STADI LONG WIK BLONG

Moses i bilif strong long God, nao i olsem we hem i luk Jehova. Tufala stadi ya bambae oli tokbaot ol samting we yumi mas mekem, blong yumi folem fasin blong bilif blong Moses, mo blong yumi ‘gohed olwe nomo, olsem we yumi luk God ya we man i no save luk.’—Hib. 11:27.

Plante man no woman oli go ovasi blong lukaot wok, mo oli livim pikinini i stap wetem woman no man blong olgeta. ?Jehova i wantem se yumi gat wanem tingting long wok blong yumi long famle? ?Hem i givhan long yumi olsem wanem blong yumi mekem gud wok ya? Tufala stadi ya bambae i ansa long ol kwestin ya.

Baebol i talem se Jehova i luk ol samting we oli stap “long evri ples.” ?Hemia i min se hem i stap wajem yumi blong luk sipos yumi brekem ol loa blong hem? ?Yumi mas fraet long hem? (Prov. 15:3) Long stadi ya, bambae yumi luk faef samting we Jehova i mekem blong lukaot gud long yumi.