Miting Blong Kingdom Wok Blong Novemba
Wik We i Stat Long Novemba 7
Singsing 4
10 menet: Lokol mesej mo sam Advaes long Kingdom Wok Blong Yumi. Talem wan no tu poen we oli save yusum blong seremaot ol magasin.
18 menet: “Tok Blong God i Gat Paoa.” Kwestin mo ansa. Wetem sam tok blong soem from wanem i impoten blong ridim Baebol evri dei we i stanap long fastok blong Ridimgud Ol Tok Blong Baebol Evri Dei—1994.
17 menet: “Baebol—I Mekem Man i Haremgud Mo Givim Hop Long Wan Wol We i Trabol.” Kwestin mo ansa. Mekem plan blong tu pleplei we oli soem olsem wanem blong yusum ol fasin blong storeyan long haf ya.
Singsing 24 mo laswan prea.
Wik We i Stat Long Novemba 14
Singsing 25
10 menet: Lokol mesej. Ridim ripot blong kaon mo talem tangkyu long ol presen mane.
17 menet: “?Yu Yu Stap Soem Wanem Kaen Tingting?” Wan tok. Wetem sam toktok we oli kamaot long Jun 15, 1977, Wajtaoa, pej 369, paragraf 4 mo 5 (Franis: Sept. 15, 1977, pej 561).
18 menet: “Ol Rod Blong Mekem Wok Blong Yumi Blong Talemaot Kingdom i Kamgud Moa.” Kwestin mo ansa. Askem ol man we oli lesin blong talem sam ekspiryens we oli soem olsem wanem oli yusum ol poen long Kingdom Wok Blong Yumi mo oli kasem gud frut from.
Singsing 37 mo laswan prea.
Wik We i Stat Long Novemba 21
Singsing 40
12 menet: Lokol mesej. Sam Tingting Long Saed Blong Hot Taem. Kwestin mo ansa. Soem olsem wanem kongregesen i save mekem i wok. Eksplenem olsem wanem ol pablisa oli save mekem sua blong givim ripot blong olgeta long stret taem. Makem from wanem i impoten blong gat wan fasin blong wok oltaem, nating se long taem blong spel tu. Sipos wan pablisa i no save givim ripot blong hem long stret taem, hem i save givim long sekretari blong kongregesen taem hem i save mekem, blong mekem se sekretari i save ademap long ol ripot blong nekis manis.
15 menet: Lokol nid. No sipos no, wan tok we wan elda i mekem we i stanap long haf ya “Gat Fasin Tangkyu Long Tabu Wok Blong Yu” long Wajtaoa blong Septemba 1, 1994, pej 29.
18 menet: “Halpem Olgeta Blong Harem ‘Bakegen.’ ” Kwestin mo ansa. Mekem reregud long tu pleplei we oli soem olsem wanem blong yusum Baebol blong statem wan Baebol stadi.
Singsing 52 mo laswan prea.
Wik We i Stat Long Novemba 28
Singsing 58
10 menet: Lokol mesej. Soem sam rod blong seremaot ol nyufala magasin.
17 menet: “Ol Blesing We Oli Kamaot Taem Yumi Wok Wetem Ol Narafala.” Kwestin mo ansa. Leftemap tingting blong evriwan blong sapotem ol miting blong prij we kongregesen i stanemap bitim we oli mekem ol plan blong goaot olgeta wanwan nomo. Taem yumi wok wetem grup bambae plante moa blesing oli kamaot, wok blong prij i kamgud moa, mo yumi leftemap tingting blong yumi.
18 menet: Seremaot Man We i Hae Moa Long Olgeta Man long Desemba. I gat bigfala nid blong buk ya. Plante handred milyan man oli talem se oli ol man we oli folem Jisas mo oli se oli bilif long wanem hem i bin tijim. Ol man oli nidim blong save wanem i mekem Jisas i defren long ol narafala man—laef blong olgeta i stanap long samting ya. Buk ya Man We i Hae Moa Long Olgeta Man, japta 133, i talem se: “Traem tingbaot gudfala fasin blong hem we hem i no fraet nating. Hem i stanap strong olsem wan bigfala man. Waes blong hem i bitim waes blong ol narafala man. Tingbaot nambawan fasin blong hem blong tijim ol man, we hem i no fraet nating blong lidim ol narafala man. Mo tingbaot kaen fasin, mo sore we hem i soemaot mo fasin blong hem blong putum hem wan i stap long ples blong narafala man. Taem yumi tingtinggud long ol fasin ya oli rili tajem hat blong yumi.” Baebol i talem klia se hem i (1) wan Wetnes (Jon 18:37), (2) wan Sevya (Wok 4:12), mo (3) wan King (Rev. 11:15). Askem wan pablisa we i naf blong mekem wan pleplei we hem i yusum sam long ol poen ya. Leftemap tingting blong evriwan blong joen blong seremaot buk ya long Desemba.
Singsing 61 mo laswan prea.