Miting Blong Kingdom Wok Blong Epril

Wik We i Stat Long Epril 6

Singsing 27

10 menet: Lokol mesej. Sam Advaes long Kingdom Wok Blong Yumi. Talem bakegen stret taem mo ples blong Memoriol long Sarede, Epril 11. Tiokratik Nyus.

15 menet: “Wok Blong Prij​—Wan Rod Blong Soemaot Trufala Lav.” Kwestin mo ansa. Blong smoltaem, tokbaot Wajtaoa (Engglis mo Franis) Febuwari 1, 1987, pej 16-​17, haf 3-7.

20 menet: “Ol Magasin Oli Talemaot Kingdom.” Wan elda i tokbaot haf ya wetem wan grup blong tri no fo pablisa we oli seremaot plante magasin. Tokbaot ol gudfala samting long saed blong ol nyufala magasin, mo soem sam rod blong joenem ol poen ya wetem storeyan blong yumi taem yumi seremaot olgeta. Tokbaot olsem wanem yumi save seremaot moa magasin long ples blong yumi. Soem sam haf blong ol nyufala magasin we oli save pulum intres blong ol man, olsem ol haf we oli tokbaot ol problem long laef blong ol man wanwan, ol problem long famle, mo long velej tu. Mekem tu no tri sot pleplei blong soem olsem wanem blong seremaot ol magasin ya.

Singsing 205 mo laswan prea.

Wik We i Stat Long Epril 13

Singsing 90

10 menet: Lokol mesej. Ripot blong ol kaon.

15 menet: Lokol nid.

20 menet: “Joen Long Ol Miting​—‘Yufala i Mas Mekem Samting Ya Moa.’” Kwestin mo ansa. Sipos i gat taem, tokbaot sam advaes long buk ya Minista Wok Blong Yumi, pej 62-63. Talem sam gudfala toktok blong leftemap tingting blong olgeta we oli stap kam oltaem long ol miting.

Singsing 119 mo laswan prea.

Wik We i Stat Long Epril 20

Singsing 5

10 menet: Lokol mesej. Talem se i no let tumas blong fulumap pepa blong haftaem paenia long Mei.

10 menet: Ansa Long Wan Kwestin. Wan elda i givim tok ya. Wetem kaen fasin, hem i soem klia olsem wanem kongregesen i save kamgud moa long poen ya.

25 menet: “I Nidim Moa Baebol Stadi.” Elda we i lukaot long wok blong prij i givim wan tok wetem sam kwestin mo ansa. Tokbaot ol Baebol stadi we kongregesen i stap mekem. Talem ol gudfala tok blong leftemap tingting from gudfala wok we evriwan i mekem. Soem se i gat moa we yumi save mekem blong statem mo lidim ol Baebol stadi, mo long saed blong ol famle stadi tu. Askem sam kwestin long wan papa we i stap mekem famle stadi oltaem, blong soemaot ol poen long haf 5. Ridim haf 8, mo makemgud ol 8 poen ya. Blong eksplenem haf 13, askem wan pablisa we i gat gudhan blong mekem ol Baebol stadi, blong talem olsem wanem yumi save mekem stadi long ol save we i laenap wetem nid blong studen. Talem wan gudfala store blong wan Baebol stadi long kongregesen we gudfala frut i kamaot long hem.

Singsing 109 mo laswan prea.

Wik We i Stat Long Epril 27

Singsing 100

12 menet: Lokol mesej. Talemaot nem blong ol haftaem paenia long Mei. Tokbaot taem blong ol miting blong prij we kongregesen i plan blong mekem long manis Mei. Talemaot sam poen we oli save givhan blong mekemrere sam gudfala rod blong storeyan wetem ol nyufala magasin.​—Lukluk Kingdom Wok Blong Yumi, Oktoba 1996, pej 8.

15 menet: ?Olsem Wanem Ol Kristin Man Blong Lukaot Long Sipsip Oli Givhan Long Yumi? Wan elda i givim tok we i stanap long Wajtaoa blong Maj 15, 1996, pej 24-27.

18 menet: Holem Gudfala Tingting Taem Yumi Wok Long Teritori We Yumi Prij Plante Long Hem. Wan elda i tokbaot poen ya wetem tu no tri pablisa we tingting blong olgeta i slak from we oli no faenem plante man we oli intres, long teritori we oli stap wok plante taem long hem. Hem i tokbaot Wajtaoa (Engglis mo Franis) blong Julae 15, 1988, pej 16-19, haf 4-​14. Wetem glad, oli tokbaot olsem wanem oli save folem advaes ya long teritori blong olgeta.

Singsing 191 mo laswan prea.