Miting Blong Kingdom Wok Blong Julae

Wik We i Stat Long Julae 7

Singsing 6

10 menet: Lokol mesej. Jusum sam advaes long Kingdom Wok Blong Yumi. Toktok smol long saed blong ripot blong prij long ful kantri mo long kongregesen blong yufala.

15 menet: “Fasin Blong Holemstrong Long Wok Blong God i Karem Pei.” Kwestin mo ansa. Storeyan long Wekap! blong Janewari 22, 1993, pej 18-​21.

20 menet: “Givhan Long Ol Narafala Blong Haremgud.” Kwestin mo ansa. Mekem wan no tu pleplei. Askem long samfala blong talem sam narafala rod blong statem ol storeyan wetem ol buklet ya. Pulum ol brata mo sista blong yusum ol gudfala, isi tok blong wekemap intres blong ol man. (Lukluk School Guidebook, pej 7, haf 9-​11.) Talem nem blong ol narafala buklet we yumi save seremaot mo we kongregesen i gat.

Singsing 70 mo laswan prea.

Wik We i Stat Long Julae 14

Singsing 5

12 menet: Lokol mesej. Ripot blong ol kaon. Tokbaot “Stadi Long Man We i Hae Moa Long Olgeta Man.”

18 menet: “Prij Long Evri Ples We i Gat Man.” Wan tok. Sipos i gat taem, yu save talem sam store we oli kamaot long 1997 Yearbook, pej 43-46.

15 menet: Papa Mama​—Stat Tijim Ol Pikinini Blong Yufala Taem Oli Smol Nomo. Elda i tokbaot sam poen long Baebol blong soemaot se ol papa mama oli nidim blong stat tijim ol pikinini blong olgeta taem oli smol nomo. (Prov. 22:6; 2 Tim. 3:​14, 15) Samfala papa mama oli ting se oli no mas tijim pikinini blong olgeta long Baebol gogo hem i gat naf yia blong mekem prapa disisen blong hem. Plante long ol pikinini olsem oli folem ol fasin blong wol ya. Tijing long saed blong speret i mas stat taem oli bon. (g97 3/8 26-7; w88 8/1 12-​13 Engglis mo Franis) Askem kwestin long wan hasban mo waef we tufala i wari long ol pikinini blong tufala long saed blong speret. Soem olsem wanem papa i lidim famle, be tufala tugeta i folem wan gudfala program oltaem blong tijim ol pikinini blong tufala. Tufala i talem wanem samting tufala i bin mekem blong tijim ol pikinini blong tufala long trutok, mo blong folem ol advaes we ogenaesesen i givim long saed blong wan gudfala program we i wok blong tijim ol pikinini long haos. Elda i makemgud se i impoten we ol papa mama oli folem ol advaes we Tok blong God i givim.​—w85 4/1 23 (Engglis); Efes. 6:​1-4.

Singsing 71 mo laswan prea.

Wik We i Stat Long Julae 21

Singsing 14

12 menet: Lokol mesej. Tokbaot “Program Blong Nekiswan Seket Asembli.”

13 menet: “?Bambae Mifala i Sanem Hu?” Wan tok we i soem strong tingting. Pulum ol brata mo sista blong kam fultaem paenia, mo tokbaot store long pej we i stap long medel blong Kingdom Wok Blong Yumi blong Febuwari 1997, haf 16 mo 17. Olgeta we oli no naf blong kam fultaem paenia, maet oli makemaot ol manis we oli save mekem haftaem paenia long yia we i kam.

20 menet: Reregud Blong Tekem Evri Jans Blong Prij. Evri dei, yumi gat jans blong prij long ol man we yumi mitim olgeta. Taem i gat jans, maet yumi no karem wan Baebol mo sam buk wetem yumi. Tingrere fastaem. Long haos, putum sam buk oli stap kolosap long doa we ol man oli kilim taem oli kam visitim yu. Fulumap sam buk long wan basket no plastik, mo putum i stap long trak blong yu, ples blong wok, no long kabod blong yu long skul. Karem sam smol buk wetem yu taem yu tekem bas no taksi. Fulumap sam buk long bokis blong yu taem yu wokbaot long plen no bot blong go mekem bisnes samples, go long asembli, no go spel. Tokbaot sam moa advaes long School Guidebook, pej 80-82, haf 11-​16. Mekem sam sot pleplei olsem wanem blong stat storeyan wetem wan man we i kam blong salem ol samting, wan we i wok wetem yu, wan fren long skul, wan we i mekem trep wetem yu, no wan we yu mitim hem taem yu stap spel.

Singsing 72 mo laswan prea.

Wik We i Stat Long Julae 28

Singsing 15

12 menet: Lokol mesej. Talem bakegen long evriwan blong putum ripot blong prij. Tokbaot buk we yumi seremaot long Ogis. Traehad blong gobak long olgeta man we oli karem ol buklet long Julae, mo traem statem ol Baebol stadi. Yusum pej we i stap long medel blong Kingdom Wok Blong Yumi long Maj 1997, mo tokbaot sam samting we yumi nidim blong mekem long ol visit, blong karem frut long wok blong yumi. Yumi mas statem stadi long buklet ya Samting We God i Wantem no long Save buk.

15 menet: Lokol nid.

18 menet: Mekemgud Minista Wok Blong Yu. Elda we i lukaot long wok blong prij i givim tok ya we i stanap long buk ya Minista Wok Blong Yumi, pej 5-8. Makem se wok blong prij i impoten tumas, mo yumi mas wok had mo kwik long hem from taem i sot. Long rod ya, pulum evriwan blong tinghevi long wok blong olgeta olsem ol minista.

Singsing 75 mo laswan prea.