Miting Blong Kingdom Wok Blong Jun
Wik We i Stat Long Jun 6
Singsing 9
10 menet: Lokol mesej mo ol Advaes long Kingdom Wok Blong Yumi. Mekem smol pleplei olsem wanem blong seremaot ol nyufala magasin long wok blong prij long ol haos wanwan long wiken ya. Talem bakegen long olgeta we oli stap lesin blong karem sam Laef Foreva buk blong yusum long wok blong prij long wiken ya.
20 menet: “?Yu Yu Stap Sakem Plante Sid?” Kwestin mo ansa. Sipos i gat i naf taem, askem ol man we oli lesin blong talem ekspiryens blong olgeta, we i soemaot olsem wanem oli traehad long wan spesel haf long minista wok blong olgeta mo oli kasem blesing from.
15 menet: “Halpem Ol Narafala Blong Ona Long Man We i Wokem Yumi.” Kwestin mo ansa. Mekem tu pleplei we oli soemaot olsem wanem blong yusum ol fasin blong storeyan we oli stap ya.
Singsing 30 mo laswan prea.
Wik We i Stat Long Jun 13
Singsing 28
10 menet: Lokol mesej. Ridim ripot blong kaon mo talem tangkyu long presen mane we kongregesen i givim long Sosaeti. Talem sam smol tok blong soemaot olsem wanem wan we i gat gladhat blong givim, i stap kasem blesing.—Prov. 11:24a.
15 menet: “Bildimap Bilif Long Man We i Wokem Ol Man.” Kwestin mo ansa. Sipos i gat i naf taem, mekem pleplei long wan long ol haf long saed blong ol visit bakegen.
20 menet: “Buk Stadi Blong Kongregesen i Givim Save Long Saed Blong Wok.” Wan brata we i lukaot long wan buk stadi i tokbaot haf ya wetem kwestin mo ansa. Hem i mas soemaotgud olsem wanem haf ya i leftemap tingting blong (1) traehad moa blong go oltaem long buk stadi, (2) givim moa ansa long stadi, mo (3) sapotem moa miting blong prij.
Singsing 65 mo laswan prea.
Wik We i Stat Long Jun 20
Singsing 31
10 menet: Lokol mesej. Lukluk bakegen program blong wok blong prij long wiken.
15 menet: Lokol nid. No wan tok we i stanap long haf ya “?Wanem Wok Nao Bambae Mi Jusum Blong Mekem Long Laef Blong Mi?” we i stap long Mei 8, 1989, Wekap!, pej 12-14 (E/F).
20 menet: “?Yu Yu Stap Mekem Wil Blong God?” Wan elda i mekem tok ya we i stanap long Maj 1, 1994, Wajtaoa, pej 28-30.
Singsing 223 mo laswan prea.
Wik We i Stat Long Jun 27
Singsing 174
10 menet: Lokol mesej. Lukluk bakegen program blong wok blong prij long wiken.
15 menet: “Ol Miting Blong Prij We Oli Gat Mining.” Brata we i lukaot long wok blong prij i mekem haf ya wetem kwestin mo ansa. Taem hem i tokbaot paragraf 3, soemaot wan no tu fastok long Reasoning buk we oli save yusum long wiken. Long paragraf 5, talem sam problem long saed blong fasin blong olgeta we oli stap joen long wok blong prij long ples blong yufala; givim sam advaes wetem kaen fasin blong kamgud moa long hem.
20 menet: Lukluk bakegen buk blong seremaot long Julae. Soemaot ol defren buklet we kongregesen i gat long stok. Ol buklet ya oli wokgud blong statem ol Baebol stadi. Lukluk bakegen sam haf mo pija blong pulum intres blong ol man, we oli save yusum blong statem storeyan. Mekem tu pleplei we oli soemaot olsem wanem blong statem wan storeyan long wan poen blong Baebol. (Yusum ol poen long Reasoning buk long saed blong “Future/Security,” (Fyuja/Fasin Sef) pej 11-12 (F. pej 10), mo “Kingdom,” pej 12-13 (F. pej 13).) Ol pleplei oli mas finis wetem fasin blong statem wan Baebol stadi.
Singsing 118 mo laswan prea.