Miting Blong Kingdom Wok Blong Oktoba
Wik We i Stat Long Oktoba 6
Singsing 39
10 menet: Lokol mesej. Sam Advaes long Kingdom Wok Blong Yumi.
15 menet: “?I Save Gat Wan Taem We Olgeta Man Bambae Oli Laeklaekem Olgeta?” Kwestin mo ansa. Tokbaot ol bigfala poen long Kingdom Nyus Namba 35. Soem olsem wanem traket ya bambae i givhan long ol man long teritori blong yumi. Makemgud se yumi nidim blong mekem plan naoia blong joen fulwan long wok blong seremaot traket ya, mo tinghevi long wok blong gobak long ol man we oli soem intres.
20 menet: “Seremaot Kingdom Nyus Namba 35 Long Evri Ples.” Elda we i lukaot long wok blong prij i givim tok ya. Tokbaot ol plan blong kongregesen blong mekem moa wok long spesel taem ya. Tokbaot sam rod blong mekem sua se yumi finisim olgeta teritori blong yumi. Ol pablisa oli save yusum Kingdom Nyus Namba 35 blong prij long ol man we oli stap wet blong karem bas, long ol smol stoa, long ples blong putum ol trak, mo long sam narafala ples olsemia. Talem sam rod blong givhan long olgeta we oli wantem stat prij. Tokbaot pepa long medel blong Kingdom Wok Blong Yumi long Epril 1995, haf 11. Mekem tu no tri sot pleplei.
Singsing 126 mo laswan prea.
Wik We i Stat Long Oktoba 13
Singsing 41
12 menet: Lokol mesej. Ripot blong ol kaon. Tokbaot sam poen we yumi save yusum long ol nyufala Wajtaoa mo Wekap! taem yumi prij. Talem bakegen long kongregesen se long ol wiken, bambae yumi seremaot ol Wajtaoa mo Wekap! wetem Kingdom Nyus Namba 35. Yumi mas gobak long ol man we oli soem intres mo askem olgeta blong mekem wan sabskripsen.
15 menet: Lokol nid.
18 menet: “?Yu Yu Mekem Wanem Taem Ol Man Oli No Wantem Lesin?” Tu elda oli storeyan long saed ya. Tufala i talem sam poen long Wajtaoa (Engglis) Julae 15, 1974, pej 445 mo 446 (Franis, Novemba 1, 1974, pej 669-670), aninit long smol stampa tok ya “Sam Rod Blong Winim Fasin Ya We Ol Man Oli No Wantem Lesin.”
Singsing 130 mo laswan prea.
Wik We i Stat Long Oktoba 20
Singsing 42
15 menet: Lokol mesej. Blong smoltaem, tokbaot sam bigfala poen long nyufala buklet ya, A Book for All People. Talem se Sosaeti i wokem buklet ya blong halpem ol man we oli bin skulgud be we oli no gat plante save long saed blong Baebol. Buklet ya i no yusum plante toktok blong traem mekem olgeta oli bilif se Baebol i kamaot long God, be hem i talemaot ol trufala samting nomo we oli save pulum ol man ya blong oli bilif. Leftemap tingting blong ol man we oli save ridim Engglis mo Franis blong ridim buklet ya. Tokbaot sam store long 1996 Yearbook, pej 6-8, long saed blong “Wok Blong Seremaot Kingdom Nyus Long Olgeta Ples Blong Wol.” Makemgud bigfala fasin traehad blong ol wanwan pablisa long lastaem we yumi bin seremaot Kingdom Nyus. Pulum olgeta evriwan blong joen fulwan long wok blong seremaot Kingdom Nyus Namba 35.
15 menet: “?Yu Yu Stap Kakaegud Long Saed Blong Speret?” Wan tok we i stanap long Wajtaoa blong Epril 15, 1997, pej 28-31.
15 menet: “?Yu Yu Wan Fultaem Wetnes?” Wan elda i givim tok ya.
Singsing 133 mo laswan prea.
Wik We i Stat Long Oktoba 27
Singsing 43
12 menet: Lokol mesej. Tokbaot olsem wanem wok blong seremaot Kingdom Nyus Namba 35 i stap gohed. Askem long samfala long kongregesen blong talem sam gudfala store long saed blong wok ya. Talem hamas teritori we yumi prij long hem finis, mo wanem we yumi mas mekem blong finisim olgeta teritori bifo long Novemba 16. Afta we yumi finisim olgeta teritori, bambae yumi seremaot Save buk long ol laswan dei blong manis Novemba. Makemgud se yumi mas traem statem ol nyufala Baebol stadi taem yumi visitim ol man we yumi bin storeyan gud wetem olgeta long saed blong Kingdom Nyus.
15 menet: “?Olsem Wanem Blong Faenem Hop Taem Tingting i Foldaon Olgeta?” Wan elda i givim tok ya we i stanap long Wajtaoa blong Mei 15, 1997, pej 22-25.
18 menet: Letem Laet Blong Yu i Saenaot. Tok wetem kwestin mo ansa long buk ya Minista Wok blong Yumi, pej 84-88. Mekem plan wetem sam pablisa bifo long taem blong miting ya, blong oli ansagud long ol kwestin ya: (1) ?From wanem ol Wetnes blong Jeova oli stap prij long olgeta haos wanwan? (2) ?Fasin ya blong prij long ol wanwan haos i bigwan olsem wanem long faswan handred yia? (3) ?From wanem i impoten tumas we yumi prij long olgeta haos wanwan tede? (4) ?Wanem sam samting we oli save mekem i hadwok long yumi blong joen long wok ya oltaem? (5) ?Wanem samting i save givhan long yumi blong stanap strong long wok ya? (6) ?Wanem blesing we yumi kasem taem yumi letem laet blong yumi i saenaot? (7) ?Yumi save mekem wanem blong faenem moa man? Blong soemaot poen ya, askem tri no fo pablisa blong talemaot sam gudfala store long saed blong wok blong prij long ol stoa mo long rod.
Singsing 136 mo laswan prea.