Miting Blong Halpem Yumi Blong Mekem Disaepol
Wik We i Stat Long Jun 4
Sing 151.
10 mn: Lokol Mesej. Talemaot ol advaes blong Kingdom Wok Blong Yumi we oli stret long kongregesen blong yu. Talemaot bakegen ol ples we i gat miting blong prij long wiken. Mekem wan pleplei blong soemaot fasin blong yusum stampa tok blong prij mo olsem wanem yumi save seremaot ol buk long manis.
20 mn: “Yumi Mas Gat Gudhan”—Toktok wetem kwestin mo ansa. Taem yufala i kasem haf 5 mo 6 mekem wan smol pleplei blong soemaot ol advaes we i stap long Wajtaoa blong Ogis 1, 1989 mo long Reasoning buk. Askem long ol pablisa ol gud frut we oli kasem from we oli folem gud ol advaes blong ogenaesesen blong Jeova.
15 mn: “Ol Man We Tingting Blong Olgeta i Slak: ?Olsem Wanem Yumi Save Givhan Long Olgeta Blong Oli Glad Bakegen.” Tok ya i stanap long Wajtaoa blong Maj 15, 1990, pej 26 kasem 30.
Sing 178 mo laswan prea.
Wik We i Stat Long Jun 11
Sing 43.
5 mn: Lokol Mesej mo ripot blong ol kaon. Talem tangkyu long kongregesen from ol presen mane we hem i sanem long Sosaete.
10 mn: Ansa Long Wan Kwestin. Wan elda nao i givim tok ya.
15 mn: “?Olsem Wanem Blong Givhan Long Ol Yangfala”?—Toktok wetem kwestin mo ansa.
15 mn: ?Olsem wanem blong statem sam Baebol Stadi? Askem sam kwestin long 2 no 3 pablisa we oli jes statem sam Baebol-stadi. Askem long olgeta wanem kaen rod oli gudwan moa. ?Oli mekem wanem blong pulum tingting blong ol man? Mekem sam sot pleplei blong soemaot olsem wanem blong statem wan Baebol-stadi taem yumi toktok wetem wan man we yumi neva mitim bifo, no taem yumi mekem wan nyufala visit.
Sing 143 mo laswan prea.
Wik We i Stat Long Jun 18
Sing 91.
10 mn: Lokol Mesej mo Tiokratik Nyus. Talemaot long ol pablisa ol miting blong prij we kongregesen i putumap long en blong wik. Sipos yufala i gat inaf taem, yufala i save talemaot sam poen we ol pablisa oli save yusum taem oli go prij.
20 mn: “Yumi Kasem Ol Samting We Yumi Nidim Long Saed Blong Speret”—Toktok wetem kwestin mo ansa. Askem long wan papa mo wan pablisa we i no mared olsem wanem tufala i faenem taem blong kasem ol kakae long saed blong speret. Pulum tingting blong ol brata sista blong tingbaot bakegen program we oli gat mo leftemap tingting blong olgeta blong jenisim program ya sipos i gat nid.
15 mn: Tokbaot sam poen we kongregesen i mas stretem no yusum Reasoning buk, pej 437-438, (Engglis). Stampa blong tok ya i olsem, “Tingting we Ol Tru Kristin Oli Mas Gat Long Saed Blong Wol mo Ol Man we Oli Joen Long Hem.” Wan elda i mekem tok ya.
Sing 177 mo laswan prea.
Wik We i Stat Long Jun 25
Sing 213.
10 mn: Lokol Mesej. Talemaot wan no tu ekspiryens we ol pablisa oli gat, taem oli seremaot buk Your Survival. Talemaot ol buklet we kongregesen i gat long stok long manis Julae. Mekem wan smol pleplei blong soemaot olsem wanem blong givimaot wan smol buklet taem yumi prij. Leftemap tingting blong ol pablisa blong oli go prij long en blong wik.
15 mn: “Talemaot Gud Nyus:—Long Famle Blong Yumi.”—Toktok wetem kwestin mo ansa. Yufala i save askem wan no tu kwestin nomo long evri haf. Long fasin olsem, bambae yufala i gat inaf taem blong ridim evri haf we i stap.
20 mn: “Yumi Kasem Help”—Elda we i lukaot long wok blong prij i mekem tok ya. Talemaot ol blesing we ol grup blong buk-stadi oli kasem taem elda we i lukaot long wok blong prij i visitim buk-stadi blong ol. Leftemap tingting blong evriwan blong oli prij moa taem elda we i lukaot long wok blong prij i visitim buk-stadi blong olgeta.
Sing 214 mo laswan prea.