Miting Blong Kingdom Wok Blong Julae
Wik We i Stat Long Julae 3
Singsing 194
10 menet: Lokol mesej mo sam Advaes long Kingdom Wok Blong Yumi.
17 menet: “Yufala i Stap Lukaotgud.” Kwestin mo ansa.
18 menet: “Yusum Ol Defren Buklet Long Wok Blong Prij.” Tokbaot ol rod blong storeyan we oli stap ya, wetem ol man we oli lesin. Blong smoltaem, tokbaot sam haf blong ol buklet we oli save pulum intres blong ol man. Mekem tu no tri sot pleplei blong soem olsem wanem blong givimaot ol buklet ya.
Singsing 213 mo laswan prea.
Wik We i Stat Long Julae 10
Singsing 110
10 menet: Lokol mesej. Ripot blong ol kaon.
15 menet: “Ol Tok We Jeova i Talem Bakegen Mo Bakegen, ?Oli Stap Wekemap Yumi Long Saed Blong Speret?” Kwestin mo ansa.
20 menet: Lukaot Evri Jans Blong Prij. Yusum School Guidebook, pej 80-82, haf 11-16, ale tokbaot ol advaes olsem wanem blong statem ol storeyan wetem ol man we yumi no save olgeta. Soem olsem wanem fasin blong reregud fastaem i save givhan blong kasem gudfala frut. Tri defren pablisa oli mekem tri sot pleplei, olsem wanem blong statem storeyan wetem wan man long stesen blong bensin, wan man we i stap long sevis bas, mo wan man we i wet long laen blong pem samting long stoa. Talem bakegen long ol pablisa, blong raetemdaon olgeta we oli soem intres, mo mekem plan blong wan i go luk olgeta bakegen.
Singsing 154 mo laswan prea.
Wik We i Stat Long Julae 17
Singsing 192
10 menet: Lokol mesej.
20 menet: “Mekem Ol Visit Bakegen Long Olgeta We Oli Karem Buklet.” Brata we i mekem haf ya, bambae i storeyan wetem tri pablisa, i tokbaot from wanem i impoten blong gobak long olgeta man we oli intres mo we oli karem wan buk, buklet no magasin. Oli tokbaot ol rod blong storeyan we oli stap ya, mo mekem ol pleplei bitwin olgeta olsem wanem blong yusum ol rod ya.
15 menet: ?Olsem Wanem Blong Mekem Wan Baebol Stadi? Wan elda we i stap mekem sam Baebol stadi we oli gohedgud, i givim tok ya. Leftemap tingting blong ol man blong traehad moa blong statem ol Baebol stadi. Tokbaot advaes long Ol Rul Blong Mekem Minista Wok Blong Yumi, pej 89-91. Maet i gat sam ekspiryens long kongregesen tu.
Singsing 164 mo laswan prea.
Wik We i Stat Long Julae 24
Singsing 126
10 menet: Lokol mesej. Tokbaot “Program Blong Nekis Seket Asembli.”
15 menet: Lokol nid. Sipos no, wan tok we i stanap long Wajtaoa blong Ogis 1, 1994, pej 27-30, long haf ya, “Soem Kristin Lav Long Ol Olfala.”
20 menet: ?Bambae Ol Man Raonabaot Oli Tingting Olsem Wanem? Wan tok mo pleplei we i stanap long Wajtaoa blong Epril 1, 1974 (Engglis), pej 201-203. Mekem wan tok we i soem, from wanem plante taem, tingting blong ol man blong wol raonabaot long yumi, i gat paoa long yumi. (Tokbaot pej 201 mo fas haf long pej 202.) Nao mekem wan pleplei we i soem wan hasban mo waef we tufala i gat ekspiryens, oli stap mekem wan nyufala Baebol stadi wetem wan famle we oli intres, be oli fraet long ol man blong wol raonabaot long olgeta, we oli agensem olgeta from we oli stadi Baebol wetem ol Wetnes blong Jeova. (Tokbaot ol bigfala poen long ol narafala haf blong Wajtaoa.) Makemgud ol risen from wanem famle ya we i jes stat blong intres, i no mas letem tingting i foldaon no lego stadi.
Singsing 169 mo laswan prea.
Wik We i Stat Long Julae 31
Singsing 136
10 menet: Lokol mesej. Tiokratik Nyus.
15 menet: “Leftemap Tingting Blong Ol Narafala.” Wan elda i givim wan tok, wetem sam kwestin mo ansa.
20 menet: Ol Buk We Yumi Seremaot Long Ogis. Tokbaot ol buklet blong 32 pej we yumi save yusum. Singaot sam pablisa blong talem sam gudfala ekspiryens we oli gat, taem oli seremaot ol buklet long Julae. Mekem wan pleplei olsem wanem blong statem wan Baebol Stadi long buklet ya, ?God i Rili Kea Long Yumi? Stanemap kwestin we i stap long paragraf 1 long haf 1. Askem tingting blong man blong haos long saed blong ol poen long paragraf 2-4. Eksplenem se buklet ya i soem se God i rili kea long yumi, mo se bambae yumi save haremgud long wan laef we i fri long ol fasin blong safa, long nyufala wol we i kolosap. Talem se yu glad blong kambak blong storeyan moa.
Singsing 179 mo laswan prea.