Plante Milyan Man Bambae Oli Go—?Olsem Wanem Long Yu?

?Oli stap go wea? Oli go long miting blong tingbaot ded blong Jisas Kraes, we i kamaot wan taem evri yia. Long 1996, i gat 12,921,933 man oli stap long miting ya long olgeta ples blong wol.

?From wanem ol man oli go long miting ya? From we ded blong Jisas i gat bigfala mining long laef blong olgeta man long wol. Hem i minim se bambae oli fri long ol sik, ol trabol we oli safa from, mo ded. Mo tu, olgeta fren mo famle we oli ded bambae oli laef bakegen long wol ya we i kam Paradaes.

?Olsem wanem nao, ded blong Jisas Kraes i save karem ol blesing olsemia i kam long ol man? Mifala i singaot yu blong kam faenemaot ansa blong kwestin ya. Ol Wetnes blong Jeova oli welkamem yu blong kam joen wetem olgeta long impoten taem ya.

Kam long Haos Kingdom we i stap kolosap long haos blong yu. Long yia ya, dei blong miting ya hemia Sande, Maj 23, afta we san i godaon. Blong save stret taem blong miting ya, traem askem ol Wetnes blong Jeova long ples blong yu.