Pepa Blong Lukluk Bakegen Ol Poen Blong Tiokratik Skul
Yumi klosem ol buk blong lukluk ol poen we Tiokratik Skul i storebaot long ol wik bitwin Mei 3 mo Ogis 23, 1999. Yusum wan spesel pepa blong raetemdaon ansa blong yu. Traem ansa long olgeta kwestin we yu save ansarem long taem blong miting ya.
[Not: Long taem blong lukluk bakegen ol poen blong Tiokratik Skul, yu save yusum Baebol nomo. Ol refrens we oli stap biaen long ol kwestin, yu save yusum olgeta long haos blong yu. Ating sam refrens i no givim namba blong olgeta pej mo haf blong Wajtaoa.]
Raetem “Tru” no “Giaman” biaen long ol tok ya:
1. Blong stretem ol pikinini long fasin we i stret, ol papa mama oli no mas sakemaot ol rul blong Baebol. [fy pej 108 haf 14]
2. Stamba tok blong ful Baebol, hemia se Jeova i leftemap hae rul blong hem, tru long Kingdom ya we “laen” we Jeova i promes, i rul long hem. (Jen. 3:15) [si pej 17 haf 30]
3. I no gat plante samting we man i faenem long graon mo narafala samting afsaed long Baebol we oli pruvum se ol stori blong buk blong Eksodas oli tru. [si pej 20 haf 4]
4. Olgeta we oli laef long ol ples we oli pua tumas oli no naf blong givim presen mane blong sapotem ol wok blong Kingdom. [w97 9/15 pej 5 haf 8]
5. Pembak kaon long ol papa mama mo ol bubu, i wan haf long wosip blong yumi we i go long Jeova. (1 Tim. 5:4) [w97 9/1 pej 4 haf 1-2]
6. Fastaem, Sabat dei i wan saen bitwin Jeova mo olgeta nesen. [Baebol riding blong wik; lukluk rs pej 345 haf 3 long Engglis mo rs pej 343 haf 3 long Franis.]
7. Taem wan pikinini i kam bigwan naf blong mekem ol prapa disisen blong hem, hem nao i mas karem frut blong enikaen nogud fasin we hem i mekem, i tru moa long saed blong loa blong God. (Rom 14:12) [fy pej 135 haf 17]
8. Moses i raetem buk blong Levitikas long yia 1513 B.K.T. [si pej 25 haf 3-4]
9. Ol tok blong Jisas we oli stap long Luk 21:20, 21 oli kamtru long 66 K.T. taem ol ami blong Rom we Jenerol Taetas i lidim olgeta, oli ronwe long Jerusalem. [w97 4/1 pej 5 haf 3-4]
10. Tijing blong Epicurus i wan denja long ol Kristin, from we 1 Korin 15:32 i soemaot se tijing ya i kamaot long tingting we i no soem bilif. [w97 11/1 pej 24 haf 5]
Ansa long ol kwestin ya:
11. ?Yumi lanem wanem from loa ya, long Levitikas 3:17, we i putum tabu long fasin blong kakae gris blong anamol? [Baebol riding blong wik; lukluk w84 2/15 pej 29 haf 2 long engglis mo w84 5/15 pej 27 haf 4 long franis.]
12. ?From wanem Jeova i letem Setan i laef i stap? (Eks. 9:15) [Baebol riding blong wik; lukluk w92 3/15 pej 10 haf 14.]
13. Taem wan memba blong famle i sik bigwan, ?wanem impoten samting we famle i mas mekem blong makemaot ol samting we oli impoten moa? (Prov. 15:22) [fy pej 122 haf 14]
14. ?Long wanem rod, nesen blong Isrel i stap olsem wan “kingdom blong pris”? (Eks. 19:6, NW) [Baebol riding blong Wik; lukluk w95 7/1 pej 16 haf 8.]
15. ?Olsem wanem wan ae we i “gud” hem i defren long ae we i “nogud”? (Mat. 6:22, 23) [w97 10/1 pej 26 haf 6]
16. ?I stret blong talem se Deved i wokbaot wetem ‘fasin we i stretgud mo tok blong hem i tru oltaem,’ nating se hem i mekem plante mastik? (1 King 9:4) [w97 5/1 pej 5 haf 2]
17. ?Eksampel blong ol man Isrel we oli ‘mekem stret olsem God i talem’ blong wokem haos tapolen, i saen blong wanem nambawan wok tede? (Eks. 39:32) [Baebol riding blong wik; lukluk w95 12/15 pej 12 haf 9]
18. Jeova i soemaot wanem long saed blong hem wan, taem hem i talemaot hem wan olsem, “Mi Stap We Mi Stap”? (Eks. 3:14) [Baebol riding blong wik; lukluk w95 3/1 pej 10 haf 6]
19. ?Stori blong Levitikas 10:1, 2 long saed blong trabol we Nadab mo Abihu tufala i kasem, i tijim wanem long yumi? [Baebol riding blong wik; lukluk w84 2/15 pej 29 haf 3 long Engglis mo w84 5/15 pej 27 haf 4 long Franis.]
