Miting Blong Kingdom Wok Blong Mei
Wik We i Stat Long Mei 5
Singsing 130
10 menet: Lokol mesej. Jusum sam Advaes long Kingdom Wok Blong Yumi. Talem ol spesel plan blong prij long taem blong spel long Mei.
12 menet: “Folem Jisas Oltaem.” Kwestin mo Ansa. Tokbaot sam store we oli kamaot long Wajtaoa blong Jun 1, 1993, pej 12.
23 menet: “Soem Trufala Fasin Kea Long Olgeta We Oli Intres.” Kwestin mo Ansa. Makemgud nid blong gobak long ol man we oli soem intres. Talem sam rod blong askem long waes fasin, adres blong olgeta we yumi mitim olgeta long ol pablik ples, blong yumi save go luk olgeta bakegen. Askem tu pablisa we oli nafgud blong mekem tu pleplei long haf 6-9. Tokbaot bokis ya, “Olsem Wanem Blong Karem Frut Long Ol Visit,” long pepa we i stap long medel blong Kingdom Wok Blong Yumi, Maj 1997. Leftemap tingting blong evriwan blong makemaot taem blong mekem ol visit evri wik.
Singsing 151 mo laswan prea.
Wik We i Stat Long Mei 12
Singsing 133
10 menet: Lokol mesej. Ripot blong ol kaon.
15 menet: Ansa Long Wan Kwestin. Wan elda i givim tok ya.
20 menet: Sekretari blong kongregesen i givim wan tok long haf ya “?Blong Wanem Yumi Putum Ripot Blong Prij?” long buk ya, Ol Rul Blong Mekem Minista Wok Blong Yumi, pej 101-104. Mekem ol save i laenap wetem ol nid blong kongregesen. Eksplenem from wanem i impoten blong putum ripot blong prij evri manis, mo wanem we pablisa i save mekem sipos hem i fogetem blong putum ripot blong hem long stret taem. Soem from wanem i moa gud blong raetemdaon samting we yumi mekem long wok blong prij evri dei, i bitim we yumi raetemdaon long en blong manis nomo. Givim sam narafala advaes we i stret long kongregesen.
Singsing 162 mo laswan prea.
Wik We i Stat Long Mei 19
Singsing 139
10 menet: Lokol mesej.
20 menet: “Mekem Ol Baebol Stadi We Oli Gohedgud.” Wan brata we i nafgud i storeyan long haf ya wetem wan no tu pablisa we oli mekem ol Baebol stadi we oli gohedgud. Oli yusum sam haf blong buk ya Save, blong soem sam rod blong tij we oli bin yusum blong mekem se stadi i gohedgud, mo blong luksave wanem samting studen i stap lanem.—Lukluk pepa we i stap long medel blong Kingdom Wok Blong Yumi, Jun 1996, haf 5, 8, 12, mo 21.
15 menet: Lokol nid. Sipos no, wan tok long haf ya, “Lukaot Long Prapa Famle Blong Yu—Winim Traem Ya Long Ol Pua Kantri,” long Wajtaoa blong Oktoba 1, 1996, pej 29-31.
Singsing 165 mo laswan prea.
Wik We i Stat Long Mei 26
Singsing 148
15 menet: Lokol mesej. Tokbaot buk we yumi seremaot long manis Jun. Wetem buk ya Save, eksplenem olsem wanem yumi save yusum ol tingting blong haf 17-19 long pej 10-11 blong mekemrere wan smol storeyan. Leftemap tingting blong evriwan blong traehad blong statem ol nyufala Baebol stadi. Makemgud nid blong givhan long olgeta we oli intres, blong oli gohed kwiktaem.—Lukluk Wajtaoa blong Janewari 15, 1996, pej 13-14.
12 menet: “?From Wanem Yumi Stap Prij Long Ol Man Bakegen Mo Bakegen?” Kwestin mo Ansa. Tokbaot sam poen long bokis long pej 570 long buk ya Proclaimers.
18 menet: Lokol nid. Wan elda i mekem tok ya, no tu elda i storeyan long wan nid blong kongregesen long saed blong speret. Givim advaes blong Baebol, mo talem sam rod we oli save wokgud blong halpem kongregesen blong kamgud moa.
Singsing 174 mo laswan prea.