Rid Gud

1 Timoti 4:13

?I MINIM WANEM? Yu ridim stret ol tok we i stap long pej, wetem wan voes we i laod.

?OLSEM WANEM BLONG MEKEM?

• Rere gud. Tingbaot from wanem oli raetem ol tok ya. Lanem blong ridim plante wod wantaem, i no wanwan nomo. Lukaot gud se yu no ademap, mestem, o jenisim sam wod. Respektem ol koma, fulstop, mo kwestin mak.

• Talem gud ol wod. Sipos yu no save olsem wanem blong talem wan wod, lesin long wan rikoding o askem long wan man we i rid gud.

• Toktok klia. Toktok slo mo talem klia ol wod. Leftemap hed mo openem gud maot blong yu. Traehad blong talem gud evri haf blong wan wod.