20. ?Aninit long Loa blong Moses, from wanem woman i “no klin” taem hem i bonem wan pikinini? (Lev. 12:2, 5) [Baebol riding blong Wik; lukluk w84 2/15 pej 29 haf 5 long engglis mo w84 5/15 pej 27 haf 6 long franis.]
Raetem ol stret tok long ol emti ples:
21. Nating se i no gat wan merikel blong tekemaot filing ya blong harem nogud blong stap yu wan nomo, be ․․․․․․․․ i save givim paoa long yu. Yu save kasem paoa ya taem yu stap ․․․․․․․․ oltaem. (1 Tim. 5:5) [fy pej 113 haf 21]
22. Wan nogud samting i save kamaot long laef blong yumi from ․․․․․․․․ no from ․․․․․․․․ [w97 5/15 pej 22 haf 7]
23. Buk blong Eksodas i soemaot se Jeova i nambawan ․․․․․․․․ hem i ․․․․․․․․ mo ․․․․․․․․ [si pej 24 haf 26]
24. Samting we yumi mekem ․․․․․․․․ i soemaot moa bitim ․․․․․․․․ se yumi rili wanem kaen man long hat blong yumi. [w97 10/15 pej 29 haf 3]
25. Sipos ol lafet blong karem kakae long garen oli joen long sam ․․․․․․․․ no ․․․․․․․․ ol trufala Kristin oli lukaot blong ․․․․․․․․ long enikaen wosip we i no klin olsemia. [w97 9/15 pej 9 haf 6]
Putum wan mak aninit long stret tok:
26. Ol “fo handred yia” blong hadtaem we i kasem laen blong Ebraham, i stat long taem we Ismael i jikim Aesak long (1943; 1919; 1913) B.K.T. mo i finis taem we laen ya i fri i aot long Ijip long (1543; 1519; 1513) B.K.T. (Jen. 15:13) [si pej 17 haf 31]
27. Blong wan famle i stanap strong tru long wan bigfala sik, olgeta memba blong hem oli mas holem (i naf mane; wan stret tingting; ol insurens). (Prov. 17:22) [fy pej 120 haf 10]
28. Man we i stap talem long hem wan se “i no gat God nating” Baebol i singaot hem se i “no gat hed,” i minim se man ya i (no gat ol gudfala fasin; no gat edukesen; no naf blong yusum tingting blong hem). (Sam 14:1) [w97 10/1 pej 6 haf 8]
29. Taem Adam mo Iv tufala i rebel, tufala i lusum wan samting we i impoten tumas, hemia (wan laef we i stretgud olgeta; fasin fren wetem God; garen ya we i olsem ples blong tufala), we i stamba rod blong stap glad. [w97 10/15 pej 6 haf 2]
30. Buk blong (Jenesis; Eksodas; Levitikas) i tokbaot moa fasin blong stap tabu i bitim ol narafala buk blong Baebol. [si pej 26 haf 9]
Joenem ol tok ya wetem ol vas ya:
Eks. 5:2; Eks. 21:29; Prov. 1:8; Gal. 5:20; Jem. 1:14, 15
31. Wan Kristin we i faerap long kros bakegen mo bakegen, mo maet i kilim nogud waef no pikinini blong hem tu, be i no tanem tingting blong hem from ol sin ya, Kristin kongregesen i save sakemaot hem. [fy pej 150 haf 23]
32. Samting we yumi mekem i soem samting we i stap long tingting blong yumi. [fy pej 148 haf 18]
33. Jeova God i daonem ol man we oli no wantem luksave se hem i trufala God. [Baebol riding blong wik; lukluk w92 12/15 pej 13 haf 18.]
34. Nating se Baebol i talem se papa nao i mas mekem bighaf blong wok ya blong tijim ol pikinini, be, mama tu i gat wan impoten wok blong mekem long saed ya. [fy pej 133 haf 12.]
35. Loa i talem se oli no mas sore long man we i no stap lukaotgud nao i mestem mo i kilim narafala i ded. [Baebol riding blong wik; lukluk w95 11/15 pej 11 haf 5.]