Miting Blong Halpem Yumi Blong Mekem Disaepol
WIK WE I STAT LONG OGIS 6
Sing 30
12 menet: Lokol mesej. Talemaot ol advaes blong Kingdom Wok Blong Yumi we oli stret long kongregesen. Ridim “Ansa Long Wan Kwestin” mo soemaot from wanem i impoten we yumi lukaot gud long ol klos, ol hea mo ol fasin blong yumi taem yumi go prij. Leftemap tingting blong ol pablisa blong go seremaot ol magasin long nekis sarede.
18 menet: “Yumi Talemaot Tok Blong God We Tingting Blong Yumi i Strong.”—Toktok wetem kwestin mo ansa. Taem we yu finisim haf 6, mekem wan pleplei we i soemaot rod blong seremaot ol buklet. Ol advaes blong haf ya oli mas kamaot gud long pleplei ya.
15 menet: “Yumi Folem Gud Tiokratik Skul Blong Mekem Minista Wok Blong Yumi i Kam Gud Moa.”—Elda we i lukaot long tiokratik skul i store wetem kongregesen long japta 19 blong School Guide Book. Eksplenem olsem wanem skul i halpem yumi blong kam gud moa long wok blong prij. Talem long olgeta we oli joen long skul se oli mas jusum sam gudfala rod mo sam gudfala poen we oli stret gud blong yusum long ples we kongregesen i prij long hem.
Sing 31 mo laswan prea.
WIK WE I STAT LONG OGIS 13
Sing 211
10 menet: Lokol mesej mo ripot blong ol kaon. Talem tangkyu long kongregesen from ol presen mane we hem i sanem long Sosaete blong sapotem wok blong prij. Sosaete i talem tangkyu from ol presen we hem i kasem. Talem long ol brata sista se oli mekem i gud from we oli stap halpem kongregesen no Sosaete long saed blong mane. Tokbaot plan we kongregesen i mekem blong go prij long Wenesdei Ogis 15, mo talemaot bakegen ol miting blong prij long en blong wik.
18 menet: “Yumi Gohed Nomo Blong Karem Moa Frut.”—Tok ya i kamaot long pepa we i stap long medel blong Kingdom Wok blong yumi. Talem wanem poen i stret long kongregesen. Soemaot from wanem yumi wanwan i mas tingbaot ol fasin blong yumi long lukluk blong Jeova.
17 menet: “?From Wanem Yumi Mas Wantem Mekem Wan Baebol-stadi?”—Toktok wetem kwestin mo ansa. Askem sam kwestin long wan paenia no long wan pablisa we i halpem wan man no fulap man gogo ol man ya oli givim laef blong olgeta long Jeova mo oli tekem baptaes. Hem i save talem olsem wanem stadi ya i halpem hem blong fren long ol man ya, mo wanem blesing hem i kasem taem hem i mekem stadi long ol man.
Sing 133 mo laswan prea.
WIK WE I STAT LONG OGIS 20
Sing 29
10 menet: Lokol mesej. Ridim ol Tiokratik Nyus. Talemaot ol stampa poen blong haf “Yumi Mekem Laef Blong Yumi i Tabu, i Klin.”—Leftemap tingting blong olgeta pablisa blong oli go prij long en blong wik.
20 menet: “Yumi Kam Naf Moa Blong Tij.”—Toktok wetem kwestin mo ansa. Jusum sam haf we oli kamaot long buk stadi no Wajtaoa stadi blong wik ya, mo soemaot long ol pablisa olsem wanem yumi save kam naf moa blong tij.
15 menet: Wan elda i tokbaot ol nid blong kongregesen. Sipos no, mekem wan tok long Wajtaoa Epril 15, 1990, pej 26-28, (Engglis mo Franis) “Yumi Stanap Strong—Yumi No Foldaon.”
Sing 191 mo laswan prea.
WIK WE I STAT LONG OGIS 27
Sing 92
7 menet: Lokol mesej. Storebaot ripot blong manis Mei mo talemaot gudfala wok we kongregesen i mekem long manis ya. Talem bakegen long ol pablisa se oli mas givimbak ol ripot blong ol long stret taem. Enkarajem evriwan blong joen long wok blong prij long en blong manis.
23 menet: “Talemaot Gud Nyus: Yumi Rere Blong Tekem Evri Jans Blong Prij”—Toktok wetem kwestin mo ansa. Taem yu finisim haf 3, yu save askem long kongregesen ol narafala rod we oli yusum blong tekem wan jans blong prij. Afta long haf 6, askem long tu pablisa blong tufala i store long ol gudfala frut we tufala i kasem from we tufala i tekem evri jans blong prij. Askem long tufala wetaem tufala i prij olsem, from wanem tufala i ting se hemia wan gudfala wei blong prij, mo ol blesing we tufala i kasem long wok blong tufala. Leftemap tingting blong evriwan blong oli talemaot gud nyus evri dei. Long en blong tok ya, soemaot bakegen we i impoten tumas we yumi tingbaot oltaem ol narafala man.
15 menet: Long manis Septemba, bambae yumi seremaot buk Yu Save Laef Foreva Long Paradaes. Givim wan tok mo mekem wan pleplei. Tokbaot ol haf blong buk ya we maet ol man oli intres long hem, ale biaen yumi seremaot buk ya long ol. Jusum wan pablisa we i naf gud. Hem i soemaot wan wei blong seremaot buk, mo olsem wanem bambae hem i yusum stampa tok blong prij. Sipos pablisa ya i gat naf taem, hem i save yusum ol haf blong buk Reasoning we oli laenap wetem stampa tok blong prij. Talemaot bakegen ol miting blong prij mo leftemap tingting blong ol pablisa blong oli joen long wok ya.
Sing 129 mo laswan prea.