Advaes
◼ Buk we yumi seremaot long Epril mo Mei: Sabskripsen blong Wajtaoa blong 600 VT. Sabskripsen blong Wekap! long Engglis mo Franis. Long ol teritori we yumi wokem plante, yumi save yusum wan long ol buklet. Jun: Save Blong Lidim Yu Long Laef We i No Save Finis blong 130 VT. Julae mo Ogis: Wan long ol buklet ya we oli gat 32 pej: ?God i Rili Kea Long Yumi?, !Yu Yu Save Haremgud Blong Olwe Long Wol!, Gavman Ya We Bambae i Mekem Paradaes, mo Speret Blong Ol Dedman—?Oli Save Halpem Yu No Spolem Yu? ?Oli Rili Stap? blong 40 VT.
◼ From we i gat plante pablisa we bambae oli mekem moa long wok blong prij long Epril, sipos i stret long ples blong yufala, ol elda oli mas mekem plan blong kongregesen i spenem moa taem blong prij long sapa.
◼ I gat wan jenis long saed blong fasin blong kasem wan nyufala Kad Blong Paenia. Naoia, ol paenia we oli muf i go long narafala ples, jenisim nem blong olgeta, lusum kad blong olgeta, no askem blong go wok long wan narafala ples, bambae Sosaeti i sanem nyufala kad long olgeta. Sekretari i mas sakem ol kad we oli stap long fael blong hem we kongregesen i no yusum yet. Bambae i stap sem mak long saed blong ol paenia we oli jenisim nem blong olgeta no oli go long wan narafala ples blong wok. Hemia se, sekretari bambae i raetemdaon ol save we i nidim long baksaed blong Ripot blong Kongregesen (S-1) long en blong manis. Biaen, Sosaeti bambae i sanem ol nyufala kad blong paenia long kongregesen. Kolosap oltaem, bambae ol kad ya oli kam wetem pepa we Sosaeti i stap sanem evri manis long saed blong ol kaon. Olgeta jenis olsem, kongregesen i mas sanem olgeta kwiktaem oli kam long Sosaeti, blong mekem se ol fael oli stap stret we oli no gat ol olfala samting long olgeta. Mo tu, taem wan paenia i finis long wok blong paenia no oli tekemaot hem long wok ya, kongregesen i mas fulumap fom ya S-206 mo sanem i kam kwiktaem long Sosaeti.
◼ Olgeta kwestin long saed blong taem mo ples blong ol distrik asembli long ol narafala kantri, oli mas go stret long branj ofis blong ol kantri ya. Adres blong ol branj ofis raon long wol oli stap long las pej blong Yearbook.