STADI LONG WIK BLONG

Long stadi ya bambae yumi tokbaot sam risen we oli soemaot from wanem ol man oli talem se ol Witnes blong Jehova oli gat trutok, mo from wanem ol Witnes oli bilif se olgeta nao oli stap holem trutok.

Yumi evriwan yumi stap fesem ol trabol, from we yumi laef long wol ya we Setan i bos long hem. Be sam trabol oli kasem yumi stret, we oli traem bilif blong yumi. Be sam narafala trabol oli kasem yumi sloslo. Taswe stadi ya bambae i givhan long yumi blong luksave ol samting we Setan i mekem blong bilif blong yumi i kam slak. Mo tu, stadi ya i givhan long yumi blong rere from ol samting ya we Setan i save mekem.

Ol papa mo mama oli gat wok blong tijim ol pikinini blong olgeta long trutok. (Efesas 6:4) Long stadi ya bambae yumi tokbaot tri rod we ol papa mo mama oli save folem blong tijim gud pikinini blong olgeta, mo givhan long olgeta blong oli lavem Jehova.

Ol trabol we oli mekem man i ded, mo ded tu, oli mekem ol man oli harem nogud tumas. ?From wanem ol man oli ded? ?Olsem wanem ‘God bambae i winim las enemi ya ded’? (1 Korin 15:26) Ansa blong ol kwestin ya bambae i soemaot se fasin blong Jehova i stret, hem i waes, mo antap long hemia hem i gat lav.

Bifo mo tede tu, plante man blong God oli wok strong blong mekem wok blong hem fultaem. ?Yumi save mekem wanem blong yumi ‘tingbaot fasin blong olgeta we i soemaotgud bilif blong olgeta,’ mo ‘hadwok blong olgeta we i soemaot se oli lavem God tumas’? —1 Tesalonaeka 1:3.