Miting Blong Kingdom Wok Blong Mei
Wik We i Stat Long Mei 3
Singsing 209
10 menet: Lokol mesej mo sam stret Advaes we oli kamaot long Kingdom Wok Blong Yumi.
20 menet: “Joengud long Minista Wok blong Yumi We i Save Sevem Laef.” Tok wetem pleplei. Afta wan sotfala fastok, mekem tri pleplei we oli stanap long haf 2-5. Afta long ol wanwan pleplei, askem ol man we oli lesin olsem wanem blong mekem storeyan i laenap long ol defren ples long lokol teritori. Finisim wetem tok blong leftemap tingting blong joen fulwan long minista wok long wiken ya.
15 menet: Ol Samting Long Saed Blong Speret Oli Impoten Olsem Wanem Insaed Long Famle. Tok we wan elda i mekem. Tokbaot nid blong famle i ridim vas blong dei tugeta, soemaot olsem wanem oli save mekem nating se ol defren samting oli kamaot no program blong evriwan long famle i no sem mak. Mo tu soemaot nid blong famle i mekem prea tugeta wan taem evri dei. Oli save mekem samting ya taem oli rere blong slip. Semfala rul i save wok tu long haos we wan i no stap long trutok, ol famle we oli gat papa no mama nomo i stap blong lukaot pikinini, mo famle we oli no gat pikinini. Mekemrere ol miting tugeta long famle i save halpem olgeta blong kasem moa samting long ol miting blong kongregesen evri wik mo i mekem bilif blong ol narafala i kam strong moa.—Hib. 10:23-25.
Singsing 104 mo laswan prea.
Wik We i Stat Long Mei 10
Singsing 27
10 menet: Lokol mesej. Sam ekspiryens we oli kamaot from wok blong seremaot ol magasin, buklet mo askem sabskripsen.
15 menet: “Winim Traem long Wok blong Prij long ol Haos Wanwan.” Kwestin mo ansa. Ridim mo soem olsem wanem oli save mekem ol vas we oli stap i wok.
20 menet: Tokbaot lokol nid.
Singsing 134 mo laswan prea.
Wik We i Stat Long Mei 17
Singsing 16
10 menet: Lokol mesej, wetem ripot blong kaon mo talem tangkyu from ol presen mane. Talem tangkyu long mane we kongregesen i givim blong sapotem lokol kongregesen mo wok blong Sosaeti long olgeta ples long wol.
20 menet: “Glad blong Gobak blong Halpem ol Man We oli Intres.” Kwestin mo ansa wetem pleplei. Soemaot nid blong makemgud nem blong ol man we oli faenem se oli intres. From ol poen long haf 3-6, mekem tu pleplei. Tufala pleplei ya oli mas laenap mo stret long nid blong ol defren man long teritori.
15 menet: Tok we wan elda i mekem we i stanap long “God i Mekem i Gru . . .” long Maj 1, 1993, Wajtaoa, pej 20-23 (Engglis mo Franis).
Singsing 54 mo laswan prea.
Wik We i Stat Long Mei 24
Singsing 141
10 menet: Lokol mesej mo Tiokratik nyus. Talemaot spesel plan blong prij long Mei 31.
20 menet: “Ol Yangfala—Lukaotgud long ol Rod blong Yufala”. Kwestin mo ansa. Afta haf 3, mekem wan pleplei we wan yangfala pablisa i askem wan pablisa we i bigman finis blong wok wetem hem long wok blong prij. Pablisa ya we i bigman finis i agri mo talem se bambae tufala i luk bakegen fastok blong tufala from we mbae tufala i wok tugeta.
15 menet: Tok we wan elda i mekem. “?From Wanem i Isi Blong Gyaman?” long Disemba 15, 1992 Wajtaoa.
Singsing 223 mo laswan prea.
Wik We i Stat Long Mei 31
Singsing 207
15 menet: Lokol mesej. Tokbaot ol poen long buk Man We I Hae Moa we oli save yusum long Jun.
15 menet: ?Bambae Yu Yu Mekem Haftaem Paenia Long Ol Manis we Bambae Oli Kam? Askem kwestin long samfala we oli bin mekem haftaem paenia long sam yia we oli pas. Leftemap tingting blong ol yangfala mo ol narafala we oli gat taem blong yusum taem blong spel blong olgeta long wok ya. Samfala maet oli save givhan long wok long ples we oli no bin prij plante long hem no wok long ol teritori we oli stap longwe, long taem blong spel. Leftemap tingting blong olgeta we bambae oli finis long skul blong mekem fultaem paenia no wok blong kasem mak ya.—2 Kor. 9:6b.
15 menet: ?God i Save Fogivim Sin Blong Yumi? Tu elda oli rere blong mekem wan visit blong man blong lukaot long sipsip. Oli storeyan olsem wanem blong halpem wan brata we tingting blong hem i trabol oltaem long ol sin blong hem bifo mo hem i wantem save sipos God i fogivim hem finis from. Tufala elda i luk bakegen poen long Reasoning buk, pej 81-84 (68-72) mo Insight buk tu, Volyum I, pej 861-862 (Auxilliaire, pej 1135). Oli tingbaotgud nid blong gat fasin kaen taem tufala i toktok wetem brata ya mo blong soemaot klia fasin sore blong Jeova mo we hem i rere blong fogivim man. Oli mekem plan tu blong soemaot se i nidim blong brata ya i mas traehad tu; i no naf blong talemaot sin nomo. Ol elda bambae oli wantem blong kam sam samtaem blong luk brata ya mo gohed blong givhan long hem long saed blong speret.
Singsing 214 mo laswan prea.