Miting Blong Kingdom Wok Blong Desemba
Wik We i Stat Long Desemba 4
Singsing 181
10 menet: Lokol mesej. Jusum sam Advaes long Kingdom Wok Blong Yumi.
20 menet: “Ogenaesesen Blong Jeova i Stap Gohed Gud.” Kwestin mo ansa long fasin we i laef.
15 menet: “Wetem Revelesen Buk.” Toktok wetem glad long saed blong wok blong seremaot nyufala buk, antap moa, blong seremaot long olgeta we oli soemaot intres samtaem bifo. Tokbaot ol rod blong storeyan we oli stap ya, mo mekem wan no tu pleplei long olgeta.
Singsing 224 mo laswan prea.
Wik We i Stat Long Desemba 11
Singsing 201
13 menet: Lokol mesej. Ripot blong ol kaon. Tokbaot smoltaem from wanem yumi mas mekem plan blong joen fulwan mo traehad long wok blong prij. I gud blong prij tu haoa no moa sipos yumi save mekem, bitim we yumi goaot blong wan haoa nomo. Blong mekem olsem, fastaem yumi mas mekem plan blong ol visit bakegen, mo blong wok wetem wan we i wantem prij blong tu haoa no moa.
15 menet: Lokol nid. Sipos no, wan tok we i stanap long Wajtaoa blong Ogis 1, 1995, pej 25 kasem 29, long haf ya “Ol Blesing From Strong Tingting Blong Gohed.”
17 menet: “Mekemrere Mo Haremgud Long Ol Miting Blong Kongregesen.” Tok mo kwestin mo ansa. Singaot wan no tu pablisa blong talem wanem samting oli mekem blong haremgud mo kasem olgeta gudfala samting long ol miting.
Singsing 28 mo laswan prea.
Wik We i Stat Long Desemba 18
Singsing 139
15 menet: Lokol mesej. Sekretari blong kongregesen i mekem haf ya. Talem sam toktok blong soem olsem wanem blong ansa long kaen fasin long ol man we oli wisim yumi wan gudfala Krismas mo Nyu Yia. Talem ol spesel plan blong prij long Desemba 25. “Ol Samting Blong Tingbaot Bakegen Long Hot Taem.” Kwestin mo ansa. Askem ol kwestin olsem wanem blong joen long ol tiokratik wok mo givim ripot long stret taem, nating se yumi stap longwe long prapa kongregesen blong yumi. Makemgud se i impoten blong putum ol mak naoia we yumi wantem kasem, olsem haftaem paenia, no blong mekem moa wok long ol manis we oli hot.
15 menet: “Soemaot We Yu Stap Gohed Moa.” Kwestin mo ansa.
15 menet: “Ol Visit Bakegen We Oli Mekem Yumi Glad.” Tokbaot ol rod blong storeyan we oli stap ya, mo mekem tu sot pleplei. Pulum evriwan blong mekem ol visit bakegen wetem tingting blong statem ol Baebol stadi. Afta we yumi tokbaot sam pija mo sam haf blong Revelesen buk, maet yumi save yusum wan narafala buk, buklet no traket blong stadi wetem olgeta.
Singsing 44 mo laswan prea.
Wik We i Stat Long Desemba 25
Singsing 88
5 menet: Lokol mesej. Tokbaot ol spesel plan blong prij long Janewari 1.
15 menet: “Presem Jeova Evri Dei.” Kwestin mo ansa. Askem samfala blong ridim ol haf. Askem wan no tu pablisa blong talem sam gudfala ekspiryens we oli gat taem oli tekem evri jans blong prij.
25 menet: “Yumi Mas Saenaot Oltaem Olsem Ol Laet.” Mekem sot fastok i stanap long haf 1 kasem 5. Kwestin mo ansa long haf 6 kasem 16. Ridim haf 6 kasem 9, 15 mo 16. Yusum haf 17 kasem 19 olsem lastok. I gud sipos elda we i lukaot long wok blong prij i save mekem haf ya.
Singsing 3 mo laswan prea.