Rid Gud Wetem Ol Pikinini Blong Yu

Wan niuspepa blong Brasil (Veja) i talem se ol pikinini we papa mama blong olgeta oli ridim plante buk, i klia nomo we olgeta tu bambae oli laekem ol buk, bitim olgeta we papa mama i no soemaot rod olsem long olgeta. Martha Hoppe, wan woman we i stadi olsem wanem ol pikinini oli lanem ol niu samting, i talem se: “Taem papa mama i rid wanples wetem ol pikinini, i isi moa blong olgeta oli frengud tugeta, mo blong ol pikinini oli lan moa from ol buk ya.”

Taem yu ridimaot ol tok blong wan buk long ol pikinini, oli save askem kwestin. Mo tu, yu save storeyan long ol pija we oli joen long ol tok. Misis Hoppe i talem se: “Taem wan pikinini i kasem gud save finis long wan buk, bambae tingting blong hem i kam strong moa blong lukluk long ol buk taem hem i gat wan kwestin.”

Plante papa mama we oli Witnes blong Jeova oli laekem blong ridim buk wetem ol pikinini blong olgeta. Oli save ridim ol buk olsem My Book of Bible Stories, Listening to the Great Teacher, mo Man We i Hae Moa Long Olgeta Man.a Ol buk olsem oli halpem ol pikinini blong oli save rid gud, mo tu bambae oli laekem moa Baebol, we i nambawan buk long wol. From samting ya, sipos yu yu wan papa no wan mama, yu mas soemaot rod ya long pikinini blong yu. Yu mas strong blong ridim Baebol. (Josua 1:​7, 8) !Mo yu mas traehad blong tekem taem blong mekem riding long olgeta!

[Futnot]