Miting Blong Kingdom Wok Blong Jun
Wik We i Stat Long Jun 3
Singsing 181
10 menet: Lokol mesej. Jusum sam Advaes long Kingdom Wok Blong Yumi. Tokbaot ripot blong prij long manis ya long ful kantri mo long kongregesen blong yufala.
15 menet: “Folem Fasin Blong Bilif Blong Olgeta.” Kwestin mo ansa. Tokbaot ol samting we oli pruvum se wan man i gat bilif, long Wajtaoa Septemba 15, 1991, long bokis long pej 13. Askem kwestin long wan no tu pablisa blong faenemaot wanem samting i bin halpem olgeta blong plante yia, blong stap gohed oltaem long wok blong Kingdom.
20 menet: “Seremaot Save We i Lidim Man Long Laef We i No Save Finis.” (Haf 1-3) Tokbaot haf 1. (Talem sam poen long Wajtaoa blong Janewari 15, 1996, pej 12-13, haf 11-12.) Eksplenem se nyufala plan blong laswan pej blong Kingdom Wok Blong Yumi i blong halpem yumi blong rere moa blong gobak long ol man we oli bin intres taem yumi visitim olgeta fastaem. Plante taem i waes blong visitim man bakegen afta wan no tu dei nomo bitim we yumi wet longtaem moa. Taswe, long sem Miting Blong Kingdom Wok nomo, bambae yumi tokbaot rod blong storeyan long man long fastaem we yumi mitim hem, mo storeyan we yumi save yusum taem yumi visitim hem bakegen. Blong smoltaem, tokbaot ol poen long haf 2 mo 3, mo mekem tu pleplei long tufala haf ya. Ol narafala pleplei long atikol ya bambae oli kamaot long Miting Blong Kingdom Wok nekis wik mo afta nekis wik.
Singsing 143 mo laswan prea.
Wik We i Stat Long Jun 10
Singsing 63
7 menet: Lokol mesej. Ripot blong ol kaon.
8 menet: Trenem Ol Pikinini Long Wok Blong Prij. Wan elda i givim tok. Stat taem ol pikinini blong yumi oli smol nomo, oli mas go wetem yumi long wok blong prij. Trening mo ekspiryens we oli kasem bambae i givim wan strong faondesen blong oli bilif mo wok strong long ol yia biaen. I impoten we oli luksave se oli mas tinghevi long wok blong prij mo gat gudfala fasin taem oli prij. Ol pikinini oli no mas mekem tumas noes. Wok blong prij i no taem blong pleplei. I moagud we oli folem ol bigman. Yumi mas halpem olgeta blong joen blong seremaot trutok, stret olsem oli naf blong mekem. (Lukluk Wajtaoa Ogis 1, 1988, pej 15, haf 20.) Ol papa mama oli mas lidim ol pikinini blong olgeta. Oli no mas sanem ol pikinini oli go long wok blong prij we i no gat wan bigman blong lukaot long olgeta. Talem ol gudfala toktok long ol pikinini taem oli wokgud.
10 menet: “Seremaot Save Blong Lidim Man Long Laef We i No Save Finis.” (Haf 4-5) Afta wan sot fastok, mekem tu pleplei long haf 4 mo 5, blong soem faswan taem we yumi mitim man mo taem we yumi visitim hem bakegen. Leftemap tingting blong ol pablisa blong gobak kwiktaem long olgeta we oli karem buk ya Save.
20 menet: “?Olsem Wanem Blong Yusum Buk Ya Save Blong Mekem Disaepol?” Toktok smol fastaem long saed blong haf 1 mo 2. Kwestin mo ansa long haf 3-11. Eksplenem se bambae yumi tokbaot lashaf blong atikol ya long Miting Blong Kingdom Wok long Julae mo Ogis. Talem long evriwan blong putum pepa ya i stapgud samples.
Singsing 92 mo laswan prea.
Wik We i Stat Long Jun 17
Singsing 157
10 menet: Lokol mesej. Wan Kwestin.
15 menet: “Storeyan Wetem Fasin Fren i Save Kasem Hat Blong Man.” Kwestin mo ansa. Singaot wan no tu pablisa blong talem sam gudfala ekspiryens we oli soem olsem wanem oli bin kasem frut taem oli storeyan wetem fasin fren long sam man.
20 menet: “Seremaot Save Blong Lidim Man Long Laef We i No Save Finis.” (Haf 6-7) Makemgud risen from wanem yumi mekem ol visit bakegen: Blong mekem intres i gru, statem wan stadi, mekem wan stret dei blong kambak. Blong smoltaem, tokbaot ol rod blong storeyan long haf 6 mo 7, nao mekem tu pleplei long tufala haf ya, mo soem olsem wanem blong statem Baebol stadi. Ridim haf 17 long pej 14 blong Wajtaoa Janewari 15, 1996.
Singsing 211 mo laswan prea.
Wik We i Stat Long Jun 24
Singsing 6
10 menet: Lokol mesej. Tokbaot ol spesel plan blong prij long Julae 4.
15 menet: Lokol nid. (Sipos no, givim wan tok we i stanap long Wajtaoa Janewari 1, 1996, pej 29-31, “Tijim Ol Man Long Trutok Long Stret Fasin Nomo”).
20 menet: “Givhan Long Olgeta Blong Wok Strong Bakegen.” Wan elda i givim tok ya wetem sam kwestin. Talem se i gud blong yusum Wajtaoa Ogis 15, 1992, haf ya “Kambak Long Mi, Mo Bambae Mi Kambak Long Yu” blong leftemap tingting blong olgeta we oli no moa prij. Tokbaot sam bigfala poen long Wajtaoa ya.
Singsing 71 mo laswan prea.