STADI LONG WIK BLONG

Ol man blong Jehova oli harem gud long wan pis we i spesel, taem oli joen long ogenaesesen blong Jehova we i stap long wol. ?Olsem wanem yumi save soemaot se yumi glad blong joen long plan blong tru wosip? ?Yumi save mekem wanem blong holemtaet spesel fasin ya blong pis? Stadi ya bambae i givim ansa long ol kwestin ya.

Stadi ya bambae i tokbaot sam long ol bigbigfala samting we bambae oli hapen long fiuja. Mo tu, bambae yumi lanem from wanem i impoten we yumi trastem Jehova fulwan, long taem blong bigfala trabol.

Plante man long wol tede, oli obei moa long kantri blong olgeta, no kalja blong olgeta. Be yumi no olsem, yumi promes blong obei long Jehova. Long stadi ya, bambae yumi tokbaot from wanem yumi no joen long wol, mo olsem wanem yumi save trenem tingting blong yumi, long fasin we Jehova mo Jisas tufala i wantem.

Long olgeta ples long wol, ol man blong Jehova oli joen long ol Haos Kingdom, blong oli mekem wosip long God. Long stadi ya, bambae yumi tokbaot ol rul blong Baebol we oli save givhan long yumi blong respektem ol Haos Kingdom. Mo olsem wanem blong givhan blong bildim ol Haos Kingdom, mo lukaot gud long olgeta long fasin we i leftemap nem blong Jehova.