STADI LONG WIK BLONG

WAJTAOA STADI

▪ !Tingting Blong Yu i Mas Strong, Jehova i Stap Wetem Yu!

Plante man we Baebol i tokbaot olgeta, oli soemaot strong bilif mo strong tingting. Taem yumi tingbaot stori blong olgeta, bilif blong yumi tu i save kam strong mo yumi save mekem tingting blong yumi i strong blong mekem wok blong Jehova. Stadi ya i soemaot stamba vas blong yia 2013.

▪ Yu No Go Longwe Long Jehova

▪ Yu Mas Kam Klosap Long Jehova

I gat plante samting we i hapen long laef blong yumi, we yumi no jusum. Yumi no save jusum papa mo mama blong yumi, yumi no save jusum ol brata mo sista blong yumi, mo yumi no save jusum ples we yumi wantem bon long hem. Be fasin blong yumi blong fren wetem Jehova, hemia wan samting we yumi save jusum. Yumi save jus se bambae yumi kam klosap long hem no nogat. Tufala stadi ya bambae oli tokbaot seven samting we yumi mas lukaot se oli no pulum yumi i go longwe long Jehova.

▪ Yumi Mekem Wok Blong God We Yumi No Sore From

Plante taem yumi harem nogud from wan samting we yumi bin mekem, no maet yumi harem nogud from wan samting we yumi no bin mekem. Be yumi no mas letem ol tingting ya oli mekem yumi harem nogud tumas, nao yumi no moa mekem wok blong God. Long stadi ya bambae yumi tokbaot aposol Pol. Hem i soemaot wan gudfala eksampol long yumi blong yumi gohed blong mekem wok blong Jehova, mo yumi no harem nogud long samting we i pas finis.

▪ Ol Elda Oli Wok Wetem Yumi Blong Mekem Yumi Glad

Taem Pol i raetem namba tu leta blong hem i go long ol Kristin long Korin, hem i talem se: “Mifala i wantem wok wetem yufala, blong mekem yufala i harem gud.” (2 Kor. 1:24) ?Ol elda long kongregesen oli save lanem wanem long tok blong Pol? ?Yumi wanwan i save mekem wanem blong i gat glad long kongregesen? Stadi ya bambae i ansa long ol kwestin ya.