gat sore mo oli kasem save long filing blong yumi? (Efes. 4:20-24; 1 Pita 1:7; 3:8; 5:6-10)
2. Ridim Revelesen 14:1-3.
Nem blong Papa mo nem blong Smol Sipsip ya i stap long fes blong ol 144,000. ?Wanem mining blong samting ya? (1 Kor. 3:23; 2 Tim. 2:19; Rev. 3:12)
?Yumi Mas Mekem Wanem Blong Laef Olwe?
1. ?Sipos yumi wantem laef olwe yumi mas save hu?
2. ?Smol gel ya mo tufala fren blong hem long pija, trifala i soem se yumi mas mekem wanem blong save Jeova God mo Jisas?
3. ?Yu yu luk wanem narafala buk long pija ya? ?From wanem yumi mas ridim Baebol oltaem?
4. ?Blong laef olwe, yumi mas save Jeova mo Jisas, mo yumi mas mekem wanem bakegen?
5. ?Stori 69 i tijim yumi long wanem samting?
6. ?Long Stori 55, wanem gudfala eksampol we smol Samuel i soem?
7. ?Olsem wanem yumi save folem eksampol blong Jisas Kraes? ?Sipos yumi mekem olsem, bambae yumi save kasem wanem long fiuja?
Sam narafala kwestin:
1. Ridim Jon 17:3.
?Olsem wanem Baebol i soem se taem yumi save Jeova God mo Jisas Kraes, hemia i no minim nomo se yumi fulumap hed blong yumi wetem ol save? (Mat. 7:21; Jem. 2:18-20; 1 Jon 2:17)
2. Ridim Ol Sam 145:1-21.
(a) ?Wanem ol samting we yumi save presem Jeova from? (Sam 145:8-11; Rev. 4:11)
(b) ?Olsem wanem Jeova i “mekem i gud tumas long yumi evriwan”? ?Olsem wanem samting ya i mas pulum yumi blong kam klosap moa long hem? (Sam 145:9; Mat. 5:43-45)
(c) ?Sipos yumi lavem Jeova, bambae yumi wantem mekem wanem? (Sam 119:171, 172, 175; 145:11, 12, 21)