Putum Wan Saen Long Fored Blong Haos-Kingdom
1 Evri Haos-Kingdom i mas gat wan saen olsem long fored blong hem, se: “Haos-Kingdom Blong Ol Wetnes Blong Jeova.” Tok ya i mas klia, oli mas mekem ol naes leta long hem, mo samtaem oli mas klinim hem.
2 Mo tu, i gud blong kongregesen i putum ol haoa blong ol miting long saen ya. Sipos kongregesen i jenisim taem blong ol miting, oli mas jenisim ol tok long saen ya tu. Sipos i gat sam grup we i mekem miting long sam narafala lanwis long Haos-Kingdom, oli save putum ol haoa blong ol miting ya tu long hem. Mo tu oli save putum nem ya “Haos-Kingdom blong ol Wetnes Blong Jeova” long ol narafala lanwis ya. Olsem nao, bambae i isi nomo blong ol man oli save faenem ples ya we yumi mekem wosip long hem. Ol kampani blong ol elda blong ol kongregesen oli mas putum rod blong mekem saen ya, mo blong stanemap hem long fored blong Haos-Kingdom.
3 Samtaem, long saen we i stap long fored blong Haos-Kingdom, oli putum tok ya nomo, se: “Haos-Kingdom.” Tok ya i no naf, from we plante man i no save wanem ya wan Haos-Kingdom, mo hu i mekem miting long ples ya. Taswe yumi mas putum gud tok we i olsem: “Haos-Kingdom Blong Ol Wetnes Blong Jeova.” I gat sam ples long wol we plante man i save mekem trabol long ol rod afsaed, mo i no waes blong putum wan saen olsemia. From samting ya, ol elda oli save talem olsem wanem kongregesen blong olgeta i save folem ol rul ya.