Miting Blong Kingdom Wok Blong Jun
Wik We i Stat Long Jun 2
Singsing 181
8 menet: Lokol mesej. Jusum sam Advaes long Kingdom Wok Blong Yumi. Tokbaot ripot blong wok blong prij long trifala kantri, mo long kongregesen blong yufala.
15 menet: “Traehad Long Evri Rod.” Kwestin mo ansa.—Lukluk tu long Wajtaoa (Engglis mo Franis), Epril 15, 1993, pej 28-30.
22 menet: “Save Blong God i Ansarem Plante Kwestin.” Jeaman i tokbaot haf ya wetem tu no tri pablisa, we wan long olgeta i wan yangfala. Tokbaot haf 1, mo makemgud from wanem buk ya Save i nambawan blong givhan long yumi blong ansarem ol kwestin. Soem olsem wanem blong mekem pleplei long haos blong lanem ol rod blong storeyan, mo givim advaes long ol wanwan pleplei olsem wanem blong kamgud moa.
Singsing 200 mo laswan prea.
Wik We i Stat Long Jun 9
Singsing 189
10 menet: Lokol mesej. Ripot blong ol kaon.
20 menet: “Distrik Asembli Blong 1997, ‘Bilif Long Tok Blong God.’ ” (Haf 1-15) Kwestin mo ansa. Ridim haf 8, 10, mo 13. Makemgud ol tok blong Baebol blong soem from wanem i impoten blong lukaotgud long klos mo fasin blong yumi olsem ol Kristin, mo blong stap oltaem wetem ol pikinini blong yumi.
15 menet: Gudfala Fasin Blong Tijim Ol Narafala—Samting We Yumi Nidim Kwiktaem. Wan elda i givim tok ya. Tokbaot ripot long wok blong prij long fulwol long 1996, we i stap long 1997 Yearbook, pej 33. Fasin blong yumi blong traehad moa blong tekem jans blong prij long evri ples, i stap karem frut. Be samting we yumi nidim kwiktaem naoia, hemia blong faenem ol man ya bakegen mo tijim olgeta long trutok. Taem yumi mitim olgeta long ol pablik ples, askem olgeta long kaen fasin blong givim nem mo adres blong olgeta, blong yu save go luk olgeta bakegen. Yumi mas mekem moa bitim we yumi planem sid blong Kingdom nomo. Yumi mas putum wora long hem tu. (1 Kor. 3:6-8) Taem sid i foldaon long gudfala graon, gudfala fasin blong tij i save halpem man blong kasem mining blong trutok. (Mat. 13:23) Yumi mas joen fulwan long wok blong tijim ol man mo traehad blong gat gudhan. (Hib. 5:12a) Tokbaot sam poen long pepa we i stap long medel blong Kingdom Wok Blong Yumi, Jun 1996, haf 25 mo 26. Makemgud se yumi mas traehad blong statem ol stadi long buklet ya Samting We God i Wantem, no long Save buk.
Singsing 204 mo laswan prea.
Wik We i Stat Long Jun 16
Singsing 192
10 menet: Lokol mesej. Talem sam poen blong tokbaot long ol nyufala Wajtaoa mo Wekap!
18 menet: “Distrik Asembli Blong 1997, ‘Bilif Long Tok Blong God.’ ” (Haf 16-22) Kwestin mo ansa. Ridim haf 16 mo ol vas we oli no raetem ol tok blong olgeta fulwan. Makemgud se yumi no mas mekem fasin olbaot mo yumi mas tingbaot ol narafala, antap moa long saed blong ol jea. Finis wetem wan sot tok long “Ol Samting Blong Tingbaot Long Saed Blong Distrik Asembli.”
17 menet: Luksave Sipos Skul Blong Yu i Tru No i Gyaman. Wan elda i storeyan wetem tu no tri pablisa we oli gat gudhan long wok blong prij. Storeyan ya i stanap long Wekap! (Engglis mo Franis), Desemba 22, 1989, pej 18. Bakegen mo bakegen, yumi visitim plante man we i luk olsem se oli gat gudhat. Be, oli neva wantem blong stadi Baebol. Tokbaot olsem wanem yumi save yusum sam poen long Wekap! ya blong halpem olgeta blong luksave se oli mas tekem aksin we i laenap wetem stret save. Tokbaot sam stampa poen long Save buk, long japta 5: “?God i Agri Long Wosip Blong Hu?’ Ridim haf 20. Yumi save visitim ol man ya bakegen blong pulum olgeta long kaen mo waes fasin, blong mekem wan stadi mo blong kam long ol miting.
Singsing 201 mo laswan prea.
Wik We i Stat Long Jun 23
Singsing 193
10 menet: Lokol mesej.
15 menet: ?Oli Stap Talem Wanem Long Saed Blong Yumi? Wan tok we i stanap long ol save long Watch Tower Publications Index 1986-1995, pej 341 kasem 343. Jusum sam gudfala “Toktok Blong Ol Narafala” long saed blong ol Wetnes blong Jeova—fasin mo wok blong yumi. Soem olsem wanem sam narafala oli bin sapraes mo glad long ol fasin blong yumi. Eksplenem from wanem samting ya i mas pusum yumi blong mekem ol gudfala fasin oltaem, mo blong holemstrong long wok blong yumi. Soem olsem wanem blong yusum ol gudfala toktok, taem yumi stap storeyan wetem ol fren mo ol man we oli intres long trutok we oli wantem save moa long saed blong ol Wetnes.
20 menet: “Papa Mama—Tijim Pikinini Blong Yu Blong Prij.” Kwestin mo ansa. Tokbaot advaes long buk ya Minista Wok Blong Yumi, pej 99 mo 100, aninit long stampa tok ya “Givhan Long Ol Yangfala.”
Singsing 211 mo laswan prea.
Wik We i Stat Long Jun 30
Singsing 197
10 menet: Lokol mesej. Talem long evriwan blong putum ripot blong wok blong prij blong Jun.
20 menet: “Yangfala—?Wanem Ol Mak Long Saed Blong Speret We Yu Stap Traehad Blong Kasem?” Tu papa oli tokbaot haf ya tugeta. Oli tokbaot olsem wanem blong givhan long ol pikinini blong olgeta blong luksave se i impoten blong putum ol tiokratik mak, i bitim we oli ronem ol sas samting. Fasin ya bambae i karem ol blesing long saed blong speret.—Lukluk tu, buk ya Minista Wok Blong Yumi, pej 116 kasem 118.
15 menet: Mekemrere Blong Seremaot Buk Long Julae. Jusum wan no tu buklet we ol man oli laekem long ples blong yufala, mo tokbaot sam gudfala poen long tufala ya. Talem sam rod blong joenem ol poen ya wetem storeyan blong yumi. Talem long evriwan blong raetemdaon ol man we oli livim buklet wetem olgeta, mo gobak blong mekem intres i gru.
Singsing 109 mo laswan prea.