MEKEM DISAEPOL
LESEN 12
Gat Strong Tingting
Stamba Trutok: “Taem wan man i tok stret long yu blong givim advaes, hemia i save mekem se yutufala i kam gudfala fren sem mak olsem we oel mo insens i mekem hat blong man i glad.”—Prov. 27:9.
?Jisas i Mekem Wanem?
1. Wajem VIDEO, o ridim Mak 10:17-22. Biaen askem ol kwestin ya:
?Wanem ol gudfala fasin we maet Jisas i luk long yangfala haeman ya?
?From wanem Jisas i nidim blong gat lav mo strong tingting?
?Yumi Lanem Wanem Long Eksampol Blong Jisas?
2. Yumi mas soemaot lav mo eksplenem klia long studen samting we hem i mas mekem blong i save kam klosap long Jehova.
Folem Eksampol Blong Jisas
3. Halpem studen blong yu blong putum ol mak mo kasem.
Yusum bokis ya “Nekis Step” we i stap long en blong evri lesen blong !Enjoem Laef Olwe!
Halpem studen blong i kasemsave samting we hem i mas mekem blong i kasem sam mak naoia mo long fiuja.
Talem gudfala toktok oltaem long studen taem hem i stap gohed gud.
4. Luksave ol samting we oli stap blokem studen blong i gohed gud, mo halpem hem blong i winim.
Askem yu wan se:
‘Sipos studen i no gohed gud kasem mak ya blong baptaes, ?wanem nao i blokem hem?’
‘?Mi save mekem wanem blong halpem hem?’
Prea blong yu gat strong tingting mo yu eksplenem long kaen fasin samting we studen i mas mekem.
5. Stopem stadi sipos studen i no traehad blong kasem ol mak.
Blong luksave se studen i stap gohed gud o nogat, askem yu wan se:
‘?Studen blong mi i stap folem samting we hem i lanem?’
‘?Hem i stap joen long ol miting mo i stap serem trutok long ol narafala?’
‘Sipos hem i stadi longtaem finis, ?hem i wantem kam wan Witnes blong Jehova?’
Taem studen i no traehad blong kasem eni mak:
Askem hem blong i tingbaot se wanem nao i stap blokem hem.
Eksplenem gud long hem from wanem bambae yutufala i stop stadi.
Letem hem i save samting we hem i mas mekem, sipos hem i wantem se yutufala i stadi bakegen long fiuja.