Miting Blong Kingdom Wok Blong Epril
Wik We i Stat Long Epril 5
Singsing 129
10 menet: Lokol mesej. Luk bageken ol nyufala magasin, tokbaot sam haf we oli stret long teritori blong yufala. Mekem plan blong tu pablisa, wan bigman mo wan yangfala blong mekem wan sot pleplei we i soemaot olsem wanem blong yusum Baebol blong storeyan.
15 menet: “Wajtaoa—Kakae Blong Speret Long Stret Taem.” Kwestin mo ansa. Leftemap tingting blong ol pablisa blong mekem presen sabskripsen long ol famle mo fren blong olgeta we oli stap long ol narafala aelan mo leftemap tingting blong evriwan blong traehad blong mekem ol magasin i go long olgeta ples.
20 menet: “Joenem Ol Traket Wetem Ol Narafala Buk.” Kwestin mo ansa. Wetem sam smol pleplei we oli stanap long ol poen long haf 2-6. Tokbaot poen long bokis tu “Tingbaot Blong Yusum Ol Buklet.”
Singsing 14 mo laswan prea.
Wik We i Stat Long Epril 12
Singsing 15
10 menet: Lokol mesej. Tokbaot sam gudfala ekspiryens we oli laenap long taem blong Memoriol. Leftemap tingting blong ol pablisa blong wok wetem grup blong olgeta long wok blong prij long wiken ya.
20 menet: “Ol Visit We Oli Isi Mo Wokgud.” Toktok wetem ol man we oli lesin. Mekem wan pleplei we i soemaot olsem wanem blong statem storeyan long visit bageken.
15 menet: Ansa long wan Kwestin. Brata we i lukaot long wok blong prij no wan nara elda we i mekem haftaem paenia i save mekem tok ya we i leftemap tingting. Askem kwestin long wan no tu pablisa we oli stap mekem haftaem paenia sam samtaem.
Singsing 39 mo laswan prea.
Wik We i Stat Long Epril 19
Singsing 194
10 menet: Lokol mesej mo ol stret Advaes long Kingdom Wok Blong Yumi. Ridim ripot blong kaon mo ol presen mane we oli givim. Ridim Luk 6:38, mo talem tangkyu long kongregesen from kaen fasin we oli soem blong sapotem wok long olgeta ples long wol mo nid blong lokol kongregesen tu.
20 menet: “Halpem Ol Nyuwan Blong Gohed Moa.” Wan storeyan we tu no tri brata we oli lukaot long wan buk stadi oli mekem. Afta we oli luk bakegen ol impoten haf blong atikol ya, eksplenem wanem plan we oli mekem finis blong mekem ol poen ya i wok long ples blong yufala. ?Olsem wanem yumi save halpem ol nyuwan we oli intres we oli bin kam long Memoriol? ?Wanem mak ol nyuwan oli mas kasem sipos oli wantem joen long wok blong prij? ?Oli save mekem wanem blong halpem olgeta we oli no joen oltaem long wok blong prij long samtaem bifo? ?Olsem wanem blong leftemap tingting blong evriwan blong joen fulwan long wok blong prij evri manis? ?Olsem wanem wan pablisa we i strong i save halpem ol narafala?—Rom 15:1, 2.
15 menet: “Yumi Go Long Haos Blong Jeova.” Kavremap haf 1-8 wetem kwestin mo ansa long haf we i stap insaed long kingdom wok. Tokbaot kwik taem nomo ol buk we haf 7 i tokbaot. Askem sam pablisa we oli naf blong mekem wan pleplei we i soem olsem wanem blong halpem wan nyuwan blong save from wanem yumi stap long kongregesen. (w85 09/01 pej 25 haf 6, 7 long Bislama.) Soemaot ol defren haf blong miting blong yumi we oli defren olgeta long ol servis blong skul blong krisendom. Leftemap tingting blong olgeta we oli stap mekem ol Baebol stadi blong tekem sot taem tokbaot wan samting blong halpem studen blong luksave ogenaesesen mo nid blong kam haf blong ogenaesesen ya.
Singsing 28 mo laswan prea.
Wik We i Stat Long Epril 26
Singsing 180
10 menet: Lokol mesej mo Tiokratik Nyus. Askem ol wanwan man blong talem ol ekspiryens long saed long wok blong olgeta long manis, olsem wan haftaem paenia, statem ol nyu Baebol stadi, no halpem ol man we oli intres we oli bin kam long Memoriol.
15 menet: “Bon Bakegen.” Reasoning buk, pej 76-80. (pej 259-263 long Franis.) Wan pleplei we i soem tu pablisa we oli mitim wan man long wok blong prij long ol haos wanwan we i askem se, “?Yufala i bin bon bakegen?” Pablisa i ansa long wan rod we oli talem long pej 79-80. Afta, tufala pablisa i tokbaot se bambae tufala i mekem visit bakegen mo yusum ol poen long rod we oli talem long haf 1-3 long pej 78.
20 menet: “Yumi Go Long Haos Blong Jeova.” Tokbaot haf 9-14 wetem kwestin mo ansa long haf we i stap insaed long kingdom wok. Yusum ol poen we oli givim long haf 12 mo 13, wan pablisa i mekem wan pleplei we i soem olsem wanem blong toktok wetem wan man we i no gohedgud.
Singsing 127 mo laswan prea.