STADI LONG WIK BLONG

Sipos yumi tingting dip long ol blesing blong yumi mo yumi glad long olgeta, bambae yumi wantem talem tangkiu long Jehova. Yumi mas luksave ol samting we Jehova i mekem long yumi, nao bambae yumi no foget blong talem tangkiu mo bambae yumi stanap strong taem yumi kasem trabol. Stamba vas blong yia 2015 bambae i mekem yumi tingbaot samting ya long fulyia.

Stadi ya i tokbaot risen from wanem yumi go long Memoriol blong ded blong Jisas, i talem mining blong bred mo waen, mo i eksplenem olsem wanem man i save sipos hem i gat raet blong kakae bred mo dring waen. Stadi ya bambae i mekem yumi save ol samting we yumi wanwan i mas mekem blong rere from Kakae blong Masta.

Ol man mo woman we oli mared oli mas blokem ol samting blong wol we oli save pulum olgeta. Jehova i save givhan long yumi blong yumi gat wan mared we i stanap strong mo i hapi. Fas stadi i tokbaot 5 samting we yumi mas mekem blong yumi save gat wan mared we i stanap strong mo i stap longtaem. Seken stadi i tokbaot olsem wanem blong lukaot gud long mared.

?Tru lav blong man wetem woman i olsem wanem? ?Lav ya i save stap olwe? ?Tufala i soemaot tru lav olsem wanem? Yu save luk ol samting we Sing blong Solomon i tijim yumi long hem, long saed blong lav we i tru mo i stap olwe.