Miting Blong Halpem Yumi Blong Mekem Disaepol

Wik We i Stat Long Julae 2

Sing 174.

10 mn: Lokol mesej. Talemaot ol advaes blong Kingdom Wok Blong Yumi we oli stret long kongregesen blong yu. Tokbaot ol nyufala poen we yumi save yusum nekis Sarede taem yumi joen long wok blong seremaot magasin. Mekem tu pleplei i rere. Long tufala pleplei ya, yufala i mas tokbaot wan haf blong ol nyu magasin.

25 mn: “Talemaot Gud Nyus:—Yangfala, Yufala i Mas Givim Wan Gudfala Wetnes Long Skul.”—Toktok wetem kwestin mo ansa. Sam yangfala wetnes bambae oli mekem tri pleplei mo oli save soemaot olsem wanem blong yusum ol advaes we i stap long ol haf 4 kasem 6.

10 mn: Fasin blong seremaot ol buklet. Askem long ol brata sista ol gudfala poen we oli faenem insaed long ol buklet we kongregesen i gat long stok. Ating i moa gud sipos yufala i askem long sam gudfala pablisa blong oli rere long sam advaes.

Sing 20 mo laswan prea.

Wik We i Stat Long Julae 9

Sing 156.

10 mn: Lokol mesej mo ripot blong ol kaon. Talem tangkyu long kongregesen from ol presen mane we hem i sanem long Sosaete. Yufala i save talem long kongregesen se oli mekem i gud from we oli leftemap wok blong talemaot gud nyus blong Kingdom long evri ples long wol.

20 mn: “Yumi Givhan Long Ol Baebol-stadi Blong Yumi.”—Toktok wetem kwestin mo ansa. Taem we yufala i kasem haf 4, yufala i save mekem wan smol pleplei. Pablisa we i mekem pleplei ya i mas leftemap tingting blong Baebol-stadi blong hem blong i gohed oltaem blong kam bigwan long saed blong speret. Bambae tufala i tokbaot buklet Jehovah’s Witnesses​—Unitedly Doing God’s Will, haf 3, pej 14.

15 mn: ?Wetaem wan Baebol-stadi i save joen long minista wok? Wan elda i mekem tok ya. Bambae hem i yusum haf “Ansa Long Wan Kwestin” we i kamaot long Wajtaoa blong disemba 1, 1989, pej 31. Soemaot se fastaem tufala elda i mas toktok wetem wan nyufala disaepol blong jekemap sipos hem i nafgud blong joen long minista wok. Biaen nomo, hem i gat raet blong folem wan pablisa long minista wok. Mekem i klia se ol pikinini blong yumi oli save mekem olsem, be ol nyufala disaepol,no gat.

Sing 217 mo laswan prea.

Wik We i Stat Long Julae 16

Sing 220.

10 mn: Lokol mesej. Tokbaot ripot blong manis Epril. Talem long kongregesen se oli mekem gudfala wok. Leftemap tingting blong evriwan blong oli joen long wok blong prij long en blong wik.

20 mn: “?Bambae Yu Mekem Wanem Blong Lanem Wan Samting Long Ol Miting?” Wan elda i mekem tok ya.—Toktok wetem kwestin mo ansa. Yufala i save store moa long ol advaes we oli stret long kongregesen blong yufala. Tokbaot ol samting we kongregesen i mas stretem.

15 mn: Yumi traem luk bakegen sipos yumi gat jans blong mekem wok blong paenia. Tok ya i leftemap tingting blong ol pablisa. Brata we i mekem tok ya i askem kwestin long sam pablisa. Long Vanuatu naoia, i gat 6 fultaem paenia. Ol paenia ya oli defren, i no gat wan i sem mak long narawan. ?From wanem oli mekem wok blong paenia? Oli mekem olsem from we oli laekem Jeova mo oli laekem ol man raonabaot long olgeta. (Mat. 22:​37-39) Oli gat tingting blong pulum plante moa man blong oli sef. (1 Tim. 2:4) Oli no tingbaot olgeta fastaem, be oli mekem wok blong Kingdom nomo. (1 Korin 9:23) Tede, ‘speret blong paenia’ i wan samting we i impoten tumas. Olgeta Kristin wanwan oli mas gat tingting olsem. ?Yu yu gat tingting olsem? Sipos yufala i wantem kam paenia, yufala i mas folem rod ya: 1) Yufala i mas tokbaot bisnes ya wetem Jeova long prea. (Mat. 7:​7,8; Fil. 4:6) 2) Yufala i save tokbaot mak ya wetem samfala paenia mo elda. (Prov. 15:22) 3) Yufala i mas raetemdaon wan program mo yufala i save tingbaot ol gudfala frut we yufala i save kasem from wok ya. (Luk 14:28) 4) Putum wan dei blong statem wok blong paenia, nating se yufala i rere finis, no no gat. (Ekles. 11:4) Manis Septemba i wan gudfala manis blong statem wok blong paenia. Sipos yufala i mekem olsem, yufala i gat jans blong go long Paenia-skul long nekis yia. Toktok wetem wan no tu paenia blong save olsem wanem tufala i winim ol trabol we tufala i kasem. Brata we i mekem tok ya i mas leftemap tingting blong olgeta long kongregesen blong oli mekem wok blong paenia.

Sing 128 mo laswan prea.

Wik We i Stat Long Julae 23

Sing 39.

10 mn: Lokol mesej. Tiokratik nyus. Talemaot ol stampa poen blong haf ya “Yumi Wekap Nomo Mo Yumi Lukaotgud Long Ol Samting We Yumi Mekem.”

2O mn: “Fasin Blong Holemtaet Long God i Karem Plante Blesing Long Man”—Askem kwestin long ol brata sista. Sipos i gat naf taem, yufala i save tokbaot ol stampa poen blong haf ya wetem sam paenia.

15 mn: Tokbaot ol nid blong kongregesen. Sipos no, yufala i save mekem wan tok long Wajtaoa blong Febuwari 15, 1990, pej 21-23, “?Yufala i Wantem We God i Soemaot Gladhat Long Yufala?”

Sing 8 mo laswan prea.

Wik We i Stat Long Julae 30

Sing 10.

10 mn: Lokol mesej. Mekemrere tu pleplei, tokbaot tu haf we ol pablisa oli save yusum nekis Sarede taem oli go seremaot magasin.

15 mn: “Yumi Mekem Wok Blong Paenia From We Yumi Trastem Jeova.”—Wan elda no wan man blong givhan i tokbaot haf ya we i kamaot long Minista Wok Blong Yumi blong Febuwari 1990. Talemaot sam nambawan advaes we oli stret gud long kongregesen.

15 mn: “Yufala i Givim Wota Blong Trutok Long Ol Man Raonabaot Long Yufala.”—Tok ya i stanap long Wajtaoa blong Febuwari 15, 1990 pej 25 kasem 27.

5 mn: Talemaot sam eksperyens we oli kamaot long wok blong prij: Askem long sam pablisa olsem wanem oli statem Baebol-stadi wetem ol buklet. (Sipos i no gat rod blong mekem olsem, yufala i save tokbaot olsem wanem ol pablisa oli seremaot ol buklet long manis ya.)

Sing 169 mo laswan prea.