Miting Blong Kingdom Wok Blong Julae
Wik We i Stat Long Julae 6
Singsing 110
10 menet: Lokol mesej. Sam Advaes long Kingdom Wok Blong Yumi. Tokbaot ripot blong prij blong Maj, long ful kantri mo long kongregesen blong yufala. Tiokratik nyus.
15 menet: “!I Gud Tumas Blong Joen Oltaem Long Miting!” Kwestin mo ansa. Talemaot sam poen we oli kamaot long Wekap! blong Jun 8, 1988, pej 19-21, we oli save pulum ol yangfala blong kam long miting oltaem.
20 menet: “Ol Man Raonabaot Long Yumi Oli Nidim Blong Harem Gud Nyus.” Mekem plan blong tu no tri pablisa we oli gat gudhan long wok blong prij, oli tokbaot rod blong seremaot sam buklet we kongregesen i gat. Eksplenem from wanem ol buklet ya oli gud long teritori blong yufala. Makemgud se yumi mas traem statem ol Baebol stadi long buklet ya Samting We God i Wantem, mo buk ya Save. Mekem pleplei long fastaem we yumi prij long wan man, mo long wan visit we yumi askem man blong stadi.
Singsing 73 mo laswan prea.
Wik We i Stat Long Julae 13
Singsing 116
10 menet: Lokol mesej. Ripot blong ol kaon. Pulum evriwan blong tingting long wok blong haftaem paenia long Ogis, from we manis ya i gat faef wiken long hem.
15 menet: Lokol nid.
20 menet: ?Fasin Blong Wol i Stap Posenem Yu? Wan elda i givim tok ya we i stanap long Wajtaoa blong Oktoba 1, 1997, pej 25-29.
Singsing 182 mo laswan prea.
Wik We i Stat Long Julae 20
Singsing 18
8 menet: Lokol mesej. Tokbaot bokis ya “!250!”
12 menet: “Wan Visit We i Save Givim Blesing.” Tu elda i storeyan. Tufala i eksplenem from wanem ol elda oli mekem wok blong visitim ol brata mo sista blong leftemap tingting blong olgeta, olsem Wajtaoa blong Septemba 15, 1993, pej 20-23, i tokbaot. Wetem kaen fasin, leftemap tingting blong evriwan long kongregesen blong wet wetem glad long visit blong ol elda.
25 menet: “Wok Blong Paenia—?Yu Yu Save Joen Long Hem?” (Haf 1-14) Fastaem, elda we i lukaot long wok blong prij i givim wan sot tok blong pulum evriwan long kongregesen blong tingbaot gud sipos oli save joen long wok blong fultaem paenia. Biaen, hem i tokbaot kwestin 1, mo i talem sam poen long haf ya “Soemaot Tingting Blong Paenia Wetem Glad” (“Enthusiastic Pioneer Spirit”), we i kamaot long 1998 Yearbook, pej 104-105. Tu no tri memba blong kongregesen we oli paenia no oli bin paenia, oli kam joen wetem hem blong tokbaot kwestin 2. Long fasin we i tru mo i laenap wetem laef blong yumi, oli soemaot olsem wanem ol paenia oli save kasem naf mane blong pem ol samting we oli nidim. Nao wan papa mo mama oli joen wetem grup ya blong tokbaot kwestin 3. Oli talem ol gudfala risen from wanem ol yangfala oli mas tingbaot gud blong jusum wok blong paenia olsem bigfala wok long laef blong olgeta. Pulum evriwan blong kam long Miting Blong Kingdom Wok nekis wik, from we bambae yumi tokbaot ol narafala kwestin we oli stap.
Singsing 80 mo laswan prea.
Wik We i Stat Long Julae 27
Singsing 155
15 menet: Lokol mesej. Pulum tingting blong evriwan blong putum ripot blong prij blong Julae. Talemaot ol plan blong prij blong faswan wiken long Ogis, mo pulum evriwan blong joen long wok blong prij. Tokbaot “Program Blong Nekiswan Seket Asembli.”
30 menet: “Wok Blong Paenia—?Yu Yu Save Joen Long Hem?” (Haf 15-25) Wan elda i givim tok mo i askem sam kwestin. Mekem plan fastaem wetem sam paenia mo samfala we oli bin paenia long ol yia we oli pas, blong talemaot ol samting we i stap long hat blong olgeta, blong ansa long kwestin 4-5. Oli save makem nid blong gat wan gudfala plan mo blong folemgud plan ya. Oli save talem sam program blong prij evri wik, we oli rili wok. Elda i finisim haf ya wetem wan tok long kwestin 6, we i save pusum ol man we oli lesin blong wantem joen long wok blong paenia. Long nyufala sevis yia long Septemba 1, hemia wan gudfala taem blong stat long wok blong fultaem paenia. Yumi save askem eni memba blong Sevis Komiti blong kongregesen blong givim pepa we yumi mas fulumap.
Singsing 51 mo laswan prea.