Miting Blong Kingdom Wok Blong Epril
Wik We i Stat Long Epril 3
Singsing 203
10 menet: Lokol mesej mo sam advaes long Kingdom Wok Blong Yumi. Tokbaot “Mekemrere Ol Samting Blong Memoriol.”
15 menet: “Fasin Tangkyu From Ol Samting We Yumi Gat.” Kwestin mo ansa. Sipos i gat inaf taem, talem sam moa tok we oli stanap long Wajtaoa blong Ogis 1, 1990, pej 19-20, haf 15-20 (Engglis).
20 menet: “Trutok mo Laef Foreva—!Ol Buk We Oli Stret Long Impoten Taem Blong Yumi!” Toktok wetem sam kwestin mo ansa. Talem sam ekspiryens we oli soem olsem wanem samfala oli laekem ol buk ya. (km 4/87 pej 2, haf 6) Talem klia se i impoten blong givimaot plante buk olsem we yumi naf blong mekem. Askem tu pablisa blong soem olsem wanem blong rerem tu rod blong storeyan, taem oli yusum ol advaes we oli stap ya. Mo biaen, tufala ya i mekem tu pleplei, blong soem tufala storeyan we oli mekemrere.
Singsing 219 mo laswan prea.
Wik We i Stat Long Epril 10
Singsing 212
10 menet: Lokol mesej. Ripot blong ol kaon. Mo talem tangkyu from ol presen mane we i go long Sosaeti. Tiokratik Nyus. Mekem kongregesen i tingbaot nid blong halpem ol man we oli soem intres, blong oli kam long Memoriol. Talem long evriwan blong mekem spesel fasin traehad blong joen long wok blong prij long wiken ya.
15 menet: “Holemtaet Fasin Joengud Blong Yumi Aninit Long Kingdom.” Storeyan wetem sam kwestin mo ansa.
20 menet: “Plante Wok Blong Mekem Long Wok Blong Masta.” Kwestin mo ansa. Elda we i lukaot long wok blong prij i mekem haf ya. Tokbaot ol bigfala plan blong givimaot spesel Kingdom Nyus long ol haos wanwan. Storeyan long saed blong plan blong kavremap fulwan ples we kongregesen i prij long hem. Eksplenem rod blong halpem ol nyuwan blong oli joen long wok blong prij long fastaem blong olgeta. (Lukluk Kingdom Wok Blong Yumi blong Maj 1995, pej 1.)
Singsing 150 mo laswan prea.
Wik We i Stat Long Epril 17
Singsing 214
13 menet: Lokol mesej. Talem sam bigfala samting long saed blong Memoriol, blong leftemap tingting blong kongregesen, mo tokbaot sam rod blong givhan moa long ol nyuwan we oli kam long Memoriol. Talem long evriwan blong kam lesin long spesel tok long Epril 23, mo tu blong halpem ol man we oli soem intres blong kam long miting bakegen. Talem bakegen ol plan long saed blong wok blong givimaot Kingdom Nyus.
15 menet: “?Yu Luk Wan We i Gat Nid?” Kwestin mo ansa. Toktok smoltaem long ol mak we ol elda oli stap traem blong kasem, long wok blong olgeta blong mekem ol visit blong lukaot long sipsip. Eksplenem wanem wanwan long yumi i save mekem blong givhan.
17 menet: “Traem Faenem Olgeta We Oli Wantem Yumi Blong Tijim Olgeta.” Tokbaot olsem wanem i impoten tumas blong mekem ol visit bakegen. Leftemap tingting blong ol man blong yusum Baebol long ol visit ya. Mekem wan no tu smol pleplei.
Singsing 197 mo laswan prea.
Wik We i Stat Long Epril 24
Singsing 167
15 menet: Lokol mesej. Tokbaot olsem wanem wok ya blong givimaot Kingdom Nyus i stap gohed gud long ples we yumi prij long hem. Askem sam pablisa blong talemaot sam gudfala ekspiryens we oli gat taem oli givimaot Kingdom Nyus. Talem sam rod blong storeyan we oli stret long ples blong yumi, blong seremaot ol magasin. Talemaot ol plan we kongregesen i mekem blong joen long wok blong prij long sapa. Wetem kaen fasin, leftemap tingting blong ol pablisa blong mekem wok blong haftaem paenia, long manis Mei.
12 menet: Lokol nid. Sipos no, givim wan tok, Leftemap Tingting Blong Ol Narafala, we i stanap long Wajtaoa blong Janewari 15, 1995, pej 21-23.
18 menet: Mekem Stadi Wetem Famle Blong Yu Oltaem. Hasban mo waef i talem wari blong tufala long saed blong ol pikinini blong tufala we oli no stap gohedgud long saed blong speret. Hasban i luksave se hem i bin slak blong mekem stadi wetem famle; samtaem plante wik oli save pas we famle i no kasem eni tijing. Tufala i lukluk bakegen advaes we i stap long School Guidebook, pej 37-38, haf 12-14. Tufala i agri blong putum famle stadi long fas ples long program blong tufala evri wik, mo no letem ol narafala wok i blokem.
Singsing 142 mo laswan prea.