Advaes

◼ Ol buk we yumi seremaot long Ogis: Yumi save seremaot eniwan long ol buklet ya we oli gat 32 pej, blong 40 VT: Speret Blong Ol Dedman, ?God i Rili Kea Long Yumi?, Ol Wetnes Blong Jeova​—Oli Joengud Blong Mekem Wok Blong God Long Olgeta Ples Blong Wol, !Yu Yu Save Harem Gud Blong Olwe Long Wol!, Gavman Ya We Bambae i Mekem Paradaes, ?Wanem Samting We God i Wantem Yumi Blong Mekem?, ?Wanem Bambae i Hapen Long Yumi Taem Yumi Ded?, mo Taem Wan We Yu Laekem Hem Tumas i Ded. Septemba: Save Blong Lidim Yu Long Laef We i No Save Finis blong 130 VT. Oktoba: Sabskripsen blong Wajtaoa blong 600 VT wan yia no 300 VT 6 manis. Novemba: ?Wanem Samting We God i Wantem Yumi Blong Mekem? no Save Blong Lidim Yu Long Laef We i No Save Finis.

◼ Long olgeta kantri i gat sam dei blong yia we oli holide, nao ol pikinini oli no gat skul mo ol wokman tu oli fri, oli no wok. Hemia sam gudfala jans we yumi save tekem long kongregesen blong joen moa long wok blong prij. Ol elda oli save mekem plan bifo, blong ol pablisa blong kongregesen oli save prij tugeta long ol holide ya, mo oli save talem long kongregesen ol ples mo taem blong ol spesel miting blong prij ya long ol dei olsem.

◼ Evri kongregesen wanwan bambae i kasem trifala pepa blong kaontem ol buk mo magasin (S-18). Taem we manis Ogis i stat, Sekretari bambae i save mitim brata we i lukaot long ol buk, blong putum wan dei blong kaontem olgeta buk we oli stap long stok blong kongregesen long en blong manis ya. Oli mas kaontem olgeta buk we oli stap long stok. Nao oli save raetem ol total namba long pepa blong kaontem ol buk. Sem mak long ol magasin, brata we i lukaot long ol magasin bambae i kaontem olgeta magasin long stok. Afta, plis yufala i mas sanem faswan pepa ya i go long Sosaeti long Septemba 6. Nambatu pepa we i kabon kopi blong hem, yufala i holem i stap wetem ol pepa blong kongregesen. Nambatri pepa, hem i draf pepa nomo, yufala i save yusum hem taem yufala i kaontem ol buk. Sekretari i mas lukaot long wok blong kaontem ol buk, mo presiden elda i mas jekem pepa ya fulwan bifo we hem i go long Sosaeti. Sekretari mo presiden elda, tufala nao i mas saenem pepa ya.

◼ Long manis Septemba, ol kongregesen oli save stat odarem ol 2000 Calendar of Jehovah’s Witnesses long Engglis mo Franis.

◼ Ol Niufala Buk:

Watch Tower Publications Index, 1998 ​—⁠Engglis

Annuaire 1999 des Témoins de Jéhovah ​—⁠Franis

◼ Niufala Video Kaset:

Noé​—⁠Il marchait avec Dieu ​—⁠Franis