Miting Blong Kingdom Wok Blong Julae
Wik We i Stat Long Julae 5
Singsing 133
10 menet: Lokol mesej mo sam stret Advaes we oli kamaot long Kingdom Wok Blong Yumi. Tekem tu no tri pablisa we oli rere gud blong tokbaot olsem wanem oli stap yusumgud ol olfala magasin.
15 menet: “Seremaot Ol Buklet Blong Faenem Olgeta We Oli Intres.” Kwestin mo ansa. Ol buklet, long paragraf 5 i gat: Should You Believe in the Trinity?, ?God i Rili Kea Long Yumi?, mo Gavman Ya We Bambae i Mekem Paradaes. Talem long kongregesen long saed blong ol stok blong ol buklet we oli stap, mo askem long olgeta blong talem wanem buklet we i stret blong yusum long ol teritori blong yumi. Leftemap tingting blong ol brata blong joen fulwan long wok blong seremaot ol buklet long manis Julae. Mo tu, soemaot klia se plante taem ol man we oli stap karem ol buklet, oli laekem tu blong karem ol magasin.
20 menet: “Yusum Gud Ol Buklet Long Julae.” Tokbaot ol poen wetem kongregesen, mo mekem sam pleplei blong soem olsem wanem blong seremaot. Olsem paragraf 3, 5, mo 7 i talem. Leftemap tingting blong rere gud.
Singsing 30 mo laswan prea.
Wik We i Stat Long Julae 12
Singsing 25
5 menet: Lokol mesej. Ridim ripot blong ol kaon mo leta blong talem tangkyu from ol mane we yufala i stap givim. Talem bakegen long kongregesen ol plan blong wok blong prij, mo tokbaot sam defren poen long ol magasin.
20 menet: “Gobak Blong Mekem Intres Long Baebol i Kam Bigwan Moa.” Nao mekem sotfala fastok, soemaot olsem wanem blong mekem visit bakegen long wan man we i soem intres, be hem i no karem buk. Mo tu, soem olsem wanem blong gobak blong luk ol man we oli bisi tumas we oli no save toktok wetem yumi, be oli agri blong karem traket ya ?Hu i Rili Rulum Wol? Long tufala pleplei ya, soem olsem wanem ol pablisa wanwan oli save statem toktok blong olgeta mo mekem intres blong olgeta i gru moa.
20 menet: “Haremgud Fulwan Long 1993 Distrik Asembli, ‘Tijing Blong God.’” Ol kwestin mo ansa mo talem bakegen ol samting long saed blong “Distrik Asembli.” Ol pablisa oli mas tokbaot ol poen we oli stret long ol Baebol studen blong olgeta we bambae oli mas stap long asembli ya. Talem bakegen sam poen we oli stap long Wajtaoa blong Jun 15, 1989, pej 10-20, (Engglis mo Franis) mo leftemap tingting blong ol famle blong tingtingbak long ol poen ya, bifo we oli go long asembli ya.
Singsing 191 mo laswan prea.
Wik We i Stat Long Julae 19
Singsing 136
15 menet: Lokol mesej. Tiokratik Nyus. Mo tu, tokbaot wetem kongregesen, “Nyufala Program Blong Seket Asembli.”
15 menet: “?Yu Yu Save Mekem?” Tokbaot wetem kongregesen. Toktok wetem wan no tu fultaem paenia no wan no tu pablisa we oli stap mekem wok blong haftaem paenia samtaem. Talem long olgeta blong soem olsem wanem oli mekem disisen blong mekem moa, mo olsem wanem blong gat wan gudfala plan long wok blong olgeta.
15 menet: Wan elda i mekem tok ya long saed blong fasin klin, we i stanap long Wajtaoa ya blong Jun 1, 1989, pej 15-20 (Engglis mo Franis). Hem i save givim tok ya long kaen fasin mo waes fasin.
Singsing 165 mo laswan prea.
Wik We i Stat Long Julae 26
Singsing 170
10 menet: Lokol mesej. Elda i save tokbaot ripot blong wok blong prij long manis Jun, mo givim sam gudfala tok from ol gudfala wok we ol brata oli mekem, mo leftemap tingting blong olgeta blong gohed olsem. Mo tu, tokbaot tu no tri poen insaed long ol magasin we oli save yusum long wok blong prij long wiken ya.
15 menet: “Cross,” Reasoning buk, pej 89-93 (77-81 long Franis). Mekem olsem wan visit bakegen long olgeta we i bin tekem buklet ya “Look!” Man blong haos i soem pej 17 long buklet ya, mo i askem se, ?From wanem Jisas i stap long wan pos, be i no long wan kros? Brata i save yusum Reasoning buk blong halpem man ya blong luksave tingting blong Baebol long saed ya.
20 menet: “Yusum Gud Wajtaoa Mo Wekap!” Kwestin mo ansa. Halpem ol narafala blong gat fasin tangkyu from plante jans we yumi gat evri dei blong seremaot ol nyufala magasin mo ol olfala wan tu.
Singsing 192 mo laswan prea.