Miting Blong Kingdom Wok Blong Julae
Wik We i Stat Long Julae 5
Singsing 6
10 menet: Lokol mesej. Sam Advaes long Kingdom Wok Blong Yumi. Tokbaot ripot blong prij we ful kantri i mekem long Maj mo ripot blong kongregesen blong yufala. Talemaot plan blong prij long ol pablik holide long Julae. Tiokratik Nius.
20 menet: “Prea Blong Askem Help Long Jeova.” Mekem wan sotfala fastok, mo gohed long haf ya wetem kwestin mo ansa. Eksplenem olsem wanem ol prea we oli kamaot long hat oli givhan bigwan long minista wok blong yumi. Askem ol brata mo sista blong talem sam ekspiryens we i soem olsem wanem prea we oli mekem long stret taem i givhan long olgeta long wok blong prij.—Lukluk Wajtaoa blong Oktoba 15, 1996, pej 32.
15 menet: Yusumgud Ol Buklet. Givim wan tok mo mekem sam pleplei blong soem olsem wanem blong seremaot ol buklet. Eksplenem from wanem ol buklet oli ol nambawan tul we yumi save yusum long wok blong prij. Ol buklet ya, oli tokbaot klia ol poen we plante man oli wantem tumas blong save, oli eksplenem gud wan stamba poen, mo oli eksplenem ol tijing blong Baebol long saed blong ol poen ya. Talemaot nem blong ol buklet we yufala i givimaot long manis ya, mo soemaot hemia we ol man long ples blong yufala oli laekem tumas. Mekem tu no tri sot pleplei blong soem olsem wanem blong givimaot ol buklet ya. Jusum ol fastok blong ol pleplei ya long Watch Tower Publications Index aninit long tok ya, “Presentations.”
Singsing 181 mo laswan prea.
Wik We i Stat Long Julae 12
Singsing 103
10 menet: Lokol mesej. Ripot blong ol kaon. Tokbaot ol bigfala poen blong “Niufala Program Blong Seket Asembli.”
15 menet: “Fasin Blong Reregud Fastaem i Karem Glad.” Givim wan tok mo askem kwestin long sam pablisa. Eksplenem from wanem i impoten tumas blong reregud bifo we yumi go long wok blong prij mo olsem wanem fasin ya i givhan long yumi blong gat moa glad long wok we yumi mekem. (Lukluk School Guidebook, pej 39, paragraf 1-3.) Jusum tu no tri pablisa we oli naf gud mo askem long olgeta blong talem olsem wanem oli rere bifo we oli go prij mo olsem wanem fasin ya i halpem olgeta. Talem sam ekspiryens long Wajtaoa blong Epril 15, 1993, pej 30. Soem gudfala rod blong yusum Reasoning buk blong rere long wok blong prij.
20 menet: “!Yumi Mas Go ‘Stret Long Poen!’” Toktok wetem ol brata sista mo mekem sam pleplei. Talem bakegen ol advaes long saed blong ol samting we yumi mas talem blong mekem se man blong haos i lesin long yumi. Jusum sam pablisa blong mekem sam pleplei blong soem ol fastok we oli wok gud. Askem olgeta we oli lesin blong talem sam narafala fastok mo talem sam gudfala ekspiryens blong soem wanem i rili wok gud long ples blong yufala.
Singsing 183 mo laswan prea.
Wik We i Stat Long Julae 19
Singsing 31
8 menet: Lokol mesej. Ansa Long Wan Kwestin.
22 menet: “Distrik Asembli 1999 ‘Profet Tok We i Kamaot Long God.’” (Paragraf 1-13) Kwestin mo ansa. Ridim paragraf 2, 6, mo 12. Talemaot from wanem i impoten blong stap long fulwan program blong asembli, program blong Fraede tu.
15 menet: ?Yu yu Mas Joen Long Wan Ogenaesesen? Storeyan wetem olgeta we oli lesin. Yusum ol poen long Reasoning buk, pej 280 kasem 284. Plante taem yumi mitim ol man we oli lesin long mesej blong Kingdom be oli no wantem nating blong “joen” long wan ogenaesesen blong skul. Lukluk bakegen ol poen long tok ya “ogenaesesen” mo seven samting we i makemaot ogenaesesen blong Jeova long wol ya. Eksplenem from wanem ogenaesesen ya i defren long ol narafala mo olsem wanem fasin blong joen long ogenaesesen ya i karem ol bigfala blesing.
Singsing 189 mo laswan prea.
Wik We i Stat Long Julae 26
Singsing 184
8 menet: Lokol mesej. Talem long evriwan blong putum ripot blong prij blong manis Julae.
22 menet: “Distrik Asembli 1999 ‘Profet Tok We i Kamaot Long God.’” (Paragraf 14-22) Kwestin mo ansa. Ridim paragraf 15-17. Ridim ol vas blong Baebol we oli stap long ol haf ya, mo soem from wanem yumi mas lukaot gud long ol klos we yumi putum, hea blong yumi, mo ol fasin blong yumi.
15 menet: ?Yumi Stap Pulum Ol Man Blong Kam Disaepol? Brata we i lukaot long wok blong prij i storeyan wetem wan no tu man blong givhan. Oli tokbaot ol poen long Wajtaoa blong Febuwari 15, 1996, pej 19-22. Soemaot ol pruf long Baebol we i makem from wanem yumi mas wok strong long teritori blong yumi, blong lukaot olgeta we hat blong olgeta i stret mo pulum olgeta blong oli kam disaepol. (Mat. 10:11) Olgeta ya oli stap harem nogud from ol man nogud mo ol rabis samting we oli luk raonabaot long olgeta mo oli stap lukaot Jeova bifo we dei blong kros blong hem i faerap. (Esik. 9:4; Sef. 2:2, 3) Wetem olgeta ya, hemia ‘olgeta we oli stret blong kasem laef we i no save finis.’ (Wok 13:48) Oda we yumi kasem i blong pulum ol man blong kam disaepol, mo tijim ol man long olgeta samting we Jisas i talem. (Mat. 24:14; 28:19, 20) Fasin blong prij long ol haos wanwan, tekem jans blong prij, mo prij long rod, i faswan step blong pulum intres blong man. Nating se i olsem, yumi pulum olgeta blong kam disaepol taem yumi visitim olgeta mo mekem Baebol stadi. Soemaot sam advaes we oli wok gud blong soem olsem wanem blong mekem samting ya.
Singsing 14 mo laswan prea.