Miting Blong Kingdom Wok Blong Oktoba

Wik We i Stat Long Oktoba 5

Singsing 199

10 menet: Lokol mesej. Sam Advaes long Kingdom Wok Blong Yumi.

15 menet: “Yumi Kasem Blesing From Asembli Ya ‘Fasin Blong Laef We God i Glad Long Hem.’” Kwestin mo ansa. Soem niufala buk mo buklet we yumi jes kasem, mo talem sam rod we yumi save folem blong yusumgud tufala.

20 menet: “‘Planem Sid Blong Kingdom’ Long Ol Rod Magasin.” Storeyan wetem olgeta we oli stap lesin. Askem sam brata mo sista blong talem olsem wanem oli statem mo gohed blong mekem wan rod magasin. Biaen, mekem wan pleplei blong soem olsem wanem blong wokem rod blong karem ol niufala magasin i go long olgeta we oli mekem rod magasin. Soem olsem wanem yumi save eksplenem gud rod blong yusum mane we yumi askem long man from ol magasin.

Singsing 133 mo laswan prea.

Wik We i Stat Long Oktoba 12

Singsing 42

5 menet: Lokol mesej. Ripot blong ol kaon.

10 menet: “Olgeta We Oli Lidim Kongregesen​—Sekretari.” Sekretari blong kongregesen i givim tok ya, mo i tokbaot ol defren wok blong hem. Hem i soemaot se evriwan i save wokgud wetem hem, sipos oli putum ripot blong olgeta kwiktaem long en blong manis.

10 menet: Oli Gat Strong Tingting Blong Paenia. Wan tok we i leftemap tingting. Tok ya i stanap long 1998 Yearbook, pej 104-107. Eksplenem from wanem i gat plante paenia long Japan, wanem i givhan long ol waef blong putum ol samting long saed blong spirit long fasples, wanem i pulum olgeta ya we oli fulumap fom blong paenia, mo hu ya bighaf blong olgeta we oli paenia. Soemaot gudfala tingting we ol papa mama we i paenia oli gat. Tokbaot strong tingting we man i nidim blong jenisim sam samting long laef blong hem blong kam paenia. Leftemap tingting blong evriwan blong tinghevi long wok blong paenia, mo prea blong gat tingting blong gohed long paenia.

20 menet: “?Yu Yu Stap Ridim Ol Magasin?” Kwestin mo ansa. Tokbaot sam gudfala advaes we i soem olsem wanem blong putum wan stret taem blong rid. Yusum buk ya School Guidebook, stadi 4, paragraf 5-6.

Singsing 107 mo laswan prea.

Wik We i Stat Long Oktoba 19

Singsing 16

10 menet: Lokol mesej. Lukluk sam poen blong storeyan long ol laswan magasin. Talem sam ekspiryens long 1997 Yearbook, pej 45, mo Wekap! blong Oktoba 22, 1996, pej 32. Leftemap tingting blong evriwan blong joen long wok blong seremaot magasin long wiken ya.

15 menet: Lokol nid.

20 menet: Olsem wanem blong Rere from Wajtaoa Stadi. Brata we i stap lidim Wajtaoa stadi i storeyan wetem olgeta we oli lesin. Hem i givim wan tok we i stanap long Wajtaoa blong Mei 15, 1986, pej 19-​20 paragraf 16-​18, mo School Guidebook, stadi 7, paragraf 11, mo stadi 18, paragraf 4-6. Askem olgeta we oli lesin blong talem tingting blong olgeta long ol kwestin ya: (1) ?From wanem i impoten blong kasem gud olgeta samting we yumi lanem long ol wanwan Wajtaoa? (2) ?Yumi mas mekem wanem taem yumi kasem wan niufala Wajtaoa? (3) ? Wanem wan gudfala rod blong rerem Wajtaoa Stadi? (4) ?Wanem samting yumi mas makem long saed blong ol vas mo stamba tok blong stadi? (5) ?Olsem wanem yumi save tingtingbak long samting we yumi lanem finis? (6) ?Wanem ol impoten poen we yumi mas tingting dip long olgeta taem yumi finisim stadi blong yumi wanwan? (7) ?Olsem wanem yumi save mekem rere wan ansa? (8) ?Olsem wanem yumi save givim ol defren kaen ansa long wan kwestin? Askem samfala blong talem wanem we oli mekem blong givhan long olgeta blong kasem plante frut from Wajtaoa Stadi.​—Lukluk Ol Rul Blong Mekem Minista Wok Blong Yumi, pej 65-67.

Singsing 95 mo laswan prea.

Wik We i Stat Long Oktoba 26

Singsing 98

10 menet: Lokol mesej. Mekem lis blong ol olfala buk long stok blong kongregesen, ol buk we yumi save givimaot long ol man long wok blong prij sipos oli nidim. From we i gat ol taem blong spel long Novemba mo Desemba, maet hemia wan gudfala taem blong ol yangfala we oli baptaes finis mo ol narafala blong mekem haftaem paenia.

20 menet: Obei Long God Insaed Long Famle We Samfala i Gat Defren Bilif. Tok we i stanap long Wajtaoa blong Jun 1, 1995, pej 26-29. Wetem kaen fasin, talem ol tok we i leftemap tingting blong olgeta we hasban no waef blong olgeta i no bilif, blong oli save holem stret tingting mo wok strong oltaem wetem kongregesen.

15 menet: Kam Long Miting Long Stret Taem. Storeyan wetem tu no tri brata we i lidim Buk Stadi, mo tokbaot problem ya blong kam let long ol miting. Soemaot se samtaem, sam samting i save mekem yumi kam let long miting. Ol samting olsem sik, weta, trafik, mo sam samting bakegen. Be samfala oli mekem fasin blong let long miting, i kam wan kastom blong olgeta. Long rod we i stret, tokbaot mo soem from wanem yumi nidim blong kam long stret taem: (1) bigfala tangkiu from blesing ya we yumi gat blong kam long ol miting, ol kakae long saed blong spirit, mo kampani blong ol narafala, (2) mekem gudfala plan mo rerem ol samting bifo long taem blong miting, (3) ol memba blong famle oli mas rere blong wok tugeta, (4) traem kam long Haos Kingdom bifo long stret taem, olsemia, sipos i gat wan problem long rod, bambae i gat naf taem yet blong kam long stret taem, mo (5) soem se yumi rili tingbaot ol narafala blong no blokem olgeta taem oli stap lesin. Yumi evriwan i agri se sipos yumi traehad oltaem blong kam long stret taem, bambae yumi winim trabol ya blong kam let long ol miting.

Singsing 86 mo laswan prea.