Miting Blong Kingdom Wok Blong Epril
Wik We i Stat Long Epril 4
Singsing 16
10 menet: Lokol mesej mo Advaes long Kingdom Wok Blong Yumi. Talem bakegen long saed blong spesel tok we bambae oli givim long Epril 10, stampa blong hem “Trufala Skul i Fulumap Nid Blong Ol Man.” Yumi mas traehad blong givhan long ol nyuwan blong kam long tok ya.
15 menet: “Wajtaoa mo Wekap!—Tufala Magasin Blong Trutok.” Kwestin mo ansa. Askem ol man we oli lesin blong tokbaot sam rod we oli bin yusum blong seremaot moa magasin. Sipos i gat taem, askem long samfala blong talem sam ekspiryens.
20 menet: “Seremaot Ol Beswan Magasin Blong Wol.” Tokbaot haf ya wetem ol man we oli lesin, soemaot ol gudfala samting we magasin i givim. Long paragraf 2, askem wan pablisa no wan paenia we i gat gudhan blong eksplenem olsem wanem blong savegud wanem i stap insaed long magasin mo olsem wanem blong rere blong storeyan long hem. Mekem tu pleplei we oli soemaot ol rod blong seremaot magasin blong Epril 1 mo 15. Blong finisim, tokbaot sam poen we oli save yusum, taem oli seremaot nyufala Wekap! we i jes kamaot.
Singsing 69 mo laswan prea.
Wik We i Stat Long Epril 11
Singsing 80
10 menet: Lokol mesej. Tokbaot ol bigfala poen long haf ya Ansa Long Wan Kwestin.
15 menet: “Miting Blong Kingdom Wok i Mekem Se Yumi Gat Olgeta Samting Blong Mekem Ol Gudfala Wok.” Kwestin mo ansa. Mekem wan pleplei we i soemaot olsem wanem wan famle i stap rere long miting; soemaotgud se i impoten blong (1) rere fastaem, (2) lesingud, mo (3) joen blong givim ansa.
20 menet: “Mekem Wok Blong Jeova We i No Gat Samting i Blokem Yufala From.” Haf we i stap insaed long Kingdom Wok. Kwestin mo ansa. Mekem paragraf 1 kasem 6.
Singsing 90 mo laswan prea.
Wik We i Stat Long Epril 18
Singsing 100
10 menet: Lokol mesej. Ridim ripot blong kaon mo talem tangkyu long eni presen mane we kongregesen i givim long Sosaeti.
15 menet: “Visitim Bakegen Ol Man We Yu Seremaot Magasin Mo Buklet Long Olgeta.” Tok wetem ol man we oli stap lesin. Askem olgeta blong talem from wanem i impoten blong savegud ol samting insaed long ol magasin mo blong tingtinggud long wanem we man blong haos i talem bifo blong savegud wanem storeyan i gud blong yusum. Sipos i gat taem, askem sam pablisa no paenia we oli gat gudhan blong mekem sam pleplei we oli soemaot poen ya.
20 menet: “Mekem Wok Blong Jeova We i No Gat Samting i Blokem Yufala From.” Haf insaed long Kingdom Wok. Mekem paragraf 7 kasem 12.
Singsing 51 mo laswan prea.
Wik We i Stat Long Epril 25
Singsing 70
10 menet: Lokol mesej. Tiokratik Nyus.
15 menet: Bilif. Stanap long Reasoning buk, pej 129-132 (F. 167-172). Storeyan bitwin elda mo wan grup blong ol yangfala. Elda i tokbaot mining blong bilif, mo i askem ol kwestin long olgeta long grup. ?From wanem plante man oli no gat bilif? ?Wanem i stampa blong bilif blong yumi? ?Olsem wanem yumi save mekem bilif blong yumi i stap strong? ?Olsem wanem yumi soemaot bilif ya? Blong finisim, elda i talem sam gudfala toktok blong leftemap tingting blong olgeta.
20 menet: “Fasin Klin i Givim Ona Long God.” Elda i tokbaot haf ya wetem ol man we oli lesin. Finisim wetem wan smol tok blong tingtingbak long advaes we i stap long Jun 1, 1989, Wajtaoa, pej 15-20 (Engglis mo Franis).
Singsing 75 mo laswan prea.