Miting Blong Kingdom Wok Blong Novemba
Wik We i Stat Long Novemba 1
Singsing 5
10 menet: Lokol mesej mo jusum sam Advaes long Kingdom Wok Blong Yumi. Leftemap tingting blong ol pablisa from ol wok we oli mekem blong talemaot Kingdom.
10 menet: “Dreams,” Reasoning buk, pej 104-106 (F. 333-334). Mekem olsem we yu stap toktok wetem wan Baebol stadi. Studen i askem sipos i waes blong letem drim i lidim yumi. Tokbaot denja blong samting ya, olsem wanem hem i save mekem yumi foldaon long ol tingting blong wol mo ol rabis speret. Soem we i impoten blong letem ol stampa rul blong Baebol i lidim yumi.
10 menet: Ridim ol toktok insaed long buk ya Ol Rul Blong Mekem Minista Wok Blong Yumi japta 3.
15 menet: “Baebol i Impoten Olsem Wanem Long Wol Tede.” Tok wetem elda we i lukaot wok blong prij mo pablisa we i wantem mekem wok blong hem blong prij long ol haos wanwan i kamgud moa. Afta we yu tokbaot paragraf 3, elda i askem pablisa blong traem mekem wan pleplei wetem elda olsem man blong haos. Afta we yu tokbaot paragraf 4, elda i mekem wan narafala pleplei wetem pablisa ya olsem man blong haos. Leftemap tingting blong kongregesen blong halpem olgeta we oli intres mo ol Baebol studen blong gat fasin tangkyu from New World Translation.
Singsing 52 mo laswan prea.
Wik We i Stat Long Novemba 8
Singsing 7
10 menet: Lokol mesej. Mekem pleplei blong soem olsem wanem blong seremaot nyufala magasin, soemaot sam poen we oli save yusum long wok blong prij long wiken ya. Tokbaot “Wan Spesel Manis blong Wok blong Prij,” mo invaetem olgeta blong tinghevi long jans ya blong mekem moa long wok blong prij long Desemba olsem wan haftaem paenia no blong wok wetem ol paenia.
15 menet: “Buk We i Soemaot Stret Rod.” Kwestin mo ansa. Mekem wan pleplei blong soem olsem wanem blong mekem visit bakegen olsem i stap long paragraf 3. Leftemap tingting blong olgeta evriwan blong oli save glad tumas from ol advaes blong Baebol we oli save wok long laef blong yumi taem oli tok wetem ol man long ol haos wanwan mo mekem visit bakegen.
20 menet: “Ol Yangfala—Mekem Hat Blong Jeova i Glad.” Elda i toktok wetem tu no tri yangfala we oli baptaes finis, long paragraf 1-18. Tokbaot frut we ol yangfala oli kasem from gudfala eksampel blong olgeta mo olsem wanem ol haf “Ol Yangfala Oli Askem . . .” oli givhan long olgeta. Tokbaot ol vas sipos i gat taem.
Singsing 80 mo laswan prea.
Wik We i Stat Long Novemba 15
Singsing 73
10 menet: Lokol mesej, ripot blong ol kaon mo presen mane we yufala i givim. Talem tangkyu long kongregesen long saed blong mane we lokol kongregesen i givim mo mane blong halpem Sosaeti blong bildim ol Haos Kingdom mo wok blong Sosaeti long olgeta ples long wol.
15 menet: Ridim ol toktok insaed long buk ya Ol Rul Blong Mekem Minista Wok Blong Yumi japta 4.
20 menet: “Ol Yangfala—Mekem Hat Blong Jeova i Glad.” Kwestin mo ansa long paragraf 19-33. Toktok wetem wan no tu yangfala pablisa. Askem olgeta olsem wanem kongregesen i bin givhan long olgeta long ol samting blong speret.
Singsing 90 mo laswan prea.
Wik We i Stat Long Novemba 22
Singsing 74
10 menet: Lokol mesej mo Tiokratik Nyus. Leftemap tingting blong kongregesen blong yusum ol nyufala magasin long wok blong prij long wiken.
15 menet: “Halpem Ol Baebol Studen Blong Reregud Stadi Blong Olgeta.” Kwestin mo ansa. Ridim paragraf sipos i gat taem.
20 menet: “?Yu Yu Stap Mekem Ol Man Oli Tingtinggud Long Ol Vas Blong Baebol”? Kwestin mo ansa, brata we i mekem haf ya i wan we i gat gudhan long wok blong prij long ol haos wanwan mo mekem ol visit bakegen. Afta we yu tokbaot paragraf 4, mekem wan pleplei blong soem olsem wanem wan pablisa i save tokbaot no talem nomo wan vas long man blong haos taem hem i bisi. Afta long pleplei ya, soemaot we hem i impoten blong traehad blong folem ol tok ya taem yumi “talemaot tok blong God” long ol teritori we plante man oli bisi oltaem no we oli tingbaot tumas ol samting we i stap hapen long laef. (2 Tim. 4:2) Afta we yu tokbaot paragraf 6, wan pablisa i soem olsem wanem hem i yusumgud Reasoning buk long wok blong prij.
Singsing 108 mo laswan prea.
Wik We i Stat Long Novemba 29
Singsing 83
10 menet: Lokol mesej. Leftemap tingting blong olgeta we oli save mekem haftaem paenia long manis Desemba.
15 menet: “?Yumi Nidim Baebol?” Hed blong famle i mekem tok ya we i stanap long Mei 1, 1993, Wajtaoa. Soemaot we sipos yumi mekem ol rul blong Baebol oli wok long laef blong yumi oli mekem se i gat pis mo lav insaed long famle. Mekemrere wan no tu ansa long kongregesen blong soem olsem wanem advaes long ol Tok blong God oli bin halpem wan famle no wan man.
20 menet: Yusum Buk ya Man We i Hae Moa blong halpem ol man we oli olsem sipsip long manis Desemba. Tokbaot wetem kongregesen. Askem ol kwestin olsem: ?Wanem wan long ol store long minista wok blong Jisas no fasin blong hem wetem ol narafala we i gat paoa long yu? ?From wanem i gat paoa long yu? ?Olsem wanem buk ya i bin halpem yu? ?Taem yu stadi long buk ya, yu lanem wanem long saed blong Jeova? ?Wanem poen yu soem taem yu givimaot buk ya? Wan pablisa we i gat ekspiryens i mekem pleplei blong soem olsem wanem hem i givimaot buk ya. Leftemap tingting blong evriwan blong joen long wok blong prij long Sande.
Singsing 94 mo laswan prea.