Miting Blong Kingdom Wok Blong Mei

Wik We i Stat Long Mei 6

Singsing 153

12 menet: Lokol mesej. Sam Advaes long Kingdom Wok Blong Yumi. Tokbaot ol plan blong prij long ol holide blong wol long Mei.

15 menet: “!Wok Wetem Fulhat Blong Yu!” Kwestin mo ansa. Sipos i gat taem, tokbaot “Ol Poen We Famle i Save Storeyan Long Olgeta” long Wajtaoa (Engglis) Oktoba 15, 1981, pej 25.

18 menet: “Tokbaot Trutok Long Ol Man Raonabaot.” Kwestin mo ansa. Tokbaot ol rod blong storeyan we oli stap ya. Leftemap tingting blong ol nyuwan blong joen long wok blong seremaot ol magasin, we oli yusum ol sot storeyan nomo. Mekem tu pleplei.

Singsing 148 mo laswan prea.

Wik We i Stat Long Mei 13

Singsing 63

7 menet: Lokol mesej. Ripot blong ol kaon.

18 menet: “Kristin Fasin Long Skul.” Kwestin mo ansa. Leftemap tingting blong ol papa mama blong tokbaot Wajtaoa, (Engglis) Julae 15, 1991, pej 23-26, wetem ol pikinini blong olgeta, antap moa ol haf we oli tokbaot ol traem we ol pikinini oli save kasem.

20 menet: “Distrik Asembli Blong 1996 ‘Ol Man Blong Talemaot Pis Blong God.’” Kwestin mo ansa long haf 1-​15. Ridim haf 10 mo 11.

Singsing 193 mo laswan prea.

Wik We i Stat Long Mei 20

Singsing 126

10 menet: Lokol mesej. Tokbaot ol plan blong prij long holide blong wol long Mei 27. Leftemap tingting blong evriwan blong joen long wok blong seremaot ol magasin.

15 menet: “Gohed Blong Talemaot Trutok.” Makem nid blong mekem ol visit bakegen long olgeta we yumi livim magasin wetem olgeta long spesel taem ya we yumi seremaot ol magasin, mo blong gat tingting blong statem ol nyufala Baebol stadi. Askem ol man blong mekem sabskripsen blong sikis manis no wan yia. Mekem tu sot pleplei.

20 menet: “Distrik Asembli blong 1996 ‘Ol Man Blong Talemaot Pis Blong God.’” Kwestin mo ansa long haf 16-​23. Ridim haf 16, 18. Tokbaot “Ol Samting Blong Tingbaot Long Saed Blong Distrik Asembli.”

Singsing 28 mo laswan prea.

Wik We i Stat Long Mei 27

Singsing 121

5 menet: Lokol mesej.

15 menet: Seremaot buk ya Save Blong Lidim Yu Long Laef We i No Save Finis. Fastaem, elda we i lukaot long wok blong prij i tokbaot from wanem oli wokem buk ya Save. Afta, hem wetem tu no tri pablisa we oli nafgud, oli tokbaot sam gudfala samting insaed long buk ya. Buk ya i ansarem ol kwestin long saed blong fyuja, ol trabol we ol man oli harem nogud from, Kingdom blong God, ol fasin we God i glad long olgeta, famle laef, mo ol blesing we oli kamaot from prea. Tu pablisa long grup ya oli mekem pleplei blong soem olsem wanem blong statem wan stadi long fastaem we yumi mitim man, no taem we yumi visitim hem bakegen. Nao elda we i lukaot long wok blong prij i tokbaot ol poen ya: Yumi mas mekem moa Baebol stadi we oli karem frut long wan taem we i sot moa. Buk ya i spesel blong givhan long yumi long rod ya. I gud sipos yumi stadi wan japta evri wik wetem studen, blong mekem se yumi save finisim buk ya long faef no sikis manis. From we buk ya i talemaot trutok long fasin we i positif mo klia, i no nid blong yusum ol narafala save. Ol kwestin long ol wanwan haf mo long en blong evri japta, oli givhan long yumi blong makem ol impoten poen. Buk ya i tokbaot ansa long olgeta kwestin we ol elda oli askem long ol nyuwan we oli jes givim laef blong olgeta i go long Jeova mo oli wantem tekem baptaes. Yumi hop se ol studen oli rere blong tekem baptaes taem oli finisim buk ya Save, mo we oli no nidim blong stadi long wan narafala buk bakegen. Leftemap tingting blong evriwan blong traehad blong statem ol nyufala stadi long Jun.

10 menet: Ansaa Long Wan Kwestin. Ridim mo tokbaot wetem kongregesen.

15 menet: “?Yu Yu Bisi Tumas?” Kwestin mo ansa. Sipos i gat taem, talem sam toktok we i kamaot long Wekap! (Engglis mo Franis) Jun 8, 1990, pej 14-​16. Askem long wan no tu pablisa blong talem olsem wanem oli naf blong mekem ol wok we i stap long bisi tiokratik program blong olgeta.

Singsing 155 mo laswan prea.