Miting Blong Halpem Yumi Blong Mekem Disaepol
WIK WE I STAT LONG NOVEMBA 5
Singsing 180.
10 menet: Lokol mesej. Talemaot ol Advaes blong Kingdom Wok Blong Yumi we oli stret long kongregesen. Tokbaot ol gudfala haf we yufala i faenem long ol laswan magasin mo talem bakegen ol gudfala poen we ol pablisa oli save yusum taem oli joen long wok blong prij long wik ya. Talem long olgeta we i stap long miting se oli no mas foget blong karem buklet Ol Wetnes blong Jeova—Oli Joengud long nekis Miting blong Kingdom Wok.
20 menet: “Yumi Pulum Tingting Blong Ol Man Blong Oli Ridim Baebol.”—Toktok wetem kwestin mo ansa. Taem we yufala i mekem ol haf 3 mo 4, wan pablisa we i gat ekspiryens bambae i mekem wan pleplei blong soemaot wan fasin blong yusum nyufala stampa tok blong prij.
15 menet: New World Translation i wan gudfala Baebol. Wan elda i storeyan wetem 2 no 3 pablisa long saed blong New World Translation mo oli luk from wanem Baebol ya i gudwan. Skelem gud ol tok we komiti blong tanem tok i talem long pej 5. Soemaot from wanem ol refrens we i stap long Baebol ya oli halpem yumi bigwan, tokbaot indeks mo apendiks. Talem bakegen from wanem i impoten blong yusum Baebol ya taem yumi stadi wanwan mo taem yumi mekem rere ol miting.
Singsing 46 mo laswan prea.
WIK WE I STAT LONG NOVEMBA 12
Singsing 197.
8 menet: Lokol mesej. Mekem ripot blong ol kaon. Talem tangkyu long kongregesen fom ol presen mane we oli sanem long Sosaete. Sosaete i kasem ol mane ya mo hem i talem tangkyu long olgeta evriwan. Bambae hem i yusum ol mane ya blong mekem ol wok blong Kingdom raonabaot long wol mo bambae hem i putum wan haf blong ol mane ya long akaon blong bildim ol Haos-Kingdom. Talem tangkyu bakegen long olgeta we oli mekem presen oltaem long kongregesen blong ol.
17 menet: “Yumi Halpem Ol Studen Blong Oli Save Moa Ogenaesesen Blong Jeova.”—Toktok wetem kwestin mo ansa. Taem we yufala i gotru long haf 3, bambae wan pablisa we i gat ekspiryens i mekem wan pleplei blong soemaot olsem wanem yumi save leftemap tingting blong wan studen blong hem i joen wetem kongregesen long taem blong ol miting. Blong mekem pleplei ya, pablisa bambae i yusum ol gudfala poen we i stap long buklet Ol Wetnes Blong Jeova—Oli Joengud, pej 14 mo 15.
20 menet: “Yumi Gotru Long Ol Nyufala Buk We Yumi Kasem Long Asembli.”—Toktok wetem ol brata sista blong kongregesen. Talem sam bigfala poen blong olgeta buk wanwan. Soemaot long ol pablisa olsem wanem bambae oli save yusum ol buk ya long ples blong yufala. Oli no mas wet blong ridim olgeta.
Singsing 216 mo laswan prea.
WIK WE I STAT LONG NOVEMBA 19
Singsing 158.
5 menet: Lokol mesej. Ridim ol Tiokratik Nyus. Pulum ol pablisa blong oli joen long wok blong prij long en blong wik.
20 menet: “Yumi Givhan Long Olgeta Blong Oli Yusum Gud Tok Blong God.”—Toktok wetem kwestin mo ansa. Soemaot we yumi mas givgivhan long yumi blong kam gud moa long ol haf blong minista wok. Mekem rere wan pleplei. Long pleplei ya, wan pablisa bambae i givhan long wan studen we i nafgud blong go prij, no maet wan mama no wan papa bambae i halpem wan yangfala bifo we hem i go prij.
20 menet: Mekem wan tok we i stret long ol samting we kongregesen i nidim.
Singsing 183 mo laswan prea.
WIK WE I STAT LONG NOVEMBA 26
Singsing 49.
5 menet: Lokol mesej.
10 menet: “Talemaot Gud Nyus: Yumi Prea Plante”—Mekem tok ya long kaen gud fasin mo leftemap tingting blong evriwan. Makem gud se yumi mas prea long God blong hem i lidim yumi mo blesem minista wok blong yumi.
18 menet: Mekem wan tok we i stret long ol samting we kongregesen i nidim.
12 menet: Yumi seremaot buk Laef Foreva. Ol famle wanwan oli mas rere gud bifo we oli go long wok blong prij. Ol memba blong wan famle oli mas storeyan tugeta. Hed blong wan famle i save toktok wetem waef mo ol pikinini blong hem. Wan long ol pikinini blong hem i no gat 13 yia yet, mo narawan kolosap hem i kasem 20 yia. Papa blong famle ya i pulum tingting blong olgeta long ol gudfala advaes we i stap long haf “FAMILY/CHILDREN,” long pej 11 (FAMILLE/ENFANTS, p. 12) blong Reasoning buk. Hem i talem long olgeta se ol fas tok ya oli laenap gud wetem stampa tok blong prij blong manis. Woman blong hem i agri long tingting blong hem. Nao hasban blong hem i askem long hem olsem wanem bambae hem i yusum ol poen ya wetem stampa tok blong prij blong seremaot Laef Foreva buk. Waef blong hem i gat strong tingting se rod blong yusum stampa tok blong prij olsem bambae i wok gud long ples blong prij, from we plante famle oli gat pikinini. Woman blong hem i harem gud tumas taem wan pikinini blong hem i go wetem hem long wok blong prij mo i ridim wan vas blong stampa tok blong prij. Papa ya i askem long fasbon blong hem olsem wanem wan yang pablisa i save folem ol advaes ya. Long wok blong prij, taem wan yangfala i talem halo finis long man blong haos, hem i save askem long man ya sipos hem i gat pikinini no no gat. Mo tu, hem i save askem long man blong haos se hem i tingbaot fyuja blong ol pikinini blong hem olsem wanem. Maet afta, yang pablisa ya i save talem se tede plante moa yangfala oli kam slak from we oli ting se bambae oli no gat fyuja. Be hem wan i no olsem olgeta from we papa mama blong hem i tijim hem long ol gudfala promes we God i mekem long Baebol. Ale biaen long ol tok ya, hem i save store long stampa tok blong prij. Long saed blong narafala pikinini we i no gat 13 yia yet, papa ya i save tijim pikinini blong hem blong seremaot buk Laef Foreva no ol laswan magasin. Maet hem i save soemaot long hem olsem wanem blong seremaot ol traket taem hem i stap prij wetem papa no mama blong hem. Jeaman blong haf ya bambae i enkarajem ol papa mama blong tekem taem blong halpem ol pikinini blong ol. Long fasin olsem, bambae oli save karem gudfala frut taem oli go prij long olgeta haos wanwan.
Singsing 48 mo laswan prea.