Miting Blong Kingdom Wok Blong Epril
Wik We i Stat Long Epril 6
Singsing 163
12 menet: Lokol mesej mo ol Advaes long Kingdom Wok Blong Yumi. “?Bambae Epril i Wan Spesel Manis Long Yu?” Tokbaot poen ya se oli mas givim pepa blong mekem haftaem paenia kwiktaem. Mo tu, leftemap tingting blong ol pablisa blong prij long aftenun mo talemaot ol plan blong prij we kongregesen i mekem. Talem taem mo ples blong mekem lafet blong Memoriol.
15 menet: “Talemaot Gud Nyus Wetem Wajtaoa.” Kwestin mo ansa. Leftemap tingting blong ol brata blong oli joen long wok blong prij blong mekem ol sabskripsen.
18 menet: “Fasin Tangkyu Blong Yu Long Ded Blong Kraes.” Tok wetem pleplei. Afta long haf 9, mekem pleplei blong soemaot olsem wanem wan pablisa i save invaetem Baebol studen blong hem long Memoriol.
Singsing 167 mo laswan prea.
Wik We i Stat Long Epril 13
Singsing 29
10 menet: Lokol mesej. Ansa Long Wan Kwestin.
15 menet: “Ol Faswan Storeyan We Oli Karem Frut.” Kwestin mo ansa. Afta long haf 6, mekem wan pleplei blong soemaot olsem wanem wan pablisa i save givim mo mekem Baebol stadi wetem traket ya Laef Long Pis Blong Nyufala Wol.
20 menet: Seremaot Wajtaoa long ol haos wanwan. Wan pablisa we i gat gudhan i toktok wetem wan man blong haos, i yusum haf 4 long tok ya “Ol Faswan Storeyan We Oli Karem Frut.” Yusumgud ol tok we oli stap long Wajtaoa Epril 15, 1992, long saed blong prea. Man blong haos i intres. Pablisa i talem se: “Sabskripsen i blong 600Vatu.” Pablisa i spel smol blong mekem man i tingting long ol tok blong hem. Man blong haos i talem se hem i glad blong ridim magasin mo hem i wantem wan sabskripsen. Pablisa i givimaot ol magasin long man blong haos long 30Vatu mo i talem se bambae hem i kambak blong tokbaot ol poen we oli stap insaed. Man blong haos hem i agri. Afta long pleplei ya, jeaman i askem ol man we oli lesin from wanem i gud blong letem man blong haos i mekem disisin blong mekem sabskripsen.
Singsing 87 mo laswan prea.
Wik We i Stat Long Epril 20
Singsing 146
10 menet: Ol lokol mesej mo ol ripot blong kaon. Talem tangkyu long mane we kongregesen i sanem long Sosaete.
15 menet: Yusum Reasoning buk, pej 32 kasem 33 (34-36) blong tokbaot haf ya “Antichrist.” ?Wanem mining blong tok ya “antichrist”? ?Hem i wan man no plante man? ?Wetaem ‘antichrist’ i kamaot, mo olsem wanem blong makemaot hem? Mekem wan pleplei blong soemaot wan pablisa we i prij long wan man we i stap go long jyos oltaem, mo jyos blong hem i givim woning se hem i mas lukaot long ol Wetnes blong Jeova.
20 menet: “Stap Strong Long Saed Blong Speret, Stap Klin Blong Mekem Wok Blong Jeova.” Kwestin mo ansa. Elda we i mekem tok ya i mas tingbaot sam kwestin we i stret long man ples. Makemgud ol poen we oli save givhan blong mekem man i strong long saed blong speret, olsem haf 7 i tokbaot.
Singsing 197 mo laswan prea.
Wik We i Stat Long Epril 27
Singsing 79
10 menet: Lokol mesej. Tiokratik Nyus. Tokbaot ol impoten poen blong Memoriol. ?Hamas man oli kam long Memoriol? ?From wanem yumi save statem Baebol stadi wetem ol nyuwan? Elda we i lukaot long wok blong prij i save mekem plan blong ol pablisa oli visitim ol man we oli kam long Memoriol be oli no stadi yet.
20 menet: “Yusum Reasoning Buk Long Ol Visit.” Kwestin mo ansa. Mekemrere tu pleplei long haf 3 mo 4.
15 menet: Askem ekspiryens blong ol haftaem paenia long manis Maj mo Epril. ?Olsem wanem oli traehad blong mekem wok ya, mo olsem wanem Jeova i blesem fasin traehad blong olgeta? ?Oli bin statem ol nyufala Baebol stadi taem oli mekem moa wok long saed blong prij long manis? Oli mas mekemrere ol ekspiryens fastaem. Leftemap tingting blong evriwan blong tingbaot wok blong haftaem paenia long ol manis biaen.
Singsing 48 mo laswan prea.