Miting Blong Kingdom Wok Blong Oktoba

Wik We i Stat Long Oktoba 7

Singsing 47

10 menet: Lokol mesej. Jusum sam Advaes long Kingdom Wok Blong Yumi. Tokbaot ripot blong prij blong Jun, long ful kantri mo long kongregesen blong yufala.

15 menet: Ansa Long Wan Kwestin. Elda we i lukaot long wok blong prij no wan narafala elda we i naf, i tokbaot save ya wetem kongregesen.

20 menet: “Mekemrere Prapa Toktok Blong Yu Blong Seremaot Ol Magasin.” (Haf 1-7) Askem ol kwestin long haf 1-4, nao mekem tu no tri sot pleplei blong soem olsem wanem blong seremaot ol nyufala magasin, folem ol tok long haf 5-7. Tokbaot sam poen long Wajtaoa blong Maj 1, 1987, pej 17, haf 8 mo 9.

Singsing 222 mo laswan prea.

Wik We i Stat Long Oktoba 14

Singsing 39

10 menet: Lokol mesej. Ripot blong ol kaon.

15 menet: “Talemaot Gud Nyus Blong Samting We i Moagud.” Kwestin mo ansa. Tokbaot sam impoten haf we oli bin kamaot long ol Wajtaoa.​—Lukluk Wajtaoa blong Maj 1, 1987, pej 13.

20 menet: “Mekemrere Prapa Toktok Blong Yu Blong Seremaot Ol Magasin.” (Haf 8-11) Kwestin mo ansa. Tokbaot fo advaes long Wajtaoa blong Janewari 1, 1994, pej 24 mo 25, haf 18-21. Yusum ol magasin blong Oktoba blong soem olsem wanem blong mekemrere wan rod blong storeyan: (1) Jusum wan haf we ating ol man long teritori oli save intres long hem, (2) lukaot wan gudfala poen blong tokbaot, (3) tingbaot wan kwestin we yu save yusum blong pulum man blong lukluk poen ya, (4) jusum wan vas blong ridim sipos yu gat jans, mo (5) mekemrere ol fastok blong yu, mo ol tok we bambae yu talem long saed blong magasin ya, blong pulum man blong karem sabskripsen. Askem tu no tri pablisa we oli naf blong mekem pleplei long ol wanwan rod blong storeyan. Askem wan yangfala blong soemaot wan isi rod blong seremaot ol magasin.

Singsing 82 mo laswan prea.

Wik We i Stat Long Oktoba 21

Singsing 169

15 menet: Lokol mesej. Eksplenem olsem wanem blong statem wan rod magasin: (1) Raetemdaon olgeta man we yu livim wan magasin wetem olgeta mo wanem haf yu bin soem long olgeta, (2) talem long olgeta se bambae yu kambak wetem ol nyufala magasin, mo (3) makemaot wan stret taem long program blong prij evri wik, we yu save mekem ol visit ya. Yu save askem ol man blong karem sabskripsen tu. No fogetem blong makem wan visit long ripot blong yu, evri taem yu karem magasin i go long wan man long rod magasin blong yu.

15 menet: “Wokemgud Ol Teritori Blong Yufala.” Tokbaot haf ya mo program blong kongregesen blong prij long ol stoa. Askem samfala long kongregesen blong talem ekspiryens we oli gat, taem oli prij long ol wanwan stoa we oli stap olbaot long teritori blong yufala.

15 menet: Lokol nid. Sipos no, wan elda i givim tok long haf ya “Holemtaet Strong Tingting Go Kasem En,” we i stap long Wajtaoa blong Mei 1, 1996, pej 21 kasem 24.

Singsing 12 mo laswan prea.

Wik We i Stat Long Oktoba 28

Singsing 27

10 menet: Lokol mesej. I gat plante lelebet holide blong wol long Novemba mo Desemba, we bambae i givim spel long wok mo long skul. Pulum evriwan long kongregesen blong tingbaot sipos oli save joen long wok blong haftaem paenia. Talem long olgeta blong putum ripot long wiken ya, long saed blong wok blong prij long Oktoba.

20 menet: “Olsem Wanem Blong Pemaot Taem.” Kwestin mo ansa. Tokbaot sam poen long Wajtaoa blong Desemba 1, 1989, pej 16 mo 17, haf 7-​11.

15 menet: Tokbaot Buk We Yumi Seremaot Long Novemba. Bambae yumi seremaot Save buk, mo yumi mekem spesel traehad blong gobak long olgeta man we yumi livim buk wetem olgeta, blong traem statem ol Baebol stadi. Tu no tri pablisa we oli naf, oli tokbaot from wanem buk ya i impoten mo olsem wanem blong yusum. Ol save insaed long buk ya i stret long laef blong olgeta man long evri ples. Hem i tokbaot ol stampa save mo rul blong Baebol we ol nyuwan oli mas kasem save long olgeta bifo we oli tekem baptaes. Sipos yumi no slou tumas long stadi ya, studen i save gohed kwik. Tokbaot mo mekem pleplei olsem wanem blong statem stadi, folem rod we yumi askem stret long man sipos hem i wantem wan Baebol stadi: Tokbaot pija mo ol tok aninit long pija long pej 4 mo 5. Eksplenem fasin blong stadi. Blong smoltaem, tokbaot haf 1 kasem 5 long japta 1. Putum wan taem blong kambak bakegen blong gohed blong storeyan, mo blong ansarem kwestin ya: “?Laef we i no save finis i wan drim nomo?” Makemgud glad we i save kamaot, taem yumi kasem blesing ya blong mekem Baebol stadi wetem narafala man.

Singsing 162 mo laswan prea.