Advaes

◼ Ol buk we yumi seremaot long Oktoba: Wajtaoa mo Wekap! Taem yumi mekem visit long man we i soem intres, yumi save askem hem blong mekem sabskripsen. Novemba: Save Blong Lidim Yu Long Laef We i No Save Finis. Desemba: Save Blong Lidim Yu Long Laef We i No Save Finis wetem New World Translation. Janewari: Eniwan buk we i gat 192-pej, we Sosaeti i wokem bifo long 1985, we kongregesen i gat long stok. Ol kongregesen we oli no gat ol buk olsem, oli save seremaot ol buk ya: True Peace and Security​—How Can You Find It? no Yu Save Laef Foreva Long Paradaes Long Wol.

◼ Pepa we i stap wetem Kingdom Wok blong manis ya, hem i “Program blong Tiokratik Ministri Skul blong 1999.” Putum pepa ya i stapgud blong yusum tru long yia 1999.

◼ Sipos dei blong ol miting long kongregesen blong yu i jenis long Janewari 1, maet bambae yu nidim blong odarem sam niufala pepa we i gat niufala program blong ol miting.

◼ Ol pepa blong singaot man i kam long memoriol long 1999, bambae oli kam wetem ol narafala fom we kongregesen i nidim long yia. Sipos i nidim sam pepa olsem, long narafala lanwis blong yusum long teritori blong yufala, yufala i mas askem samting ya kwiktaem mo raetem long fom ya Mifala i Odarem Ol Buk Ya (S-14). Ol pepa blong singaot man i kam long memoriol oli stap long ol lanwis ya: Bislama, Engglis, Franis, Walis.

◼ Bambae yufala i glad blong save se cd-rom blong Watchtower Library i kamaot finis long franis lanwis. Nyufala tul ya bambae i givhan bigwan long yufala taem yufala i traem faenem moa long saed blong ol kwestin blong Baebol. Yufala i save pasem oda blong yufala long ples blong ol buk.

◼ Ol kongregesen oli save stat naoia blong odarem Ridimgud Ol Tok Blong Baebol​—1999 wetem oda blong ol buk long Oktoba. Yufala i save kasem buk ya long ol lanwis blong Bislama, Engglis, Franis, mo Walis. Go kasem taem we ol buk ya oli rere mo ofis i sanemaot olgeta, bambae i gat “En Attente” long ol pepa we kongregesen i kasem. Ridimgud Ol Tok Blong Baebol i wan samting we yu mas mekem spesel oda long hem.

◼ Ol Niufala Buk We Yufala i Save Kasem Naoia:

Apply Yourself to Reading and Writing ​—Engglis

◼ Ol Niufala Kaset We Yufala i Save Kasem

Families​—Make Daily Bible Reading Your Way of Life! (Drama, long wan kaset nomo) ​—Engglis

Marked for Survival (Drama, long wan kaset nomo) ​—Engglis