STADI LONG WIK BLONG

Long tufala stadi ya, yumi tokbaot olsem wanem ol man blong Jehova oli save kam klosap moa long hem, gogo oli kam bigman olsem Kraes. Mo tu, bambae yumi kasem save olsem wanem blong trenem yumi blong haremsave samting we i stret mo samting we i no stret, mo olsem wanem fasin ya i save givhan long yumi blong yumi mekem ol gudfala desisen.

Stori blong Pita we i traem blong wokbaot antap long solwota long Lugun blong Galili, i tijim yumi olsem wanem blong gat strong bilif. Stadi ya i tokbaot ol saen we oli soemaot se bilif blong yumi i slak, mo samting we yumi mas mekem blong kam strong bakegen.

Taem Jehova i lavem yumi mo yumi lavem hem, yumi harem gud tumas. Long tufala stadi ya, bambae yumi tokbaot olsem wanem Jehova i soemaot se hem i lavem yumi, mo olsem wanem yumi soemaot se yumi lavem hem.