STADI LONG WIK BLONG

WAJTAOA STADI

▪ Yumi Mas Mekem Wok Ya Blong Talemaot Gud Nius

Stadi ya bambae i soemaot from wanem yumi mas talemaot gud nius long ol man. Mo tu stadi ya bambae i givhan long yumi, olsem wanem blong mekem gud wok ya blong talemaot gud nius.

▪ ?Yu Yu “Strong Blong Mekem Ol Gudfala Samting”?

Stadi ya bambae i soemaot tu rod olsem wanem ‘strong tingting we yumi gat blong mekem ol gudfala samting,’ i save givhan long yumi blong pulum ol man oli kam long Jehova. (Taetas 2:14) Wan rod blong mekem olsem, hemia taem yumi mekem wok ya blong talemaot gud nius. Mo narafala rod , hemia taem yumi mekem ol gudfala fasin.

▪ Fasin Blong Toktok Gud Tugeta i Mekem Mared i Stap Strong

▪ Ol Papa Mo Mama, Mo Ol Pikinini, Yufala i Mas Toktok Gud

Fasin blong toktok gud wanples i impoten blong mekem mared i hapi mo i mekem famle i harem gud. Fas stadi i soemaot ol gudfala fasin we i givhan long yumi blong toktok gud wanples. Namba tu stadi i soemaot olsem wanem blong winim ol samting we oli save blokem ol pikinini blong oli toktok gud wetem ol papa mo mama blong olgeta.

▪ Yu Mas Lukaotgud Long Presen Ya We God i Putum i Stap Blong Yu

?Wanem presen ya we God i putum i stap blong ol Kristin? ?Yumi save lanem wanem long stori blong Esao? ?Wanem ol samting we oli save givhan long yumi blong mekem ol desisen we oli waes, long saed blong presen we God i putum i stap blong yumi? Bambae yumi faenem ansa blong ol kwestin ya long stadi ya.